गृहपृष्ठ खबर कपिलवस्तुमा ६८ जना बिपन्नको निःशुल्क मोतिया बिन्दुको अप्रेशन

कपिलवस्तुमा ६८ जना बिपन्नको निःशुल्क मोतिया बिन्दुको अप्रेशन

प्रकाशित मिति:

आर्थिक कारणले मोतिया बिन्दु लागेर पनि अन्धकारमा जिीवन बिताईरहेका ६८ बिपन्नहरुको निःशुल्क अप्रेशन गरिएको छ । कपिलवस्तुको सुद्धोदन गाउपालिका १ पतरियाका तथा त्यस आसपासमा रहेको बिपन्न ६८ जनाको मोतिया बिन्दुको निःशुल्क अप्रेशन गरिए पछि उनीहरुले नया जीवन पाएको बताएका छन । हेल्पीङ हेन्ड फर रिलिफ एन्ड डेभलपमेन्ट संस्थाको आर्थिक सहयोगमा तौलिहवा आखा अस्पतालमा उनीहरुको निःशुल्क अप्रशेन गरिएको हो । गत माघ १७ गते पतरियामा चलाइएको निःशूल्क स्वास्थ्य शिबिर एवं आखा जाच कार्यक्रममा ६८ जना मोतियाबिन्दु रोगी फेला परेका थिए । पैसा अभावको कारण ३ बर्ष देखि अन्धकारमा बस्न बाध्य सुर्जबलियाका ६६ बर्षिय सोमन केवटले अप्रेशन पछि नया जिवन पाएको बताए । ‘ खान लाउन नै समस्या थियो, पैसा नहुदा ३ बर्ष देखि दुष्टिबिहीन अवस्थामा थिए ’ उनले भने ‘ अहिले निःशूल्क अप्रशेन पछि नया जिवन पाए जस्ता लागेको छ । ’ आफु जस्तो बिपन्नलाई सहयागे गर्ने संसथालाई उनले धन्यबाद दिए ।

 

यस्तै प्रगति नगरकी ६० बर्षिया दूखनी थारुले आखा नदेखेर कष्टकर जिीवन बिताई रहेकोमा आफुले अहिले नया संसार देखेको अनुभव गरेको बताईन । ‘ घरमा हातमुख जोर्न नै समस्या छ, आखाको अप्रशेनकालागि लाग्ने रकम जोहो गर्नै सकेकी थिईन ’ उनले भनिन ‘ निःशुल्क अप्रशेन भए पछि अहिले धेरै खुशी लागेको छ ’ । केवट र थारु जस्तै निः शुल्क अप्रशेन सेवा पाएका बिपन्न परिवार हर्षित छन । संस्थाका कार्यक्रम संयोजक असहद कमालले आफनो संस्थाले बिपन्न परिवारलाई सहयोग गर्न पाउदा खुशी लागेको बताए । उनले यस्तो कार्यक्रम आफनो संस्थाले निरन्तर गर्दै जाने बताए ।

 

उनले तौलिहवा आखा अस्पताललाई सुबिधा संपन बनाउन आवश्यक उपकरणहरु समेत सहयोग गर्ने बताए । उता निः शुल्क स्वास्थ्य शिबिरमा ६ सय जना बिरामीको जाच गरी औषधी समेत उपलब्ध गराइएको थियो । शिबिरमा बिघठित प्रतिनिधि सभाका सांसद अतहर कमाल, संस्थाका ब्यवस्थाक जीवा पोख्रेल वडाध्यक्ष तिलकराम यादवको सहभागीता थियो ।

सम्बन्धित् समाचार