काठमाडौँ ।
शिक्षा मन्त्रालयले विद्यालयका शिक्षक तथा कर्मचारीलाई कार्यालय समयमा तोकिएको पोशाकमा टिकटकलगायतका भिडियो बनाएर सामाजिक सञ्जालमा पोस्ट नगर्न निर्देशन दिएको छ।
शिक्षक र कर्मचारीले कार्यालय समयमा टिकटक भिडियो वा बालबालिकाको मनोविज्ञानमा नकारात्मक असर पार्ने खालका सामग्री पोष्ट गरेको भन्ने गुनासो आएको भन्दै मन्त्रालयले त्यस्तो पोस्ट नगर्न निर्देशन दिइएको हो।
‘विद्यालयका शिक्षक तथा कर्मचारीले कार्यालय समयमा तोकिएको पोशाकमा टिकटक भिडियोलगायत बालमनोविज्ञानमा प्रत्यक्ष असर पुग्ने खालको सामग्री बनाई पोष्ट गर्ने कार्य गरेको भनि गुनासो प्राप्त भएकोले विद्यालयमा कार्यरत शिक्षक तथा कर्मचारीलाई सो कार्य नगर्न नगराउनका लागि आवश्यक समन्वय, सहयोग र सहजीकरणका लागि निर्देशानुसार अनुरोध छ,’ मन्त्रालयले भनेको छ।
