काठमाडौँ ।
काठमाडौँको जडिबुटीमा रोकिराखेको बसमा स्कूटर ठोक्किँदा स्कूटरमा सवार दुई जनाको मृत्यु भएको छ।
शुक्रबार बिहान पुल नजिकै सडकछेउमा पार्किङ गरिराखिएको बा प्र ०१–००६ ख ४२४३ नम्बरको अरनिको यातायातको बसको पछाडिपट्टि लु ४३ प ४९३८ नम्बरको स्कूटर ठोक्किएको थियो।
ठक्करबाट स्कूटर चालक र पछाडि सवार व्यक्ति दुवै घाइते भएका थिए।
जिल्ला प्रहरी परिसर काठमाडौँका प्रवक्ता एसपी अपिल बोहराका अनुसार घाइतेलाई तत्काल ट्रमा सेन्टर लगिएको थियो।तर, उपचारका क्रममा दुवैजनाको मृत्यु भएको प्रहरीले जनाएको छ।
