जेनजीका नाममा कर्मचारी धम्क्याउँदै हिँडेका शाहीसँग प्रहरीकै असईको परिचय पत्र फेला

शाहीलाई जिल्ला प्रहरी परिसर काठमाडौँले बुधबार पक्राउ गरेर हिरासतमा राखेर अनुसन्धान गरिरहेको छ। अनुसन्धानको क्रममा उनले केही दिन पहिले चाबहिलको एक होटलमा प्रहरीको परिचय पत्र राखेर कोठा लिएको फेला परेको काठमाडौँ प्रहरी प्रवक्ता एसपी पवनकुमार भट्टराईले बताए।

उनले त्यो परिचय पत्र जेनजी आन्दोलनका क्रममा प्रहरीबाट लुटेर लगेको प्रहरीको दाबी छ। उनीसँग अख्तियारमा कार्यरत सहायक निरीक्षक (असई) को परिचय पत्र फेला परेको हो।