पुष्पाले लगानी र अल्लु अर्जुनको पारिश्रमिक ४ दिनमै उठायो

फिल्मले हिन्दी बक्स अफिस कलेक्सनको कीर्तिमान तोडेको छ । कुनै पनि बलिउड फिल्मले एकै दिन ८५ करोड कमाउन सकेको छैनन् । स्याकनिल्कको रिपोर्टका अनुसार ‘पुष्पा २’ले आइतबार १४१ करोड ५० लाख भारु कमाएको छ । यसले हिन्दीमा ८५ करोड, तेलुगुमा ४४ करोड, तमिलमा साढे ९ करोड, मलायालममा १ करोड ९० लाख र कन्नडमा १ करोड १० लाख भारुको व्यापार गरेको छ । ४ दिनमा ग्लोबल बक्स अफिसमा फिल्मको कमाई ७ सय करोड भारु पुगेको छ । फिल्म छिट्टै एक हजार करोड क्लबमा पुग्ने अनुमान गरिएको छ ।