गृहपृष्ठ Featured प्यूठानमा खेत जोत्ने क्रममा करेन्ट लागेर एक जनाको मुत्यु

प्यूठानमा खेत जोत्ने क्रममा करेन्ट लागेर एक जनाको मुत्यु

खेत जोत्ने क्रममा बिजुलीको अडाएको तारबाट करेन्ट लाग्दा आइतबार एक जना युवकको मृत्यु भएको छ। नौवहिनी गाउँपालिका–६ छम प्यूठान निवासी २८ वर्षीय सन्तोष परियारको मृत्यु भएको हो ।

करेन्ट लागेर घाइते भएका उनको उपचारका लागि जिल्ला अस्पताल विजुवार लैजाँदै गर्दा बाटोमै मृत्यु भएको जिल्ला प्रहरी कार्यालय प्यूठानका सूचना अधिकारी एवं प्रहरी निरीक्षक हुमानन्द खनालले जानकारी दिए ।

मृतक परियार केही समयअघि वैदेशिक रोजगारीबाट फर्किएका थिए । उनी फोप्लीको लुप्लुङबाट बसाइँसरेर नौबहिनी–६ स्थित छममा गएका हुन्।

सम्बन्धित् समाचार