काठमाडौं ।
काठमाडौंको कागेश्वरी मनोहरा नगरपालिका–७ को शुभश्री बैंक्वेटको स्वीमिङ पुलमा डुबेर एक जनाको मृत्यु भएको छ ।
जिल्ला प्रहरी परिसर, काठमाडौंका एसपी सीताराम रिजालका अनुसार शनिबार साढे ३ बजे पौडी खेल्ने क्रममा डुबेर मूलपानीका १९ वर्षीय प्रभास अधिकारी गम्भीर घाइते भएका थिए । तत्काल उद्दार गरेर उपचारका लागि मदरल्याण्ड अस्पतालमा लगिएकामा थप उपचारका लागि सिभिल अस्पताल रिफर गरिएको थियो ।
