वैखरी अनलाइन
कपिलवस्तु जिल्लाको कपिलवस्तु नगरपालिका बर्मेलीमा १८ बर्षीय अबिवाहित युवतीले बच्चा जन्माएर आफै मारेकी छन । बर्मेली बस्ने बर्ष १८ की रमिला केवट (नाम परिर्वतन) ले सग्रहवाघाट नजिक नदी किनारमा बच्चा जन्माएर मारेकी हुन ।
सग्रहवाघाट नजिक नदी किनारमा शालनाल सहितको नवजात शिशु बालक मृत अवस्थामा फेला परेपछि स्थानियले प्रहरीलाई खबर गरेको थियो ।
खेतमा काम गरी रहेकी उनलाई ब्यथा लोपछि सन्चो भएन भन्दै घर जान्छु भन्दै खेतबाट हिडेकी उनी नदि किनारमा पुगेर बच्चा जन्माएको प्रहरीले बताएको छ । अहिले उनलाई प्रहरी नियन्त्रणमा उपचारका लागी जिल्ला अस्पताल तौलीहवामा राखीएको छ । बच्चाको आमा अविवाहित ति युवतिले एक सारीले बच्चालाई मारेपछि छोपेर नदी किनारमा छोडेकी थिइन । युवतिलाई कर्तब्य ज्यान मुद्धा शिर्षकमा मुद्धा चलाइने प्रहरी नायव उपरिक्षक धर्मराज भण्डारीले बताए । बच्चाको बाबु को हो भन्ने बिषयमा अनुसन्धान भई रहेको भण्डारीले बताए ।
