शिव खनाल, कपिलवस्तु ।
सिटिजन्स बैंक इन्टरनेसनल लिमिटेड शाखा कार्यालय इमिलियाले १७औं वार्षिकोत्सवको अवरसमा बुद्धभूमि नगरपालिका- ३ स्थित त्रिशक्ती नि.मा.वि. मा ३२ इन्चको एलईडी टिभि हस्तान्तरण गरेको छ । बैंकले संस्थागत सामाजिक उतरदायित्व कार्यक्रम अन्तर्गत उक्त टिभि हस्तान्तरण गरेको हो ।
हस्तान्त्रण कार्यक्रममा बुद्धभूमि नगरपालिका वडा नं. ३ का वडा अध्यक्ष विकास आचार्य विद्यालयका प्र.अ. शारदा खनाल सिटिजन बैंक इमिलिया शाखाका शाखा प्रमुख समिर कुमार श्रेष्ठ लगायत वैक कर्मचारी र विद्यालय कर्मचारीको उपस्थितमा उक्त कार्यक्रम सम्पन्न भएको हो ।
विगत सत्र वर्ष देखि आम नेपाली सर्वसाधारण ग्राहकवर्गको घरदैलोमा सर्वसुलभ बैंकिङ सेवा हरेक वर्ष बैंकले आफ्नो वार्षिक उत्सवको उपलक्ष्यमा सामाजिक रूपान्तरणका लागि विभिन्न कार्यक्रम गर्दै आएको र आगामी दिनमा पनि बैंकले सामाजिक, आर्थिक, सांस्कृतिक, शैक्षिक आदि क्षेत्रमा सकारात्मक परिवर्तन ल्याउनका निम्ति विभिन्न कार्यक्रम सञ्चालन गर्ने योजना रहेको इमिलिया शाखाका शाखा प्रमुख समिर कुमार श्रेष्ठले जनकारी दिए ।
नेपाल राष्ट्र बैंकबाट ’क’ वर्गको ईजाजत पत्र प्राप्त नारायणहिटि पथ, काठमाण्डौं केन्द्रिय कार्यालय रहेको सिटिजन्स बैकंले हाल देशैभर ५५ जिल्लामा १९० वटा शाखा, १५२ वटा ATM, ३ एक्सटेनसन काउन्टर र ९७ वटा शाखा रहित बैंकिंग बाट सेवा दिदैँ आइरहेको र यसै आर्थक वर्षमा थप ७ शाखा विस्तार गरेर अगामी दिनमा देशको ६० वटा जिल्ला बाट सेवा प्रदान गर्ने लक्षय लिई सेवा दिँदै आएको यस बैकंको १७ औँ बार्षिकोत्सवको अवसरमा वैशाख महिना भरि लागु हुने गरि विभिन्न सेवा सुविधामा भारि छुट र क्यास व्याक लगायतका योजनाहरु ल्याएको शाखाले जनकारी दिए ।
योजना अनतर्गत डेविट–क्रेडिट कार्ड प्रयोगकर्ताहरुले POS मेसिन र अनलाईन मार्फत रु १००० वा बढिको कारोबार गर्दा १७ प्रतिशत वा बढिमा १७० रुपैँया सम्म क्यास व्याक पाउनेछन् । त्यस्तै QR कोड स्कयान गरि भुक्तानी गर्ने ग्राहकले रु ५०० वा बढिको कारोबार गर्दा १७ प्रतिशत वा बढिमा १७० रुपैँया सम्म क्यास व्याक पाउनेछन् । त्यसैगरि E–COM कार्ड प्रयोगकर्तालाई प्रोत्साहन गर्न E–COM कार्ड निशुल्क उपलब्ध गराउने र Demat खाता खोल्न निशुल्क व्यवस्था गरेको छ ।
साथै योजना अवधि भरि निष्क्रिय मोबाइल बैकिंग प्रयोगकर्ताहरुले सेवा सक्रिय गराँउदा एकमुष्ठ १५० रुपैयाको छुट प्राप्त गर्न सकिन्छ । तसर्थ बैंकको नजिकको शाखामा तथा बैकिंग रहित शाखामा सम्पर्क गरि लाभ लिनु हुन अनुरोध पनि गरेको छ । त्यसै गरि कर्जा तर्फ बैकंले व्यक्तिगत तथा संस्थागत ग्राहकहरुलाई वित्तिय आवश्यकत्ता पुरा गर्न विभिन्न शिर्षकहरु जस्तै घरको सपना पुरा गर्न घर कर्जा, पठन –पाठन गर्न शिक्षा कर्जा, व्यक्त्तिगत कर्जा, व्यवसाय गर्न व्यावसायिक कर्जाहरु सस्तो र शुलभ व्याजदरमा उपलब्थ गराइने बताएका छन ।