विष्णु खत्री / मंसिर २६ सैनामैना -प्रदेश नं ५ को सान अमित बराललाई खुलेर गरौ सम्मान,नेपालको सान लुम्बिनीको पहिचान,आउँदैछन् दुबै पंक्षी एकै स्थान भन्ने नारा मार्फत रुपन्देहीमा गायक पुष्पन प्रधान र नेपाल आईडलका अमित बराललाई भव्य स्वागत तथा सम्मान गरिएको छ ।

सैनामैना ४ मुर्गियामा रहेको पर्रोहा माध्यमिक विद्यायमा भएको कार्यक्रममा गायक पुष्पन प्रधान र एपीवान टेलिभिजनबाट प्रशारित चर्चित रियालिटी शो नेपाल आईडल सिजन टु को टप फाईभमा पुग्न सफल मुर्गियाका अमित बराललाई एक कार्यक्रमको आयोजना गरी स्वागत तथा सम्मान गरिएको हो ।

सो अवसरमा बोल्दै सैनामैना नगरपालिकाका मेयर चित्र बहादुर कार्कीले गायक पुष्पन र अमित दाजुभाई बनेर सैनामैनामा आउँदा निकै खुसी लागेको बताए । कार्यक्रमका प्रमुख अतिथी समेत रहेका कार्कीले अमितले समग्र सैनामैनालाई विश्वसामु चिनाउन सफल भएको भन्दै आगामी यात्राका लागि शुभकामना व्यक्त गरे ।

नेपाली कांग्रेसका जिल्ला उपसभापति फणिन्द्र प्रसाद शर्माले अमित देशकै गहना भएको बताए । उनले अमित टप फाईभमा पुग्नु ठुलो उपलिब्ध ठानेको उल्लेख गर्दै उज्जवल भविष्यको कामना गरे ।

कार्यक्रममा पुष्पन र अमितले एकै साथ ‘पन्छी’ ‘बाबुको जुंगो’ ‘ठुल्दाजु’ ‘सुन साईली’ लगायतका गीतहरु प्रस्तुत गरे । ‘पन्छी’ गीतमा पुष्पन र अमितले एकै साथ गाउँदा फ्यान र शुभचिन्तकको घुँईचो नै लागेको थियो । अमितले सबैको अपार माँयाले नै आफु यहाँ सम्म आउन सफल भएको भन्दै सम्पुर्ण दर्शक श्रोतालाई धन्यवाद ज्ञापन गरे । बरालले सम्पुर्ण सैनामैनाबासी लगायत सबैप्रति आफु सधै ऋणि रहेको बताए ।

कार्यक्रममा पुष्पन प्रधानले भने – रुपन्देही बासीको चाहनाको सम्मान गर्दै र अमित आफ्नो जिवनमा विधाता बनेर आएकाले सैनामैनामा सँगै आएको हुँ । गायक प्रधानले अमितको स्वरको खुलेर प्रंशसा समेत गरे ।

कार्यक्रम अमित बरालका बुवा जिवन बरालको अध्यक्षता,सैनामैना नगरपालिकाका मेयर चित्र बहादुर कार्कीको प्रमुख आतिथ्यता,नेपाली कांग्रेस जिल्ला उपसभापति फणिन्द्र प्रसाद शर्मा,गायक पुष्पन प्रधान,नेपाल आईडलको टप ५ मा पुग्न सफल अमित बरालको विशिष्ठ आतिथ्यता,अमितका गुरु बिकाश बोलखे,नेपाल आईडलको टप नाईनमा पुग्न सफल सुर्खेतका सुबिन सिंह,नेकपा नगर संयोजक खुसीराम चौधरी,कांग्रेस नगरसभापति रामप्रसाद अधिकारी,लायन्स क्लव अफ सैनामैनाका अध्यक्ष चित्र बहादुर के.सी,सुनगाभा पब्लिक विद्यालयका प्राचार्य तिलब के.सी लगायतको आतिथ्यतामा सम्पन्न भएको हो ।

कार्यक्रम विकाश बोलखेको धन्यवाद ज्ञापन तथा खिम श्रेष्ठको संचालनमा सम्पन्न भएको थियो ।

