युनाइटेडको लज्जास्पद हार

माइकल ओलिसेले खेलको १२ औँ मिनेटमा प्यालेसलाई अग्रता दिलाए । ४० औँ मिनेटमा जिन फिलिपे माटेटाले टोलीको अग्रता दोब्बर बनाए । घरेलु मैदानमा उनको लगातार छैटौँ गोल थियो ।

दोस्रो हाफको ५८ औँ मिनेटमा टाइरिक मिचेलले तेस्रो गाल गरे भने ६६ औँ मिनेटमा ओलिसेले व्यक्तिगत दोस्रो गोल गर्दै टोलीलाई शानदार जित दिलाए ।

पछिल्लो समय खराब प्रदर्शन गरिरहेको युनाइटेड ३५ खेलबाट ५४ अङ्कसहित लिगको आठौँ स्थानमा सीमित रहेको छ । प्यालेस ३६ खेलका ४३ अङ्कसहित लिगको १४ औँ स्थानमा छ ।