नेपाली कांग्रेसकी नेता आरजु राणा देउवाका भाइ भूषण राणाको घरमा प्रहरीको केन्द्रीय अनुसन्धान ब्युरो (सीआईबी)ले छापा मारेको छ । सीआईबीको टोली आइतबार दिउँसो जावलाखेलस्थित भूषणको घर पुगेको थियो ।
वित्तीय अपराधसम्बन्धी विषयमा जानकारी लिन टोली गएको सीआईबी स्रोतले जनाएको छ । तर राणा झण्डै एक महिनादेखि विदेशमा रहेको खुलेको छ । सीआईबीको टोली घरमा रहेका व्यक्तिसँग सोधपुछ गरेर फर्किएको थियो ।
स्रोतका अनुसार सरकारकै निर्देशनमा यो अनुसन्धान सुरु भएको हो । सम्पत्ति शुद्धीकरण अनुसन्धान विभागले हालै कांग्रेस सभापति शेरबहादुर देउवा दम्पतीको घरमा जलेको नगदसम्बन्धी मुद्दामाथि समेत अनुसन्धान गरिरहेको छ ।
भूषण राणामाथि ठूला सरकारी ठेक्का र नियुक्तिसम्बन्धी डिलमा संलग्न भएको आरोप लाग्दै आएको छ ।