यसैबिच प्रभात आवसीय बोडिङ स्कुलमा पुष्पन र अमितलाई एक साथ स्वागत एवम् सम्मान गरिएको छ । प्रभात आवसीय विद्यालयमा कक्षा १० सम्म अध्ययन गरेका बराललाई विद्यालय परिवारले पुष्प गुच्छा सहित स्वागत गरेको हो । प्राचार्य अनन्तराम शर्माले अमितले सैनामैना गायन क्षेत्रमा पनि अब्बल रहेको कुरा साबित गरेको बताए । शर्माले प्रतिभाको कदर एवम् सम्मान सबैले गर्नुृपर्ने बताउँदै विद्यालय परिवार सदैव सहयोग गर्न तयार रहेको बताए ।

सोमबार दिउँसो भैरहवा एयरपोर्टबाट गृह जिल्ला ओर्लिएका अमित र गायक पुष्पनको स्वागत एवम् सम्मानका लागि विमानस्थलमै बाजागाजा सहितको टोली पुगेको थियो । बाजागाजा सँगैको टोलीलाई सैनामैनामा आमा समुह,क्लव,विद्यालय,सँघ संस्था तथा सैनामैनाबासीले अबिर पुष्प गुच्छा सहित स्वागत गरेका हुन् ।

चर्चामा कसरी आयो ? ‘पन्छी’ 

नेपाल आईडलको यात्रामा प्रतिस्पर्धा गरेका अमितले सबै दर्शकश्रोताको मन मनमा कसरी अट्न सकिएला भन्ने सोचिरहका थिए । उनले कुन गीतमा उत्कृष्ट प्रस्तुति प्रस्तुत गरी सबैको मन जित्न सक्छु होला ? यस्तै सोचिरहन्थे ।

यसैक्रममा उनले देश तथा विदेशमा रहने सम्पुर्ण नेपालीहरुको मन जित्न नेपालीहरुको यथार्थता सँग जोडएको गीत ‘पन्छी’ आईडलको स्टेजबाट गाउने निर्णय गरे ।

उनले बिहिबार ‘पर्फमेन्स डे’ को दिन उक्त गीतमा स्वर दिए । अमितले गायक पुष्पन प्रधानको ‘पन्छी’ गीतमा आईडलको स्टेजबाट उत्कृष्ट स्वर दिएर ‘पर्फमेन्स अफ डे’ समेत बने । निर्णयकहरु न्यू बज्राचार्य,कालिप्रसाद बाँस्कोटा र ईन्दिरा जोशी सहित देश विदेशमा रहने सम्पुर्ण नेपालीहरुलाई गीतमार्फत अमितले रुवाए । यो सँगै ‘पन्छी’ ले सर्वत्र चर्चा बटुल्यो ।

अमितले आईडलको स्टेजबाट स्वर दिएपछि पन्छी नामक गीत युटुबमा सबैले सर्च गरी हेर्न सुन्न थाले । यस्तै आईडलको स्टेजमा अमितले पुष्पन प्रधान सँगै एक साथ गीत गाउने अवसर प्राप्त गरे ।

सोही स्टेजबाट पुष्पनले अमितलाई आफ्नो जिवनमा अमित विधाता बनेर आएको समेत उल्लेख गरे । यो सँगै गायक पुष्पन र आईडलका अमित बरालले दर्शक श्रोताको मन जित्दै अपार माँया पाउन थाले ।

नेपाल आईडलबाट उत्कृष्ट ५ बाट अमित एलिमिनेसन भएपछि अमितको गृह जिल्ला रुपन्देही सहित पुष्पन र अमित ‘दुबै पन्छी एकै स्थान’ भनी अन्य जिल्लामा पनि स्वागत एवम् सम्मानका लागि सरिक हुँदैछन् ।

नयाँ दिल्ली। भारतीय सत्तारूढ दल भारतीय जनता पार्टी (बिजेपी) को बलियो पकड रहेको मध्यप्रदेश, छात्तिसगढ़ र राजस्थानमा भारतीय काँग्रेसले जित हासिल गरेको छ। काँग्रेसले छत्तिसगढ र राजस्थानमा स्पष्ट बहुमत हासिल गरेको छ भने मध्यप्रदेशमा बहुमतबाट केहि सिट मात्र पछि रहेको छ।
त्यस्तै तेलङ्गनामा क्षेत्रीय दल तेलङ्गना राष्ट्र समिति (टिआरएस)ले जित हासिल गरेको छ भने मोजिराममा मिजो नेशनल फ्रन्टले जित हासिल गरेको छ।

