काठमाडौं ३० कार्तिक- भारतको आग्रामा आमाको दूध चुसिरहेका एक १२ दिने शिशुलाई बाँदरले खोसेर मारिदिएको छ । घरभित्र पसेको बाँदरले शिशुलाई काखबाट खोसेको थियो ।शिशुलाई लगेपछि स्थानीयले बाँदरलाई लखेटेका थिए । त्यही क्रममा बाँदरले शिशुलाई छिमेकीको छतमा फ्याँकिदिएको बीबीसीले जनाएको छ । बाँदरले लछारपछार गर्दै टोकेकाले शिशु गम्भीर घाइतेे भएका थिए । बाँदरबाट मुक्त गरेपछि तत्कालै अस्पताल पुर्याइएका शिशुकोउपचारको क्रममा मृत्यु भएकोपरिवारले जनाएको बीबीसीले उद्धृत गर्दै लेखेको छ ।स्थानीय प्रहरी कार्यालयका अधिकृत अजय कुशलले रोयटर्सलाई बताए अनुसार बाँदरको आक्रमणबाट शिशुको शरिरमा चोटैचोट लागेकोथियो।
स्थानीयका अनुसार उक्त क्षेत्रमा बाँदरको आतंक बढ्दो छ।दुई महिना अघि पनि बाँदरको आक्रमण परी एक बालक सख्त घाइते भएका थिए। गत मेमा ताजमहल क्षेत्रमा दुई पर्यटकलाई बाँदर आक्रमणकोगरेको थियो । ‘आग्राका सबै क्षेत्रहरुमा बाँदर छन्’ स्थानीय वातवरण अभियन्ता श्रवणकुमार सिंहले भने,’उनीहरु खानाका लागि खोस्न र आक्रमण गर्न माहिर छन्।’ सहर विस्तारका क्रममा प्राकृतिक बासस्थान भत्कन थालेपछि बाँदरहरु झन् हिंस्रक बन्दै गएका छन् ।
अमेरिकाको नासा भन्छ- ‘प्राविधिक रुपमा सगरमाथा सर्वोच्च हैन’
काठमाडौं ,३० कार्तिक – प्राविधिक रुपमा विश्वको सर्वोच्च शिखर सगरमाथा नभएको अमेरिकाको नासाले जनाएको छ । माउन्ट एभरेस्टको नामले पनि विश्भरि चिनिने सगरमाथा समुद्री सतहको हिसाबले मात्र सर्वोच्च रहेको बताइएको छ ।तर यदि फेद देखिको उचाई मापनको आधारमा भन्ने हो भने अमेरिकाको हवाइ टापुको माउना किया पहाड सबैभन्दा अग्लो भएको बताइएको छ । विगत चालिस करोड वर्षयताकै सबैभन्दा ठूलो ठक्करको रुपमा पाँच करोड वर्ष अघि भारतको महादेसिय प्लेट एसियामा धसिएपछि जमिनको भाग अकासिन पुग्दा सगरमाथा बनेको थियो ।
यथार्थमा एभरेष्ट समुद्री सतहबाट २९ हजार ३५ फिट र माउना किया १३ हजार ७ सय ९६ फिट माथि रहेका छन् । तर माउना किया प्रशान्त महासागर भित्र करिव १९ हजार ७ सय फिट डुबेको अवस्थामा रहेको छ । यस अर्थमा भन्ने हो भने माउना कियाको उचाई करिव ३३ हजार ५ सय फिट अग्लो अर्थात एभरेष्ट भन्दा झण्डै एक माइल अग्लो रहेको छ । वास्तवमा माउना किया हवाई टापुमा अवस्थित ठूलो निष्क्रिय ज्वालामुखी पहाड हो । यो खबर आजको नेपाल समाचारपत्रमा छापिएको छ ।
