एकदिवसिय क्रिकेट प्रतिस्पर्धामा नयाँ कीर्तिमान बनेको छ । दक्षिण अफ्रिका र इंल्याण्डबिच भएको तेस्रो एकदिवसिय खेलमा सबैभन्दा धेरै रनले हारजित हुने कीर्तिमान बनेको हो ।
सो खेलमा इंल्याण्डले दक्षिण अफ्रिकालाई ३४२ रनले पराजित गर्यो । एकदिवसीय क्रिकेटमा यो सबैभन्दा ठूलो अन्तरको जित हो । यसअघि यस्तो कीर्तिमान भारतको नाममा थियो । उसले सन् २०२३ मा श्रीलंकालाई ३१७ रनले पराजित गरेको थियो ।
आइतबार साउथम्पटनमा भएको खेलमा पहिले ब्याटीङ गरेर इंल्याण्डले ५ विकेट गुमाएर ४१४ रन बनाएको थियो । जवाफी ब्याटीङमा उत्रिएको दक्षिण अफ्रिका ७२ रनमा अलआउट भयो । यो कीर्तिमानी जितका लागि इंल्याण्डका तिव्र गतिका बलर जोफ्रा आर्चरले महत्वपूर्ण ४ विकेट लिए ।
अन्तिम खेलमा दक्षिण अफ्रिकाले लज्जास्पद पराजय बेहोरे पनि सिरिज भने उसले २–१ ले जितेको छ।