मध्यप्रदेश राज्यमा कुल २३० स्थानमा काँग्रेसले ११४ सिटमा जित हासिल गरेको छ भने बिजेपीले १०९ स्थानमा जित हासिल गरको छ। त्यस्तै अन्यले ७ स्थानमा जित हासिल गरेका छन्। त्यस्तै अर्को राज्य राजस्थानमा १९९ सिटमा काँग्रेसले सय सिट र बिजेपीले ७३ सिट हासिल गरेको छ भने अन्यले २६ सिटमा जित हासिल गरेका छन् । त्यस्तै छात्तिसगढ़मा ९० सिटमा काँग्रेसले ६८ सिटमा जित हासिल गरेको छ भने बिजेपीले १५ सिटमा जित हासिल गरेको छ। त्यस्तै तेलंगानाका कुल ११९ सिटमा टिआरएसले ८८ सिट जितेको छ भने काँग्रेसले २१ र बिजेपीले एक सिटमा जित हैस्ल गरेका छन्। त्यस्तै मिजोरममा कुल ४० सिटमा मिजो नेशनल फ्रन्टले २६ सिटमा जित हासिल गरेको छ भने काँग्रेसले ५, बिजेपीले एक सिट र अन्यले ८ सिटमा जित हासिल गरेका छन्।

भारतमा भएको ५ राज्यको यो निर्वाचनलाई चार महिना पछि हुने आम निर्वाचनको लागि महत्वपूर्ण हुने विश्वास गरिएको छ। निर्वाचन पछि प्रतिक्रिया दिदै राहुल गान्धीले २०१९ को निर्वाचनमा पनि बिजेपीलाई पराजित गर्ने दाबि गरेका छन्।

काठमाडौं । नेपाल–भारत प्रबुद्ध व्यक्ति समूह इपिजीले पाँच महिनाअघि तयार गरेको प्रतिवेदन भारतीय प्रधानमन्त्री नरेन्द्र मोदीलाई अझै बुझाउन सकेको छैन । प्रतिवेदनप्रति असन्तुष्ट मोदीका सुरक्षा सल्लाहकार अजित डोभालले इपिजी टोलीलाई प्रधानमन्त्रीसँग भेटको समय नै मिलाउन दिएका छैनन् । १९५० को नेपाल–भारत मैत्री सन्धिबाट भारतभन्दा नेपाल लाभान्वित भएको र अहिले इपिजीको प्रतिवेदनले भारतलाई समस्या तथा नेपाललाई थप लाभ हुने डोभालको निष्कर्ष छ ।

इपिजीको भारत पक्षका संयोजक भगतसिंह कोस्यारीले मोदीसँग भेटघाटको समय मिलाउन कोसिस गरिरहेका छन् । तर, प्रतिवेदन नसच्याए प्रधानमन्त्री मोदीले नबुझ्ने डोभालको भनाइपछि इपिजी अनिर्णयको बन्दी भएको छ ।

नेपाली पक्ष भने मोदीको समय पर्खेर बसेको छ । इपिजीको म्याद गत असारमै सकिएको हो । एकपटक सैद्धान्तिक सहमति भइसकेको प्रतिवेदन सच्याउन सम्भव छैन । त्यसबारे भारतीय पक्षले नेपाली पक्षलाई वास्तविकता जानकारी गराएको पनि सकेको छैन । आजको नयाँपत्रिका दैनिकमा खबर रहेकाे छ ।

काठमाडौं २६ मंसिर -प्रधानमन्त्री कार्यालयले केहीअघि सचिवहरूको बैठक डाक्यो । जुटेका सचिवहरू तब जिल्ल परे, जब बैठकको नेतृत्व प्रधानमन्त्रीले होइन, उनका मुख्य सल्लाहकार विष्णु रिमालले गरे । ‘यस्तो अनौठो शासकीय प्रणाली कहिल्यै देखिएको थिएन’, त्यसमा सहभागी एक सचिवले भने, ‘देशमा छाया शासन चल्न थालेको अनुभूति भयो ।’

स्रोतका अनुसार रिमालले हरेक दिनजसो सचिवहरुलाई ‘बिफ्रिङ’ मा बोलाउँछन् । त्यसका लागि कार्यतालिका नै बनाएका छन् । दैनिक कम्तीमा एक सचिवलाई उनले ‘१० मिनेट तपाईंका लागि समय छुट्टाइएको छ’ भन्ने सन्देश पठाउँदै झिकाउने गर्छन् । र, मन्त्रीले दिनभर के–के गरे, मन्त्रालयका कामका प्रगति विवरण के छन् भन्दै रिपोर्टिङ लिन्छन् ।

