आजबाट नेपाल र वेस्टइन्डिजबीच टी-२० सिरिज सुरु हुँदै

यस सिरिजपछि नेपाल विश्वकपको एसिया तथा इस्ट एसिया–प्यासिफिक छनोट खेल्न ओमान जाने कार्यक्रम रहेको छ। सो प्रतियोगिताको तयारीका रूपमा पनि यो सिरिजलाई महत्त्वपूर्ण मानिएको छ।

नेपाली टोलीका कप्तान रोहित पौडेलले वेस्टइन्डिजविरुद्धको सिरिज जित्ने उद्देश्यसहित खेल्ने बताएका छन्। “अहिले देशको अवस्था त्यति राम्रो छैन। यस्तो अवस्थामा जनतालाई खुसी दिनु हाम्रो टोलीको जिम्मेवारी हो,” उनले भने, “हामी सबै १५ खेलाडीमाथि ठूलो जिम्मेवारी छ। यो सिरिजले विश्वकप छनोटतर्फ हाम्रो यात्रा बलियो बनाउने विश्वास लिएका छौं।”

नेपाली टोली:
रोहित पौडेल (कप्तान), दीपेन्द्रसिंह ऐरी, सन्दीप लामिछाने, सोमपाल कामी, कुशल भुर्तेल, लोकेस बम, कुशल मल्ल, आसिफ सेख, आदिल आलम, करण केसी, नन्दन यादव, सन्दीप जोरा, आरिफ सेख, ललितनारायण राजवंशी, गुलशन झा, साहब आलम।

वेस्टइन्डिज टोली:
अकिल हुसेन (कप्तान), फबिएन एलेन, जवेल एन्ड्र्यु, एकिम अगष्ट, नविन बिडाइसे, जेडिया ब्लेड्स, केसी कार्टी, करिमा गोर, जेसन होल्डर, अमिर जांगो, कायल मेयर्स, ओबेद म्याककोय, जिशान मोतरा, रामोन सिमन्ड्स, शमार स्प्रिंगर।