राप्रपाले प्रधानमन्त्री पुष्पकमल दाहाल प्रचण्डलाई ४० बुँदे माग बुझाएर पूरा गराउन दबाब दिन १६ चैतमा काठमाडौंमा प्रदर्शनको कार्यक्रम राखेको थियो । माध्यमिक शिक्षा परीक्षा (एसईई) परेकाले विद्यार्थीको असुविधा र संवेदनशीलतालाई ध्यान दिएर काठमाडौं केन्द्रित प्रदर्शन २७ चैतमा सारिएको राप्रपाले जनाएको छ ।
‘पार्टीले गर्न लागेको बृहत जनप्रदर्शनको स्वरूप तय गर्न पार्टीका बरिष्ठ नेता उपाध्यक्षहरू र सबै उपाध्यक्षहरु रहने गरी समिति गठन गर्ने र सो समितिले तीन दिनभित्र अध्यक्षलाई प्रतिवेदन दिने निर्णय गरिएको छ’, वैठकपछि प्रचार विभाग प्रमुख श्रेष्ठले जारी गरेको विज्ञप्तिमा भनिएको छ ।
राप्रपाले कोशीको सभामुख चयनका क्रममा प्रदेशस्तरबाट निर्णय गर्नु कमजोरी भएको स्वीकार गरेको छ । ‘राष्ट्रिय राजनीतिमा केन्द्रीय स्तरमा हुने निर्णय प्रदेशस्तरमा हुनु, गरिनु उपयुत्त होइन यो दृष्टिकोणलाई हाल कोसी प्रदेशको सभामुखको चुनावमा उपेक्षा भएको छ। भविष्यमा यस्तो घटना दोहोरिन नदिने निर्णय भएको छ’ निर्णयमा भनिएको छ ।
