प्रधानमन्त्रीका उम्मेदवारबिच टुँडिखेलमा ‘पब्लिक डिबेट’ गरौँ : विश्वप्रकाश शर्मा

उनले पूर्व प्रधानमन्त्री केपी ओली र प्रधानमन्त्रीका प्रस्तावित उम्मेदवार बनेका बालेन शाहलाई आग्रह गर्दै भने,‘नेपाली कांग्रेसले प्रधानमन्त्रीको उम्मेदवार ल्याइसकेपछि सबै उम्मेदवारहरूलाई एउटै मञ्चमा राखेर बोल्ने मात्रै होइन विभिन्न कुराहरू हेरौँ ।’

नेता शर्माले प्रस्तावित प्रधानमन्त्रीहरूको पृष्ठभूमि र योगदान समेत हेर्नुपर्ने बताए । ‘उहाँहरूको पृष्ठभूमि,संस्कार हेरौँ, उहाँहरूको भिजन हेरौँ । योगदान र योग्यता हेरौँ । पाँच वटा मापदण्डको जगमा डिबेट पनि गरौँ र निष्कर्ष पनि खोजौँ’, शर्माको सुझाव छ ।

भावी प्रधानमन्त्रीका रूपमा अघि सारिएका ओली, साह र थापासँग पब्लिक डिबेट गर्नुपर्ने माग आइरहेका बेला शर्माले यस्तो बताएका हुन् ।

यसका लागि ओलीले आफू तयार रहेको बताइसकेका छन् । तर ओलीले सामाजिक सञ्जालमार्फत डिबेटका लागि तयार रहेको बताएपनि शाहले ओलीसँग आफू डिबेटमा सहभागी नहुने बताएका छन् ।