२७ दिनदेखि सडकमा शिक्षकहरू

शिक्षा ऐन तथा पुराना सम्झौता कार्यान्वयन गर्न माग राख्दै शिक्षकहरू आन्दोलनमा उत्रिएका हुन्। उनीहरूले माइतीघर मण्डलामा भेला भई नयाँ बानेश्वर पुगेर प्रदर्शन गर्दै आएका छन् ।

प्रदर्शनकै क्रममा आइतबार प्रहरीले शिक्षकहरूमाथि हस्तक्षेप गरेको थियो । सो क्रममा केही शिक्षक घाइते भएका थिए । शिक्षकहरूले आफूहरूको माग पूरा नभएसम्म आन्दोलन नरोकिने बताउँदै आएका छन् ।