कपिलवस्तुमा प्रहरीले ब्राउन सुगरसहित तीन जनालाई पक्राउ गरेको छ । प्रहरीले उनीहरूको साथबाट ५ सय मिलिग्राम ब्राउन सुगर, नगद ६ हजार रुपैयाँ र मोबाइल बरामद गरेको जनाएको छ ।
पक्राउ पर्नेमा शिवराज नगरपालिका-८ का २२ वर्षीय अर्जुन सुनार, सोही स्थानका १९ वर्षीय गौतम सुनार र कृष्णनगर नगरपालिका निवासी १६ वर्षीय शैलेन्द्र सिंह यादव रहेका छन् ।
जिल्ला प्रहरी कार्यालय कपिलवस्तुका अनुसार उनीहरूलाई कृष्णनगर नगरपालिका-६ गणेशपुर क्षेत्रबाट पक्राउ गरिएको हो । पक्राउ परेका तीनै जनालाई जिल्ला अदालत कपिलवस्तुमा उपस्थित गराई सात दिनको म्याद थप गरिएको छ ।
प्रहरीका अनुसार उनीहरूमाथि लागुऔषध कारोबार तथा ओसारपसार सम्बन्धी थप अनुसन्धान भइरहेको छ ।
यसैबीच, प्रहरीले कपिलवस्तु नगरपालिका-४ सिकोटवाबाट ५३ वर्षीया तारा तेलीलाई १ सय ३० ग्राम गाँजासहित पक्राउ गरेको जनाएको छ ।
उनलाई पनि जिल्ला अदालतबाट पाँच दिनको म्याद थप गरी अनुसन्धान अघि बढाइएको प्रहरी नायव उपरीक्षक रिपेन्द्र कुमार सिंहले जनाए ।