धरहार पुनर्निमाणको टेन्डर गत भदौ १७ गते जिआइइटीसी÷रमन जेभीले पायो । ३ अर्व ४५ करोड रुपैया लागतको उक्त टेन्डरमा प्राविधकि प्रस्ताव ५ वटा कम्पनीका पास भएका थिए । त्यस्तैमा कुनै एकको कागजात शंकास्पद छ भनी कार्यालयमा उजुरी परेपछि प्रस्ताव खुल्ला गर्ने कार्य रोकियो । स्रोतका अनुसार अन्त्यमा रिमाल आफैले कागजात सिधै प्रधानमन्त्री कार्यालयमा ताने । र, उनले चाहेको जिआइइटीसी÷रमन जेभीलाई टेन्डर दिलाए ।

मुख्य सल्लाहकार रिमालको कार्यशैली देशकै छायाँ ‘शासक’ का देखिन थालेको कर्मचारी मात्र होइन, नेकपाका नेताहरुसमेत बताउँछन् । उनले जे चाहँदैनन्, सिंहदरबाट त्यो सम्भव हुन छाडेको छ । ‘जे चाहन्छन्, त्यो भएरै छाड्छ’, एक मन्त्री स्वयं बिलौना गर्छन्, ‘सचिवको त कुरै छाडौं, हामी मन्त्रीसमेत उनको क्रियाकलापबाट आजित छौं ।’

स्वघोषित ‘शक्तिशाली’

रिमालले ‘मन्त्रीहरूको कार्य सम्पादन मूल्यांकन गरिरहेको र तिनको ग्रेडिङ गरिने’ केही महिनाअघि बताएका थिए । त्यसमा उनी आफैं लागिपरिरहेको उनको आशय थियो । ‘प्रधानमन्त्रीको सल्लाहकारले मन्त्रीको मूल्यांकन कसरी गर्न सक्छन् रु ’ ती मन्त्रीले भने, ‘तर, अचम्म यहाँ सकिरहेका छन् ।’

उनको प्रभाव ऐन निर्माणसम्म पनि छ । कर्मचारी समायोजन ऐन अगाडी वढाउने दायित्व संघीय मामिला तथा सामान्य प्रशासन मन्त्रालयको हो । तर, रिमालकै दबाबमा ऐन संसद छलेर अहिले ल्याइएको स्रोतले बतायो । त्यसमा राष्ट्रपतिले लालमोहरसमेत लगाइसकेकी छन् ।

संघीय मामिला मन्त्रालयअन्र्तगत कर्मचारी प्रशासन शाखा ९कप्र० ले कर्मचारी सरुवासम्बन्धी काम गर्छ । केन्द्र, प्रदेश र स्थानिय तहका कर्मचारी सरुवा यसैको जिम्मेवारी हो । मन्त्रालयका अधिकारीहरू भन्छन्, ‘यो शाखामा पनि रिमालले आफ्ना निकट कर्मचारीहरु लगी सेटिङ मिलाएर राखेका छन् । कसलाई कहाँ सरुवा गर्ने भन्नेमा उनको अदृश्य हस्तक्षेप हुन्छ ।’

त्यसो त मन्त्रीहरुमा समेत मुख्य सल्लाहकार रिमाल नै हावी देखिएका छन् । मन्त्रीहरुले प्रधानमन्त्रीलाई होइन, खासमा रिमाललाई ब्रिफिङ गर्नु परेका घटना धेरै छन् । ‘प्रधानमन्त्रीले प्रायः एक्लै कुनै मन्त्रीका ब्रिफिङ सुन्नुहुन्न, रिमाल संगै हुन्छन्’, एक मन्त्रीले अन्नपूर्ण पोस्टसँग भने, ‘हाम्रो विफ्रिङ केहीबेर सुनेपछि रिमाललाई नै थप ब्रिफिङ गर्न निर्देशन दिएर प्रधानमन्त्री हिड्नुहुन्छ । त्यहीअनुसार हामीले रिमाललाई विफ्रिङ गरिरहनु परेको छ ।’ साथै, केन्द्रदेखि प्रदेशसम्मका सचिव सरुवा–वढुवाको रोष्टर तयार पार्नेसम्मका काम रिमालले नै गरिरहेका छन् ।

राजनीतिक ‘सिन्डिकेट’

