सेयर बजार अब एक साता नखुल्ने

दसैँअघिको अन्तिम कारोबार हुँदा आज बजार ११.५१ अंकले बढेको छ । योसँगै बजार परिसूचक २६६३.५१ विन्दुमा कायम भएको छ । बजारमा आज २ अर्ब ९३ करोड रुपैयाँ बराबरको कारोबार भयो ।

आज बजारमा १० वटा समूहका सूचक बढ्दा तीन वटा सूचक घटेका छन् । सबैभन्दा धेरै गिरावट ट्रेडिङ समूहमा १.२८ प्रतिशतले भयो । होटल र अन्य समूहमा सामान्य गिरावट हुँदा बाँकी समूहको सूचक बढेका छन् । वृद्धि भएका समूहका सूचकको वृद्धि १ प्रतिशत भन्दा कम नै छ ।