हाल देशमा पश्चिमी वायु तथा स्थानीय वायुको प्रभाव रहेको छ।
जल तथा मौसम पूर्वानुमान महाशाखाका अनुसार बुधबार बिहान देशका पहाडी भूभागमा आंशिकदेखि साधारणतया बदली रही बाँकी भूभागमा मौसम मुख्यतया सफा रहेको छ।
पछिल्लो २४ घन्टामा देशका अधिकांश स्थानमा वर्षा भएको अभिलेख छ।
मकवानपुरको भोर्लेनी केन्द्रमा ५६.२, इलामको सोक्तिम चिया बगानमा ४५.२, ताप्लेजुङको दोभानमा ३८, सुनसरीको चतरामा ३६, मोरङको हरैचामा २४.८, स्याङ्जाको स्याङ्जामा ४४.६, आँधिखोलामा २२.६ पञ्चमूलमा २५.२, पर्वतको कार्किनेटामा २५.२ मिलिमिटर वर्षा भएको छ।
बुधबार दिउँसो कोशी प्रदेश लगायत देशको पहाडी भू-भागमा आंशिकदेखि साधारणतया बदली रही बाँकी भू-भागमा मूख्यतया सफा देखि आंशिक बदली रहने पूर्वानुमान छ।
कोशी प्रदेश, बागमती प्रदेश र गण्डकी प्रदेशका पहाडी भू-भागका थोरै स्थानहरूमा र बाँकी पहाडी भू-भागका एक-दुई स्थानमा मेघगर्जन/चट्याङ्ग सहित हल्कादेखि मध्यम वर्षाको सम्भावना रहेको महाशाखाले जनाएको छ।
बुधबार राति कोशी प्रदेश र गण्डकी प्रदेशको पहाडी भू-भागमा आंशिकदेखि साधारणतया बदली रही बाँकी भू-भागमा मौसम मूख्यतया सफादेखि आंशिक बदली रहने पूर्वानुमान छ।