नेकपाका पुराना नेता भरतमोहन अधिकारीले पार्टी अध्यक्ष केपी ओली प्रधानमन्त्री भएयता एकै पटक पनि भेट्न पाएका छैनन् । उनले नीतिगत सुझावका लागि प्रधानमन्त्रीलाई भेट्न मुख्य सल्लाहकार रिमालसँग पटक–पटक आग्रह नगरेका होइनन् । अर्थमन्त्री डा। युवराज खतिवडालाई बजेट ल्याउनुअघि र प्रधानमन्त्रीलाई पनि ३० देखि ४५ मिनेट आफना सुझाव राख्न उनले समय मागेका थिए । तर, त्यो आग्रह सचिवालयभन्दा माथि पुग्नै पाएन ।

‘मेरै पार्टी हो, म आफैले लामो जीवन यसै पार्टीका लागि विताएको छु । थप के भनूँ’, अधिकारीले अन्नपूर्ण पोस्टसंग भने, ‘यस विषयमा २९ मंसिर ९स्थायी समिति वैठक० पछि म थप धारणा सार्वजनिक गर्नेछु ।’ अन्नपूर्णपोष्टबाट

काठमाडौँ । प्रहरी महानिरीक्षक सर्वेन्द्र खनालले बालिका निर्मला पन्तको बलात्कारपछि हत्याको घटनाको अनुसन्धान साँघुरिँदै गएको संसदीय समितिलाई जानकारी दिनुभएको छ । राष्ट्रियसभा, दिगो विकास तथा सुशासन समितिको आजको बैठकमा उहाँले अनुसन्धानलाई साँघुरो बनाउँदै लगिएको तर निष्कर्ष कहिले आउने भनेर समय तोक्न नसकिने बताउनुभयो ।

महानिरीक्षक खनालले भन्नुभयो, “हाम्रो सामथ्र्यले सक्ने काम गरिरहेका छौँ, अनुसन्धानलाई प्रभावित पार्ने काम नभइदिएको भए सहज हुन्थ्यो तर यो घटनामा कसैको दबाब छैन र कसैको दबाबले अनुसन्धान प्रभावित हुँदैन, प्रमुखका रुपमा कुनै कमजोरी देखिए संसदमा राखेर मेरो बर्दी खोलिदिए हुन्छ ।”

कञ्चनपुरकी बालिका पन्तको गत साउन १० गते बलात्कारपछि हत्या भएको घटनाका दोषी पत्ता नलागेको विषयमा आवाज उठिरहेको सन्दर्भमा समितिले साेमबार प्रहरी प्रमुखलाई आमन्त्रण गरेको थियाे । महानिरीक्षक खनालले घटना अनुसन्धानमा गैर व्यावसायिकता प्रदर्शन गरेको देखिएपछि केही प्रहरी अधिकृतलाई बर्खास्त गर्ने काम भइसकेको र अनुसन्धान जारी रहेको बताउनुभयो । उहाँले अनुसन्धानका लागि नियन्त्रणमा लिइएका केही व्यक्तिको नाम हतारमा दिइएका कारण अनुसन्धानमा कमजोरी भएको घुमाउराे पाराले स्वीकार गरे । अाजकाे नेपाल समाचारपत्रमा खबर रहेकाे छ ।

काठमाडौं । नेपालमा ठूलो भूकम्प जाने सम्भावना रहेको भन्दै वैज्ञानिकहरूले सुरक्षित र बलियो बासस्थान निर्माणको आह्वान गरेका छन् । भारतीय वैज्ञानिकहरुले हिमालय क्षेत्रसहित नेपालमा भूकम्पको जोखिम रहेको दाबी गरेका छन् ।

जवाहरलाल नेहरू सेन्टर फर एड्भान्स साइन्टिफिक रिसर्चका लागि भूगर्भविद् सीपी राजेन्द्रको नेतृत्वमा गरिएको भौगर्भिक अनुसन्धानले यस्तो निष्कर्ष निकालेको हो । तीन वर्ष लगाएर गरिएको अनुसन्धानले भारतको उत्तराखण्ड र नेपालको पश्चिम क्षेत्रमा निकट भविष्यमा ठूलो भूकम्प जान सक्ने देखाएको छ ।

‘दक्षिण एसियाको मध्य हिमालय क्षेत्रमा भविष्यमा जुनसुकै समय ८ दशमलव ५ म्याग्निच्युडसम्मको भूकम्प जान सक्छ,’ अध्ययन प्रतिवेदनमा भनिएको छ, ‘नेपालको पश्चिमी हिमाली क्षेत्र र भारतको उत्तराखण्ड क्षेत्रमा ठूलो भूकम्पको सम्भावना छ ।’

