गृहपृष्ठ Featured धनुषामा पुल बनाउन खनिएको खाल्डोमा स्कारपीओ खस्यो, एक जनाको मृत्यु, पाँच घाइते

धनुषामा पुल बनाउन खनिएको खाल्डोमा स्कारपीओ खस्यो, एक जनाको मृत्यु, पाँच घाइते

प्रकाशित मिति:

धनुषामा आज बिहानै सवारी दुर्घटना भएको छ । उक्त दुर्घटनामा परी एक जनाको मृत्यु भएको छ भने पाँच जना घाइते भएका छन् ।

ढल्केवर–जनकपुर राजमार्गको सपही सडकखण्डमा भएको सवारी दुर्घटनामा परी महोत्तरीको भङ्गहा नगरपालिका– ९ बस्ने दीपक यादवको मृत्यु भएको इलाका प्रहरी कार्यालय महेन्द्रनगरले जनाएको छ ।

दुर्घटनामा परी घाइते यादवको उपचारका क्रममा प्रादेशिक अस्पताल जनकपुरमा मृत्यु भएको प्रहरीले जनाएको छ । घाइते पाँच जनाको प्रादेशिक अस्पतालमा नै उपचार भइरहेको छ । उनीहरूको नाम भने अहिले नखुलेको प्रहरीले जनाएको छ ।

आज बिहान ५ बजे ढल्केबर–जनकपुर राजमार्गको लक्ष्मीनियाँ गाउँपालिकास्थित सपही सडकखण्डमा सरकारी नम्बर प्लेटको स्कारपीओ पीकअप अनियन्त्रित भएर पुल निर्माणका लागि खनिएको खाल्डोमा खसेर दुर्घटना भएको प्रहरीले जनाएको छ ।

सम्बन्धित् समाचार