पहिरोले तीन दिनदेखि अवरुद्ध गोरूसिङ्गे–सन्धिखर्क सडकखण्ड सञ्चालनमा आएको छ । लगातार परेको अविरल वर्षाका कारण सडक खण्डको करिब तीन दर्जनभन्दा बढी स्थानमा पहिरो जाँदा सडक सञ्चालनमा ल्याउन कठिन भएको थियो ।
शनिबार सीतापुर राजुबाँस नजिकै गएको पहिरो हटाए पनि सुपादेउराली अगाडि खाँचीखोलाको उकालोमा करिब डेढ सय मिटर माथिबाट चट्टानसहित खसेको पहिरो हटाउन स्काभेटर प्रयोग गरिए पनि सञ्चालनमा ल्याउन कठिन भएको थियो ।
पहिरो सोमबार बिहान पनि थपिएकाले हटाउन केही दिन दिन लाग्ने जिल्ला प्रहरी प्रमुख प्रहरी नायब उपरीक्षक माधव बुढाथोकीले बताउनु भएको थियो ।
अर्घाखाँची प्रवेश गर्ने मुख्य सडक नै लामो समयदेखि अवरुद्ध हुदां सामान ढुवानी गर्न, मानिस आवतजावत गर्न ठप्प भएको थियो ।