जियोलोजिकल सर्भे अफ इन्डियासँग भएको भूबनोटको तथ्यांक तथा त्यसको संरचनागत नक्सा, गुगल अर्थ तथा भारतीय स्पेस एजेन्सी आईएसआरओले भूउपग्रहबाट खिचेका तस्बिरको सहयोगमा भूकम्पीय जोखिमको अध्ययन अनुसन्धान गरिएको भूगर्भविद् राजेन्द्रले जानकारी दिए ।

उनका अनुसार भूकम्पको जोखिम अत्यधिक भएकाले सुरक्षित संरचना निर्माण आवश्यक छ । प्रतिवेदनमा जोखिमको सम्भावना भएको नेपालको पश्चिम क्षेत्र र भारतको उत्तराखण्ड क्षेत्रमा निर्माण गरिने भौतिक संरचानाहरु सुरक्षित हुने गरी बनाउन सुझाव दिइएको छ । याे खबर अाजकाे राजधानी दैनिकले छापेकाे छ ।

काठमाडौं । प्रधानमन्त्री केपी शर्मा ओलीले देशको वास्तविकतामा आधारित रहेर विकासका गतिविधिलाई अगाडि बढाइने बताएका छन्।शनिवार प्रधानमन्त्री निवास बालुवाटारमा इन्जिनियरहरुसँग कुरा गर्दै प्रधानमन्त्री ओलीले देशले भ्याउने गरी सेवा सुविधा लिने र तीव्र विकास गरिने स्पष्ट पारे। पाकिस्तानका प्रधानमन्त्री इमरान खानको प्रसंग निकाल्दै उनले तलब भत्ता नलिने र निवास नै त्याग्ने कुरा नेपालको सन्दर्भमा अहिले नै लागु गर्न कठिन रहेको सुनाए।

‘पाकिस्तानमा इमरान खानले सरकारी निवास त्यागेर आफ्नै घरमा बसेको चर्चा यहाँ भइरहेको छ। उनको आफ्नै महल छ, प्रधानमन्त्री क्वार्टरमा बसेनन्, यो राम्रो कुरा हो। तर उनको जस्तै नेपालमा पनि लागु गर्न अहिले नै मिल्दैन’, उनले भने।उनले बालकोटस्थित निजी निवास प्रधानमन्त्री बस्नका लागि उपयुक्त नभएको पनि स्पष्ट पारे। ‘सुरक्षाको कुरा छ, बैठकहरु गर्नलाई साँघुरो छ’, उनले भने। आफ्नो घरको कुरा गर्दा ओलीले प्रधानमन्त्री निवासका लागि बालुवाटारमा नै साँघुरो रहेको बताए।

‘मैले इमरान खानबाट सिक्नुपर्छ भनेर केहीले भने। प्रधानमन्त्री निवास त्यागेर मैले कहाँ जाने, जसको काठमाडौंमा घर छैन उ प्रधानमन्त्री भयो भने के गर्लारु’ ओलीले प्रश्न गरे।  यो समाचार आजको नागरिक दैनिकमा छ ।

आन्तरिक सुरक्षाको नयाँ कानुन बन्दै

काठमाडौं। सरकारले मुलुकको कुनै भागमा सशस्त्र संघर्ष, सशस्त्र विद्रोह वा पृथकतावादी गतिविधि भई मुलुक तथा प्रदेशको आन्तरिक सुरक्षामा गम्भीर संकट सिर्जना भएमा केन्द्रीय कमान्ड फोर्सले नै नियन्त्रण गर्ने गरी आन्तरिक सुरक्षा तथा व्यवस्थासम्बन्धी कानुनको मस्यौदालाई अन्तिम रूप दिएको छ ।गृह मन्त्रालयले तयार पारेको आन्तरिक सुरक्षा तथा व्यवस्था ऐन, २०७५ को मस्यौदा परामर्शका लागि कानुन न्याय तथा संसदीय व्यवस्था मन्त्रालयमा पठाइएको छ । मन्त्रालयले संघीय शासनअनुरूप हुने गरी मुलुकको समग्र शान्ति सुरक्षा तथा सुव्यवस्था कायम गर्ने उद्देश्यले पहिलोपटक नयाँ कानुन निर्माणलाई अघि बढाएको हो ।गृह मन्त्रालयका प्रवक्ता रामकृष्ण सुवेदीले आन्तरिक सुरक्षा तथा व्यवस्थासम्बन्धी विधेयकको मस्यौदा आवश्यक परामर्शका लागि कानुन न्याय तथा संसदीय मामिला मन्त्रालयमा पठाइएको जानकारी दिए । याे खबर अाजकाे राजधानी दैनिकमा छापिएकाे छ ।

