कपिलबस्तु : महिलाहरुका लागि नेतृत्व बिकास तथा सस्थागत ब्यबस्थापन समिती सम्बन्धी एक दिवसीय तालिम सम्पन्न भएको छ । सिद्धार्थ सामाजिक बिकास केन्द्रको सहयोग तथा सिद्धिपुर सामाजिक बिकास महिला संस्था कपिलबस्तुको आयोजनामा सिद्धार्थ सामाजिक बिकास केन्द्रको सभाहलमा सो तालिम सम्पन्न भएको हो ।
तालिममा सहभागि महिलाहरुलाई नेतृत्व बिकासका आयामहरुको बारेमा जानकारी दिने , संस्थागत बिकासका प्रकृया , गर्न पर्ने मुख्य कार्यहरुको बारेमा जानकारी दिनु हो । यस्तैगरि संस्था बिकासको लागि आबश्यक रणनिती तथा कार्ययोजना निर्माण गर्ने तालिमको मुख्य उद्देश्य रहेको आयोजक संस्थाले जानकारी दिएको छ ।
सिद्धिपुर सामाजिक बिकास महिला संस्थाका अध्यक्ष सिता देबी न्यौपानेले महिलाहरुलाई सक्षम बनाउनका लागि संस्था खोलिएको बताईन् । उनले महिलाहरुको क्षमता अभिबृद्धि गर्ने , नेतृत्व बिकास गर्ने खालका तालिमहरु संचालन गर्ने र महिला हिंसा बिरुद्धका कार्यक्रमहरु संचालन गर्ने संस्थाको लक्ष रहेको जानकारी दिईन् ।
तालिमका प्रमुख अतिथी एबं सिद्धार्थ बचत तथा ऋण सहकारी संस्थाका अध्यक्ष सुर्य कुमारी शाहीले तालिममा सिकेका कुराहरुलाई ब्यबहारमा ल्याउनकालागि महिलाहरु सक्रिय भएर लाग्न आबश्यक देखिएको बताईन् । संस्थालाई अगाडी बढाउनकालागि संस्थाका पदाधिकारीहरु सल्लाह सुझाव सहित एकजुट भएर लाग्नु पर्नेमा जोड दिंदै सिद्धिपुर सामाजिक बिकास महिला संस्थाले राम्रो कार्य गर्दै जावस भन्ने शुभकामना दिंदै आफुले सक्दो सहयोग गर्ने प्रतिबद्धता जनाईन् ।
यस्तै सिद्धार्थ सामाजिक बिकास केन्द्रका कार्य समिती सदस्य चेतना अधिकारीले सहभागि महिलाहरुले तालिममा सिकेका कुराहरुलाई ब्यबहारमा ल्याउन सके महिलाहरुको क्षमता बृद्धि हुने बताईन् । उनले समग्र महिला दिदी बहिनीहरुको शसक्ती करणको साथ साथै नेतृत्व बिकास हुनु भनेको स्थानिय तहभित्रका सामाजिक संरचनाको जग भएको बताईन् ।
आयोजक संस्थाका आजिवन सदस्य एबं तालिमका सहभागि अम्रिता पौडेलले तालिममा सिकेका कुराहरुलाई ब्यबहारमा ल्याउने प्रतिबद्धता जनाउदै सहयोगी संस्था सिद्धार्थ सामाजिक बिकास केन्द्रलाई धन्यबाद दिईन् ।
तालिममा सहभागि बाणगंगा नगरपालिका वडा नं. १ , २, ४ र वडा नं. ५ का २५ जना महिलाहरुलाई सिद्धार्थ सामाजिक बिकास केन्द्रका कार्यक्रम प्रबन्धक प्रकाश घिमिरेले संस्था के हो किन आबश्यक छ, सस्थाले गर्नुपर्ने मुख्य भूमिका के हो , प्रभावकारी संस्थाका सुचकहरु र संस्थागत ब्यबस्थापनका बिषयमा सहजी करण गरेका थिए । यस्तै नेतृत्व बिकास र त्यसका प्रकृयाहरु तथा महिला शसक्तिकरणका चरण र सुचकहरु तथा आगामी दिनको योजनाहरु लगाएतको बिषयमा जानकारी गराएका थिए ।
तालिम सिद्धिपुर सामाजिक बिकास महिला संस्थाका अध्यक्ष सिता देबी न्यौपानेको अध्यक्षता तथा संस्थाका उपाध्यक्ष गिता ज्ञवाली पोख्रेलको संचालनमा तालिम सम्पन्न भएको थियो । सो तालिममा संस्थाका पदाधिकारीहरु , एकल महिला समुहका जिल्ला अध्यक्ष रुपादेबी राई , महिला अधिकारकर्मी रुपा पालुङे मगर , संचारकर्मी लगाएतको सहभागिता रहेको थियो ।
