निरन्तर वर्षा भइरहेको अवस्थामा रातको समयमा खेतमा पानी लगाउन गएका तनहुँका एक व्यक्तिको डुबेर मृत्यु भएको छ ।
शुक्लागण्डकी नगरपालिका- ८, का ५८ वर्षीय भोजबहादुर बिकको खेतमा आएको भेलमा डुबेर मृत्यु भएको प्रहरीले जनाएको छ ।
अविरल वर्षा भइरहेको र रातको समयमा खेतमा गएका बिकको जागृति टोलस्थित खेतमा मृतावस्थामा शव देखेपछि स्थानीयले प्रहरीलाई खबर गरेका थिए ।
इलाका प्रहरी कार्यालय बेलचौताराका प्रहरी निरीक्षक ज्ञानबहादुर खड्काले खेतमा लडेपछि डुबेर मृत्यु भएको हुनसक्ने आशङ्का गरिएको बताए । मृतकको शव परीक्षणका लागि दमौली अस्पताल पठाइएको छ ।
