सीमा क्षेत्रको तस्करी र राजश्व चुहावट रोक्न मुख्यमन्त्रीको निर्देशन

लुम्बिनी प्रदेश प्रहरी कार्यालयका प्रमुख, प्रहरी नायब महानिरीक्षक दानबहादुर कार्कीसँगको भेटमा मुख्यमन्त्री आचार्यले सीमा क्षेत्रबाट भइरहेको अवैध कारोबार र राजश्व चुहावटलाई रोक्न निर्देशन दिए ।

‘तस्करी बढेको छ । अवैध बाटो भएर प्रशस्त माल सामानहरू भित्रिएका छन् । त्यसमा प्रहरीले निगरानी बढाउन जरुरी छ’, मुख्यमन्त्री आचार्यले भने,‘मूल नाकाको साथसाथै अन्य चोरी हुने नाकाहरूको पहिचान गरेर प्रहरीले यसमा कडा निगरानी गर्न जरुरी छ । राजश्व चुहावटलाई रोक्ने र अवैध कारोबारहरूलाई निरुत्साहित गर्न प्रहरीले यसमा आफ्नो भूमिका बढाउन जरुरी छ ।’