आथिया-राहुललाई उपहार : ५० करोड भारुको अपार्टमेन्टदेखि २.१७ करोडको कारसम्म

अथिया बाहेक केएल राहुलले पनि धेरै महँगो उपहार पाएका छन् । राहुलका नजिकका साथी विराट कोहलीले उनलाई २.१७ करोड भारुको बीएमडब्ल्यू कार उपहार दिएका छन् । योसँगै भारतका पूर्व कप्तान महेन्द्र सिंह धोनीले पनि राहुललाई ८० लाख भारुको कावासाकी निन्जा बाइक उपहार दिएका छन् ।

आथिया र राहुलको विवाह सुनील शेट्टीको खण्डाला फार्महाउसमा भएको थियो । यो विवाह निकै गोप्य राखिएको थियो । विवाहमा १०० जनालाई मात्र निम्तो दिइएको थियो । दीपिका-रणवीर, आलिया-रणवीर र विक्की-कट्रिनाको विवाह जस्तै यसलाई पनि धेरै हदसम्म गोप्य राखिएको थियो। यो विवाहमा पनि फोन लैजान बन्देज गरिएको थियो ।

आथिया र राहुलले चार वर्ष डेटिङ गरेपछि विवाह गरेका हुन् । आथियाले आफ्नो करियरमा ४ वटा फिल्म गरिसकेकी छिन् । उनले सलमान खानको प्रोडक्सनमा बनेको फिल्म हिरोबाट डेब्यु गरेका हुन् । आथियाको कुल सम्पत्ति २९ करोड भारु रहेको छ भने केएल राहुलले वार्षिक ३० करोड भारु कमाउँछन्।