१८ भदौ । अर्घाखाँचीको एक जंगलमा बोरामा राखेर फलिएको एक ब्यक्तिको शव फेला परेको छ । सन्धिखर्क नगरपालिका वार्ड नम्बर १२ को सल्लिकोट स्कुल नजिकै रहेको चिल्याथुम जंगलमा एक अपरिचित ब्यक्तिको हत्या गरी बोरामा हालेर फालेको शब फेला परेको हो ।
आज दिउँसो सल्लिकोटबासी, खर्यानमा घाँस काट्न गएका गाँउलेहरुले एक्कासी के गनायो, भन्दा त्यहाँ नजिक एउटा बोरा फालिएको थियो । सो बोरालाई खोलेर हेर्दा एक अपरिचित ब्यक्तिको शव फेला परेको स्थानीयको भनाई छ ।
बोरामा बाँधेर हत्या गरेर फालिएको अवस्थामा अन्दाजी ३० देखि ४० वर्ष उमेरको शब फेला परेपछि स्थानीहरुले गत आइतबार बिहान प्रहरीलाई खबर गरेका थिए ।
बेवारिशे अवस्थामा भेटिएको शबको टाउको नै घटना स्थलमा नहुदा मृतकको सनाखत हुन् सकेको छैन । शव सडेको अबस्थामा भेटिएकाले पहिचान हुन अझै समय लाग्ने जिल्ला प्रहरी कार्यालय अर्घाखाँचीले बताएको छ ।
