इटालियन सिरि ‘ए’को उपाधि इन्टर मिलानलाई

इन्टर मिलानले ३३ खेलबाट ८६ अङ्क बनाउँदा एसी मिलानको समान खेलबाट ६९ अङ्क रहेको छ । ५ खेल बाँकी हुँदा १७ अङ्कको अग्रता लिएपछि इन्टरलाई उपाधि जित्न सहज भएको हो । अब बाँकी सबै ५ खेलमा इन्टर पराजित हुँदा पनि उपाधि उसकै हुने छ ।

१८ ओं मिनेटमा बेन्जामिन पाभार्डको सहयोगमा एसर्वीले गोल गर्दै इन्टरलाई सुरुआती अग्रता दिलाएका थिए । पहिलो हाफमा एक गोल गरेको इन्टर मिलानले दोस्रो हाफमा एक गोल थप्दा अर्को गोल भने बेहोरे पनि नतिजा उसकै पक्षमा गएको थियो । ४९ औँ मिनेटमा थुरामले गोल गर्दै इन्टरको अग्रता दोब्बर बनाए । ८० औँ मिनेटमा तोमारीले गोल फर्काउँदै एसी मिलानको अग्रता कम गरे पनि अन्ततः इन्टर मिलान नै २–१ गोल अन्तरले विजयी भयो ।