वैखरी अनलाइन, बाणगंगा ।
कपिलवस्तु जिल्लाको बाणगंगामा नगरपालिकाबाट २ वटा अटो रिक्साको ब्याट्री चोरी भएको छ । गतराती बाणगंगा २ पिपरा र बाणगंगा ४ ठाकुरापुरबाट २ वटा अटो रिक्साको ब्याट्री चोरी भएको हो ।
बाणगंगा २ पिपराबाट सवारी धनी बिकास रानाभाटको रा १ ह ३७१० नम्बरको अटोरिक्सा घरमा रातको समयमा चार्जमा लगाइ राखेको अवस्थाबाट चोरले ब्याट्री निकालेर भागेको पाइएको छ । जसमा रातको करिव ३ बजे स्कारपियो र मोटरसाइकलमा आएका चोरले स्कारपीयोमा आई ब्याट्री चोरी गरी भागेको सिसिटिभि क्यामेरा देखिएको न्यु लुम्बिनि इ रिक्सा अटो ब्यवसायीका अध्यक्ष रिषीराम पोखरेलले बताए ।
त्यस्तै बाणगंगा नगरपालिका वडा नः ४ ठाकुरापुरबाट सवारी धनी मधुसुधन कडेलको लु १ ह ४४४४ नम्बरको अटो रिक्साको ब्याट्री चोरी समेत चोरी भएको अटो ब्यवसायीका अध्यक्ष पोखरेलले जानकारी दिए ।
यी दुई अटो रिक्साबाट चोरी भएका ब्याट्रीको बजार मुल्य ३ लाख बढिको रहेका छन । साथै न्यु लुम्बिनि इ रिक्सा अटो ब्यवसायीका अध्यक्ष रिषीराम पोखरेलले सुरक्षा निकायलाई यस बिषयमा गम्भीर भई खोजी कार्य गर्न अनुरोध समेत गरेका छन ।
