घनश्याम भर (विजयनगर) कपिलवस्तु
कपिलवस्तुकाे विजयनगर गाउँपालिकाका वडा कार्यालयहरुमा अनुगमन कार्यलाई तीव्र पारिएको छ ।गाउँपालिकाकी उपाध्यक्ष तथा अनुगमन संयाेजक लक्ष्मी कुमारी चाैधरीकाे नेतृत्वमा वडा कार्यालयकाे राजश्व अनुगमन कार्यलाई निरन्तरता दिएको छ ।
विगतका वर्षदेखि नै वडा कार्यालयमा राजश्वकाे पारदर्शितालाई मध्यनजर गर्दै चाैधरीले अनुगमन निरन्तरता दिँदै आएकी छन् । यस अनुगमनले स्थानीय सरकारकाे आर्थिक ऐन अनुसार राजश्व सङ्कलन र वित्तीय पारदर्शिता राख्ने उद्देश्यले वडाहरुमा अनुगमन गरिएको जनाइएको छ । साेमबार गाउँपालिकाकाे वडा नम्बर १ र २ मा अनुगमन गरिएको छ । यस्तै आइतबार वडा नम्बर ३ र ६ मा अनुगमन गरिएको थियोे ।
उपाध्यक्ष चाैधरीले अनुगमनको क्रममा स्थानीय जनतालाई राजस्व र यसको उचित व्यवस्थापनको बारेमा जानकारी गराउनुका साथै नेतृत्वको प्रभावकारिता र पारदर्शितामा ध्यान केन्द्रित गर्नुपर्ने आवश्यकता रहेको बताएका छन् । स्थानीय सरकारका सबै आर्थिक गतिविधिहरूको सम्पूर्ण र सही जानकारी हुनु आवश्यक रहेको उनलेे जिकिर गरिन् ।
राजश्व अनुगमनले वडा कार्यालयका कर्मचारी र स्थानीय व्यवसायीहरूलाई पनि संलग्नताले राजस्व सङ्कलनमा चुनौती र अवसरको पहिचान गर्न मद्दत मिल्ने उनको भनाइ छ ।
यसका साथै अनुगमनका क्रममा उत्पन्न सुझावहरू र समस्याहरूको समाधानमा पनि ध्यान दिइने उपाध्यक्ष चाैधरीले बताइन् ।
राजश्व शाखा प्रमुुख अनिल सापकोटाले समग्रमा यो अनुगमनले स्थानीय सरकारको जिम्मेवारी र पारदर्शितालाई अझ मजबुत बनाउने आशा गरिएको बताए ।
यस कदमलाई सकारात्मक रूपमा लिएकाे बताउँदै र योजनाहरूमा भद्रता र प्रभावकारिता आउने सापकोटाकाे भनाइ छ ।
अनुगमन टाेलीमा ५ का वडा अध्यक्ष अनवर माेहम्मद मुसलमान, व्यापार संघ विजयनगरका अध्यक्ष गाेकर्ण प्रसाद सापकोटाकाे सहभागीता रहेको थियो ।
