नेपालमा पछिल्लो २४ घण्टामा ३२ सय १८ जनामा कोरोना संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार १३ हजार ५७३ नमुनाको एन्टिजेन तथा पीसीआर विधिबाट परीक्षण गर्दा सो संख्यामा संक्रमित थपिएका हुन् ।
सोही अवधिमा १ हजार ७२२ जना निको भएका छन् भने १९ जनाको संक्रमणका कारण मृत्यु भएको छ । देशभर ३५ हजार ४३२ जना सक्रिय संक्रमित रहेको मन्त्रालयले जनाएको छ ।
अहिलेसम्म ६ लाख ६७ हजार २७० जना संक्रमणमुक्त हुँदा १० हजार ३८ जनाले ज्यान गुमाएका छन् ।
