नेपाली कांग्रेसका महामन्त्री विश्वप्रकाश शर्माले फागुन २१ को निर्वाचनअघि पार्टीको महाधिवेशन नभए आफूले पदबाट राजीनामा दिने बताएका छन्। आइतबार सभापति शेरबहादुर देउवासँगको भेटमा विश्वप्रकाशले विशेष महाधिवेशनको मुद्दा सम्बोधन नभए महामन्त्री पदबाट राजीनामा दिने बताएका हुन्।
भर्खरै १८ दिन सिंगापुरको उपचारपछि फर्किएका देउवाले शुक्रबारयता पार्टीको गतिरोध अन्त्य गर्न अनौपचारिक रूपमा नेताहरूसँग संवाद गरिरहेका छन्। यस क्रममा आइतबार महामन्त्री विश्वप्रकाशसँग एक घण्टा संवाद गरेका थिए। सोही संवादमा उनले पार्टी विधानअनुसार ५४ प्रतिशत महाधिवेशन प्रतिनिधिले विशेष महाधिवेशन माग्दै हस्ताक्षर पेस गरेको बताउँदै पुसभित्र महाधिवेशन नभए पदमा नबस्ने बताएका हुन्।
