मुग्लिन–नारायणगढ सडकखण्ड दुईतर्फी सञ्चालन

शुक्रबारदेखि अवरुद्ध बनेको सडक आइतबार अपराह्नदेखि एकतर्फी सञ्चालन भएको थियो। यद्यपि, जोखिम हुनसक्ने भन्दै आइतबार राति सवारीसाधन सञ्चालनमा रोक लगाइएको थियो।

आज बिहानदेखि दिउँसो १ बजेसम्म एकतर्फी रुपमा सवारीसाधन सञ्चालन गरिएको थियो। दिउँसो १ बजेदेखि सवारी आवागमन बन्द गरेर पहिरो पूर्णरुपमा हटाएपछि सोमबार साँझ साढे ५ बजेदेखि सडक दुईतर्फी सञ्चालन भएको हो।

सडक अवरुद्ध भएपछि दसैँका लागि घर फर्किरहेका यात्रुहरू बाटोमै अलपत्र परेका थिए ।