काठमाडौँ- नेपाली बजारमा सोमबार सुनको मूल्यमा उल्लेख्य वृद्धि भएको छ।
नेपाल सुनचाँदी व्यवसायी महासंघका अनुसार सुनको भाउ एकैदिन प्रतितोला ४ हजार ६०० रुपैयाँले बढेर २ लाख ६५ हजार रुपैयाँ पुगेको छ।
यसअघि आइतबार सुनको मूल्य प्रतितोला २ हजार १०० रुपैयाँले घटेर २ लाख ६० हजार ४०० रुपैयाँमा कारोबार भएको थियो।
यस्तै, चाँदीको मूल्य पनि सोमबार बढेको छ। प्रतितोला चाँदी १८५ रुपैयाँले वृद्धि हुँदै ४ हजार ६८५ रुपैयाँमा पुगेको महासंघले जनाएको छ।
आइतबार भने चाँदी प्रतितोला ४ हजार ५०० रुपैयाँमा किनबेच भएको थियो।