राजदूत शेर्पालाई स्पष्टीकरण दिन काठमाडौं बोलाइयो, दोषी भेटिए बर्खास्त गर्ने तयारी

काठमाडौं | आर्थिक लेनदेनसम्बन्धी विवादमा तानिएपछि अस्ट्रेलियाका लागि नेपाली राजदूत लक्की शेर्पालाई सरकारले स्पष्टीकरण दिन काठमाडौं बोलाएको  खबर अाजकाे नयाँ पत्रिका दैनिकले छापेकाे छ  ।समाचारकाे अनुसार परराष्ट्र मन्त्रालयको अनुसन्धान र उनको बयानका आधारमा दोषी भेटिए शेपालाई बर्खास्त गर्ने सरकारको तयारी छ । चालक वाङचु शेर्पासँग पैसा असुलेर अस्ट्रेलिया लगेको आरोप लागेपछि शेर्पामाथि छानबिन भएको मन्त्रालयले जनाएको छ ।

काठमाडौं । चीनको सान्यामा जारी मिस वर्ल्ड प्रतियोगिताको फाइनल भोटिङ विहीबार साँझदेखि खुल्ला भएको छ । फाइनल राउन्डको भोटिङ सुरु भएपछि नेपालबाट प्रतिनिधित्व गरेकी श्रंखला खतिवडाले भोट गर्न फेरी एक पटक अपिल गरेकी छिन् ।

फाइनल राउन्डका लागि भोटिङ खोलिएको मिस वल्र्डको आधिकारिक फेसबुकबाट जानकारी पनि गराएको छ । आफुलाई मनपर्ने प्रतियोगीलाई मोडल पावर लाइभ र मबस्टारबाट पनि भोट गर्न सकिने जनाइएको छ ।

https://www.youtube.com/watch?time_continue=19&v=AJ26YAFAzMw

श्रृङ्खलाले आफ्नो फेसबुक पेजमा फिनालेको रातीसम्म भोट गरिरहन सवैलाई आग्रह गरेकी छिन् । ‘मलाई फिनालेसम्म भोट गरिरहनुहोला तपाईंहरु माझ साझा गर्न महत्वपूर्ण समाचार छ । चाँडै दिँदैछु’ उनले फेसबुक पेजमा लेखेकी छिन् ।

ब्यूटी विद् अ पर्पस अवार्ड जित्न सफल श्रृंखलाको भिडियोको गीत मिस वल्र्डमा गुञ्जिएको छ । प्रतियोगीहरुमध्ये जसले प्रस्तुत गरेको समाजसेवाको कार्यक्रमले निर्णायक मण्डलको मन जित्छ त्यही प्रतियोगीले यो अवार्ड प्राप्त गर्दछ ।

चिनमा भइरहेकाे मिस वर्ल्ड २०१८ मा सहभागिता जनाएर संसारभर चर्चा कमाइरहेकि नेपाली चेली श्रृङ्खला खतिवडाले राखिन मिस वर्ल्डकाे इतिहासमै यस्ताे रेकर्ड जुन अाजसम्म कुनै देशका सुन्दरीले राखेकि छैनन । अाखिर के हाे त्याे रेकर्ड ? सबैका लागि जिज्ञासाकाे बिषय बन्नु स्वभाविक हाे ।

मिस वर्ल्डकाे प्रतिस्पर्धामा देशलाइ चिनाइरहेकि मिस नेपाल शृङ्खला खतिवडाले मल्टिमिडिया अवार्ड जित्दै मिस वर्ल्ड २०१८ को अन्तिम ३० का लागि स्थान सुरक्षित गरेकी छन् । हेड टे हेडमा पराजित भएर निराश भएकि शृङ्खलाले फेरि सारा नेपालीलाइ खुसि दिलाएकि छिन । भनिन्छ नि प्रतिक्षाकाे फल मिठाे हुन्छ । अाखिर मिठै भएर निस्कियाे प्रतिक्षाकाे फल पनि । अन्तः मिस नेपाल शृङ्खलाले जितिन दुइटा अवार्ड ।

