संघिय सांसद अतहर कमाल मुसलमानले कोरोना संक्रमण रोक्न गरिएको लकडाउनले अति गरिब परिवारहरु समस्यामा परेकाले समयमै सजग हुन आवश्यक रहेको बताएका छन् । नेपाली काँग्रेसका केन्द्रिय सदस्य समेत रहेका कमालले कोरोना भाईरसको संक्रमण रोक्नका लागी लकडाउन आवश्यक रहेको भए पनि मेहनत मजदुरी गरेर दैनिक जिवन यापन गर्नेहरुका समस्या समाधानमा कुनै योजना नबनेको बताए । “कोरोना संक्रमणको पिरलो सगै कोही भोकै पेट मर्ने हुन कि भन्ने चिन्ता लाग्न थालेको छ ।”
घरमै लकडाउनको पुर्ण पालना गरेका कमालले भने । अब सामाजिक सञ्जालमा प्रचार खोज्ने उदेश्यको भन्दा पनि दैनिक मजदुरी गरेर खाने श्रमिकका लागी खाधान्न उपलब्ध गराई भोकै बस्नु पर्ने बाध्यता निराकरणको आवश्कयता रहेको उनले जिकीर गरे । उनले मेहनत मजदुरी गरेर दैनिक गुजारा गर्ने गरिब र बिपन्नलाई लकडाउनको पाँच दिन धान्न धौ धौ परेको अनुभुती गरेको बताए । “लकडाउनको अवधी थपिने निश्चित जस्तै छ । अब थपिएको समयमा गरिबहरु कोरोना भन्दा पनि खान नपाएर मर्ने अवस्था छ । हामी सबै यो बिषयमा जिम्मेबार हुन आवश्यक छ ।” उनले गम्भिरताका साथ भने । दैनिक ज्याला गरेर परिवार पाल्ने गरिबहरुलाई भोको पेट बस्नु पर्ने समस्या समाधान गर्न आफुले स्थानिय प्रशासन सँग समन्वय बैठक राख्न अनुरोध गर्दै आएको सांसद कमालले जनाए । उनले बिश्वास दिलाउदै भने “प्रशासनको पहलमा जिम्मेबार व्यक्ति उपस्थित गराएर लङ्ग डिस्टेन्स बाटै बैठक गरौं । स्थानिय प्रशासनले निती र कार्यक्रम बनाओस । हामी सहयोग जुटाउने कार्य गर्न तत्पर रहने छौ ।” गरिबलाई लक डाउनको अवधीमा चामल, दाल र नुन जस्ता अति आवश्यकिय सामग्री दिन सकिए पनि उनीहरु भोकै बस्नु पर्ने अवस्था नरहने उनले दावी गरे ।
समाजमा कोरोना बारे सचेतना प्रवाहको कार्य धेरै अघि बढेको बताउदै अब अति गरिबलाई खाद्यान्न व्यवस्था गरेर जिवन यापनको सुनिश्चितता गराउनु अवस्था आएको उनको भनाई छ । कमालले भने “सचेतना प्रवाह ग¥यौं । अब गरिबको पेट भर्ने उपायको खोजीमा लागौं । गरिब कोरोनाबाट बाच्ला तर भोको पेट बाच्नै सक्दैन” । निर्वाचनका बेला लाखौं खर्च गर्न सक्नेहरुले यस्तै दुखःका बेला जनताको सहयोग गर्न आवश्यक रहेको उनले स्पष्ट पारे । आफु खाधान्न सहयोगका लागी जनताका बिचमा अभियान चलाउन जान चाहे पनि सरकारले घोषणा गरेको लकडाउनलाई कार्यान्वयन गरि रहेको बताए । “स्थानिय प्रशासनलको पहलमा हुने बैठकबाट अति गरिब जनतालाई सुरक्षित तवरले राहत उपलब्ध गराउन जानका लागी आवश्यक निती र योजना बनाउन आवश्यक छ । जनताका बिचमा सहयोग गर्न जानका लागी तत्पर रहेको उनले जनाए ।
