नेपालविरुद्धको खेल केएल राहुलले गुमाउने

एसिया कपका लागि टोली घोषणा हुँदा राहुल ‘कन्डिसनल्ली फिट’ मात्र भनिएको थियो । आईपीएल २०२३ मा सहभागी हुँदा उनको खुट्टामा चोट लागेको थियो । यसका लागि उनले शल्यक्रिया नै गर्नुपरेको थियो ।

बैंग्लुरुको नेसनल क्रिकेट एकेडेमीमा मेडिकल टिमले उनको मूल्याङ्कन गर्दा राहुलको ब्याटिङको प्रशिक्षणमा सन्तुष्ट भए पनि उनको विकेटकिपिङमा अझै सुधार गर्नुपर्ने देखिएको थियो ।

गत हप्ता एकेडेमीमा आयोजना गरिएको अभ्यास खेलपछि उनले केही समस्या देखिएको बताएका थिए । राहुलको स्थानमा भारतसँग ईशान किसन र सञ्जु स्यामसन वैकल्पिक खेलाडीका रूपमा रहेका छन् ।