साफ यू- २० च्याम्पियनसिप अन्तर्गत सेमिफाइनलको पहिलो खेल आज हुँदै छ । प्रतियोगिताको फाइनलमा पुग्नका लागि आज नेपाल र भुटान मैदानमा उत्रँदै छन् ।
ललितपुरको सातदोबाटोस्थित एन्फा कम्प्लेक्समा खेल हुनेछ । आज साँझ साढे ५ बजे खेल सुरु हुनेछ । जसमा समूह एको विजेता बन्दै सेमिफाइनलमा पुगेको नेपालले भुटानको सामना गर्न लागेको हो । भुटान भने समूह बीको उपविजेता बन्दै सेमिफाइनलमा पुगेको हो ।
नेपालले समूह चरणमा श्रीलंकालाई १-० र बंगलादेशलाई २-१ ले पराजित गरेको थियो ।
सेमिफाइनलको अर्को खेल सोमबार भारत र बंगलादेशबीच हुनेछ । फाइनल भने बुधबार हुनेछ ।
