काठमाडौं । चोरी र लुटपाटमा संलग्न ७७ जना प्रहरीको फन्दामा परेका छन् । उनीहरुलाई प्रहरीले काठमाडौँ उपत्यकाबाट पक्राउ गरिएको हो । १५ दिन भित्र एक बच्चाकी आमासंगै ७७ जना पक्राउ परेका हुन् ।
महानगरीय प्रहरी परिसर काठमाडौंका अनुसार उनीहरुकाे चोरी र लुटपाट गर्ने ठाउँहरु उपत्यकाको सार्वजनिक सवारी साधन, घर र सार्वजनिक स्थल लगाएतका क्षेत्र रहेकाे छ । चोरी र लुटपाटमा संलग्न गिरोहका ६ जनाको समूह रहेको र उक्त समूहले सार्वजनिक सवारी साधनहरुमा यात्रा गरिरहेका यात्रुहरुबाट नगद, पैसा, गहना लुटपाट गर्ने गरेको खुल्नमा आएको प्रहरीले जनाए ।
प्रहरीले पक्राउ परेकाहरुबाट नगत , नक्कली पेस्तोल, चक्कुल ३९ थान मोबाइल, ४ थान आइप्याड, ५ थान ल्यापटप, सुनचाँदीका गहना जस्ता सामानहरु समेत बरामद गरेको छ । पक्राउ परेकाहरुमाथि थप आवश्यक अनुसन्धान भैरहेको प्रहरीले जनाइएको छ । यातायात व्यवसायीहरुसँग सहकार्य गरी सादा पोसाकका प्रहरीलाई सार्वजनिक सवारी साधनमा खटाइ चोरी र लुटपाटमा संलग्नलाई पक्राउ गर्न सफल भएकाे परिसरका एसएसपी वसन्त लामाले बताए।
पैसा – द
मोवाइल – कान
पकेटमारी पिडित – रामे
पकेटमारी गर्ने (मास्टर) – काशी
पैसा धेरै छ – टानको द
पैसा थोरै छ – जुटको द
गाडी -कांचा
केटा – छापा
केटी -भद्री
पुलिस आयो – ठुल्दाइ आयो
ड्राईभर – माम
खलासी- मले
गाडीबाट झरेर भाग- टप्की
गाडी भित्र अगाडी सर – अकल जा
गाडी भित्र पछाडी सर – चिछल जा
