युवा अवस्थामा डण्डिफोरको समस्याले धेरैलाई पिरोल्ने गर्छ । हुन त डण्डिफोरले बुढापाकालाई पनि छाड्दैन तर, यसले विषेशगरी युवावस्थाका युवायुवतीले बढी पिरोल्ने गर्छ । कसै–कसैको अनुहारमा थोरै डण्डिफोर आउँछ भने कसै–कसैको पुरा अनुहार नै ढाक्ने गरी आउँछ । गर्मी मौसममा त झनै बढी डण्डिफोर आउँने हुन्छ । डण्डिफोर भएको अनुहार हेर्दा नै फोेहोरी नराम्रो देखिने हुन्छ । यसले अनुहारको सुन्दरतालाई बिगार्नुका साथै आत्मविश्वासमा समेत कमी ल्याउँछ । यि समस्याबाट छुट्कारा पाउँन केही उपायहरु तल दिएका छन्:-
खानामा परिवर्तन :
आफूले खाने खानामा विषेश ध्यान दिनु नै डण्डिफोरबाट बच्ने प्रमुख उपाय हो । आफूले खाने खानामा ब्लड सुगर बढाउने खालका खानेकुरा खानुपर्छ । यी खानेकुरामा इन्सुलिनको मात्रा बढि हुने हुनाले यसले स्वास्थ्य समस्या पैदा गर्नेगर्छ ।
अनुहार सफा राख्ने :
अनुहार सँधै सफा राख्नुपर्छ । गर्मीमा विषेश ध्यान दिनु जरूरी हुन्छ । यो मौसममा पसिना धेरै आउँछ । अनुहारमा लगाइएको मेकअप राती सुत्नेबेलामा फ्याक्नुपर्छ । अल्कोहलयुक्त रिमुभर प्रयोग गर्नु राम्रो हुन्छ ।
अनुहारलाई बारम्बार नछुने :
दिनभरी कुनै न कुनै बहानाले अनुहारमा हात लगाउनु हुँदैन । यो अनुहसारमा डण्डिफर आउने खास कारण हो । फोहोर हातले अनुहार छुनबाट बच्नुपर्छ । पहिलेदेखी नै रहेको डण्डिफोरलाई आफै सन्चो हुन दिनुपर्छ ।
मोस्चराइजरको प्रयोग :
चिल्लो छालामा डण्डिफोर आउनु आमसमस्या हो । तर, सुखा छालाका लागि पनि मोस्चराइजरको प्रयोग गर्नु आवश्यक हुन्छ ।
पर्याप्त पानी पिउने :
दिनमा कम्तिमा ६/८ गिलास पानी पिउने गर्नुपर्छ । पानीले शरिरलाई डिटक्सिडाइज गर्न मद्धत गर्छ । यसले रक्तसञ्चारलाई नियमित गर्न मद्धत गर्छ । यसले डण्डिफोरको समस्याबाट छुटकारा दिलाउन मद्दत गर्छ ।
लेजर ट्रिटमेन्ट :
यी सबै उपायहरू अपनाउँदा पनि डण्डिफोरबाट छुटकारा पाउन सकिएन भने लेजर ट्रिटमेन्टको सहारा लिन सकिन्छ ।
