गोरखा ।
नेपाली सेनाले ‘दोस्रो ऐतिहासिक गोरखा–जितगढी एकीकरण पदयात्रा’ सुरू गर्ने भएको छ । स्थानीय तहहरुको समन्वयमा यही चैत्र २७ गतेबाट पदयात्रा शुरु गर्न लागिएको रिपुमर्दन गणले जनाएको छ ।
गोरखाबाट शुरु हुने पदयात्रा तनहुँ, पाल्पा हुदैँ जितगढी पुगेर समापन हुने गणपति अशोक कुमार क्षेत्रीले बताए । उनका अनुसार यात्रामा अधिकृतको कमाण्डमा ४८ जना सेना सहभागी हुनेछन् ।
गोरखाको टोलि पालुङटारको सतिघाट पुगेर तनहूँलाई हस्तान्तरण गर्ने र तनहूँले पाल्पालाई हस्तान्तरण गर्ने कार्यक्रम रहेको उनले जानकारी दिए । ‘पाल्पाले रुपन्देहीलाई बुझाउँछ र रुपन्देहीको टोलि जितगढीमा पुगेर बिजय उत्सवमा सहभागी हुन्छ,’ गणपती क्षेत्रीले भने ।