नेपालकी चेली श्रृङ्खलाले मिस वल्र्ड मल्टिमिडिया र ब्युटी विथ अ पपर्स दुई वटा अवार्ड जितेर इतिहास रच्न सफल भएकी छिन् ।दुई वटा अवार्ड जितेसंगै यो यस्ताे रेकर्ड बन्याे कि जुन अाजसम्म कुनै देशका सुन्दरीले बनाउन सकेका छैनन । सँगै मिस वल्र्ड प्रतियोगितामा दिइने फास्ट ट्रयाक अवार्ड जम्मा ५ वटा मात्रै छन । त्यसमा पनि अाजसम्म कुनै देशका सुन्दरीले २ अवार्ड जितेका छैनन । तर मिस नेपाल २०१८ श्रृङ्खलाले मिस वल्र्ड मल्टिमिडिया र ब्युटी विथ अ पपर्स दुई वटा अवार्ड जित्दै मिस वल्र्ड प्रतियोगिताकाे इतिहासमा दुई वटा फास्ट ट्रयाक अवार्ड जित्ने पहिलो सुन्दरी बन्न सफल बनेकि छिन याे संसारभर रहेका नेपालीहरूकाे लागि खुसिकाे खबर हाे ।

उनले मल्टिमिडिया अवार्ड र व्युटि विथ अ प्रपल अवार्ड गरि दुइवटा अवार्ड अाफ्नाे पाेल्टामा पारिन र मिस वर्ल्ड को फाईनलमा स्थान बनाइन । दाेस्राे हेड टु हेडमा सिंगापुरसंग पराजित भएपनि अन्तः श्रृङखला मिस वर्ल्ड २०१८ को फाईनलमा प्रबेश गरेकी हुन । यतिमात्र हाेइन टुरिज्म भिडियो च्यालेन्जमा पनि श्रृङखलाले तेस्रो स्थान बनाउँन सफल भएको छ । मेक्सिको र केन्याका प्रतिस्पर्धीलाई पछि पार्दै श्रृङ्खलाले मल्टिमिडया अवार्ड हात पारेकी हुन् । उक्त अवर्डाका लागि चीन, केन्या, पोर्टी रिको, नेपाल र वेलायत भिडियो च्यालेञ्जका आधारमा उत्कृष्ट ५ मा परेका थिए । दुई वटा अवार्ड जितेसंगै संसारभर अनकाे चर्चा अझै चुलिएकाे छ ।

यतिबेला संसारभरका साेसल मिडियाहरूमा शृङ्खलाकाे चर्चा परिचर्चा भइरहेकाे पाइन्छ । धेरैले त उनलाइ यसपटककाे मिस वर्ल्डमा मुख्य दाबेदारका रूपमा हेरेका छन । पटकको मिस वर्ल्ड मा श्रृङखला जतिको चर्चा र प्रशंसा अरु सुन्दरीहरुको कमै भएको थियो । विश्वभरीका सुन्दरी प्रतियोगिताका प्रेडिक्टरहरुको नजरमा श्रृङखला परेपछि उनलाई लिएर नेपालीहरु ज्यादै उत्साहित र आसावादी बनेका थिए । नेपालले पहिलो पटक फाईनलमा स्थान बनाएसंगै नेपालीहरुमा उत्साह छाएको छ । उनलाई नेपाल लगायत बिदेशीहरुले पनि शुभकामना दिईरहेका छन् ।

मिस नेपाल शृङ्खला खतिवडाले चिनबाट मिस वर्ल्डकाे पेजबाट दिएकाे सुचना

जरुरी सूचना, नमस्ते सबैलाई।

मैले ऐले सामजिक संजालमा मेरो नाम प्रयोग भएका धेरै facebook page हरु देखिरहेको छु। म केवल miss world को official page मा मात्रै active रहेको छु र अन्य सबै pageहरु fake वा fan page हरु भएको यहाँहरुलाई जानकारी गराउन चाहन्छु । साथै facebook page को post share गरेर missworld को vote count हुँदैन । miss world मा vote गर्न

१. mobstar app डाउनलोड गरि त्यसमा भएका posts लाइक गरेर र

२. miss world को आधिकारिक website मा गएर मेरो नाम मा vote हालेर मलाइ सहयोग गर्न सक्नु हुन्छ https://missworld.com/#/contestants/5435

miss world को multimedia award अझै बाकी छ त्यसैले सक्दो vote गरि सहयोग गरिदिनु होला र भ्रामक कुरा हरु लेखी vote को लागि photo share गर्नु भन्ने fake page हरु लाइ report गरिदिनु होला। साथै मलाई दिनुभएको यति माया र साथ को लागि धेरै आभारी छु। सबै को जानकारी को लागि यो post SHARE गर्नुहोला। https://m.facebook.com/Miss-World-Nepal-297574443671301/