वैखरी अनलाईन, बाणगंगा ।
इलाका प्रशासन कार्यालय, बाणगंगाले अब गजेहडाबाट सेवा सञ्चालन गर्ने भएको छ ।
हालसम्म बाणगंगा नगरपालिका–४, दरखास्तस्थित भाडाको भवनमा सञ्चालन हुँदै आएको उक्त कार्यालयले अब बाणगंगा नगरपालिकाको वडा नं.४ गजेहडाको वडा कार्यालय भवनको माथिल्लो तलाबाट सेवा सञ्चालन गर्ने भएको हो ।
बाणगंगा नगर कार्यपालिकाको असार ८ गतेको पत्रअनुसार कार्यालय स्थानान्तरण गरिएको हो । कार्यालय प्रमुख भेषराज पन्थका अनुसार आगामी २०८२ साल श्रावण १ गतेबाट नयाँ स्थानबाट नियमित रुपमा सेवा सञ्चालन गरिनेछ ।
सेवाग्राहीहरूले अबदेखि बाणगंगा नगरपालिका–४, गजेहडा स्थित वडा कार्यालयको माथिल्लो तलामा कार्यालयका सेवा लिन सक्ने जनाइएको छ । स्थानान्तरणसँगै सेवा प्रवाहमा थप सहजता र पहुँच सुनिश्चित हुने कार्यालयले जनाएको छ ।
