भारतको छत्तीसगढको स्टिल प्लान्टमा विस्फोट: ६ कामदारको मृत्यु

राजधानी रायपुरबाट करिब १०१ किलोमिटर उत्तर–पूर्वमा अवस्थित उक्त उद्योगको ‘डस्ट सेटलिङ च्याम्बर’मा अचानक विस्फोट भएको अधिकारीहरूले जनाएका छन् । विस्फोटपछि च्याम्बरमा रहेको अत्यधिक तातो धुलो कामदारहरूमाथि खसेको थियो । तातो धुलोले शरीर पोलेका कारण उनीहरूको अवस्था गम्भीर बनेको र उपचारका क्रममा ६ जनाले ज्यान गुमाएको बताइएको छ ।

प्रत्यक्षदर्शीका अनुसार विस्फोट निकै शक्तिशाली थियो । घटनालगत्तै प्लान्ट परिसरभित्र भागदौड मच्चिएको थियो भने बाक्लो धुवाँ र आगोको ज्वालाका बीच कामदारहरू ज्यान जोगाउन यत्रतत्र भागिरहेका देखिएका थिए ।