एकीकृत समाजवादीबाट वडाअध्यक्षका उम्मेदवार बनेका दुई जना कांग्रेसमा प्रवेश

वडा नम्बर २ मा वडाअध्यक्षको उम्मेदवार बनेका सुनिल कुमार पुन र १३ मा उम्मेदवार बनेका नितेश जालन्धर कांग्रेसमा प्रवेश गरेका हुन् ।

पुन ७ मतले पराजित भएका थिए । जालन्धरले चौथो स्थान प्राप्त गरेका थिए । २०७४ सालमा नेकपा (माओवादी केन्द्र) बाट वडाअध्यक्षको उम्मेदवार बनेका पुन झिनो मतले पराजित भएका थिए ।

कांग्रेस नगर समिति सिद्धार्थनगर, रुपन्देहीले शनिबार भैरहवामा आयोजना गरेको नगर क्रियाशील भेला तथा दशैं, तिहार, छठ, नेपाल सम्वतको अवसरमा शुभकामना आदानप्रदान कार्यक्रममा उनीहरु कांग्रेसमा प्रवेश गरेका हुन् ।

उनीहरुलाई कांग्रेसका केन्द्रीय सदस्य तथा पूर्व गृहमन्त्री बालकृष्ण खाणले पार्टीमा स्वागत गरेका हुन् ।