इंग्ल्यान्डले दोस्रो टेस्टमा पनि वेस्ट इन्डिजलाई हरायो

त्यस्तै, क्रिस वोक्स र गस एटकिन्सनले २–२ विकेट हात पारे भने मार्क वुडले एक विकेट लिए ।

दोस्रो इनिङ्समा वेस्ट इन्डिजका लागि कप्तान क्रेग ब्राथवेटले सर्वाधिक ४७ रन बनाए । त्यस्तै, जेसन होल्डरले ४२ बलमा ३७ रन जोडे । मिकेल लुइसले १७ रन तथा जोसुवा डा सिल्भाले १४ रन बनाउनुबाहेक अन्य ब्याटरले दोहोरो अङ्कमा रन जोड्न सकेनन् ।

यसअघि ह्यारी ब्रुक र जो रुटको शतकीय इनिङ्सको मद्दतले इंग्ल्यान्डले दोस्रो इनिङ्समा ४२५ रन बनाउँदै अलआउट भएको थियो । रुटले १ सय २२ रन तथा ब्रुकले १ सय ९ रन बनाए ।

ओली पोपले ५१ रनको योगदान दिए । पहिलो इनिङ्समा १ सय २१ रन बनाएका उनी प्लेयर अफ द म्याच पनि चुनिए ।

इंग्ल्यान्डले पहिलो इनिङ्समा ४१६ रन बनाएको थियो भने जवाफमा वेस्ट इन्डिजले ४ सय ५७ रन बनाएको थियो ।