विष्णु चौहान, अर्घाखाँची । स्नातक तह सम्मको अध्ययन गरेका सञ्चारकर्मी अभिनव चौहानले आफ्नो जन्म दिन मालारानी ५ बाँगीमा रहेको श्री जनता आधारभूत विद्यालयमा अध्ययनरत सम्पूर्ण विद्यार्थीलाई शैक्षिक सामग्री वितरण गरेर मनाएका छन।
असल नैतिकवान र सक्षम बन्नको लागि शिक्षित हुन अति आवश्यक छ।सोही कुरालाई मध्यनजर गर्दै आज चौहानले जन्म दिनको अवसरमा फजुल खर्च नगरेर विद्यार्थीहरुलाई पढ्नको लागि हौसला प्रदान होस् भन्दै एक औपचारिक कार्यक्रमका बीच शैक्षिक सामग्री हस्तान्तरण गरेका हुन् ।
कार्यक्रम विमल चौहानको अध्यक्ष्यता ,सोही विद्यालयका प्र.अ. हरि बहादुर चौहानको प्रमुख आतिथ्यता, शिक्षिका भगवता भट्टराई पन्थीको विशिष्ट आतिथ्यता एवम् शिक्षकहरु मित्र बहादुर चौहान,बिन्दु भण्डारी पन्थी , रचना जि.सी. चौहान र बिना चौहानको आतिथ्यता रहेको कार्यक्रममा मन्तव्य राख्दै प्र.अ . चौहानले जन्म दिनको अवसरमा शुभकामना दिदै यस्तो खालको उदाहरणीय कार्यको सबैले सिको गर्नु पर्ने कुरामा जोड दिएका छन् ।कार्यक्रम भरत चौहानको स्वागत मन्तव्य र विष्णु चौहानको सञ्चालनमा सम्पन्न भएको हो।
