Month: August 2018

नेपाल राष्ट्र बैकका गर्भनर डा. चिरिञ्जीवी नेपालले राष्ट्र समृद्ध बनाउन अर्थतन्त्रमजबुत बनाउनु पर्नेमा जोड दिएका छन । आर्थिक क्रियाकलप बढाए मात्र देशले बिकासका क्षेत्रमा गति लिने उनको भनाई छ । कपिलवस्तुको गोरुसिगेंमा सत्यवती लघुवित्त वित्तिय संस्था लिमिटेडको केन्द्रिय कार्यालय उद्घाटन समारोहलाई सम्बोधन गर्दै उनले पैसा कमाउनाका लागि विदेशको भर पर्नु भन्दा नेपालमा नै काम गरे यहाको विकास गर्न सजिलो हुने बताए । कपिलवस्तुको गोरुसिगेंमा आवस्थित सत्यवती लघुवित्त वित्तिय संस्था लिमिटेड नेपालको प्रदेश नं ५ र ६ भित्रका १० वटा जिल्लामा आप्नो शाखाहरु खोल्ने बताएको छ । कपिलवस्तुमा केन्द्रीय कार्यालय खोल्ने पहिलो वित्तिय संस्था सत्यवती लघुवित्त वित्तिय संस्था लिमिटेड बनेको छ । यस वित्तिय सस्थाको कार्यक्षेत्र कपिलवस्तु सहित रुपन्देही, नवलपरासी, पाल्पा, गुल्मी, अर्घाखाची, रोल्पा, प्युठान, सल्यान र जाजरकोट रहेको कार्यकारी प्रमुख बाबुलाल नेपालले बताए ।

कपिलवस्तुको बाणगंगा नगरपालिका पिपरामा रहेको पिपरा अस्पताल भवन डिभिजनका शाखा भैरहवाका इन्जीनियरले पोष्टमाट्मका लागी बनाइएको भवनमा सेप्m्टी ट्याकीं नबनाएको पाइएको छ । बिशेषत पोष्टमाट्म हुने भवनका लागी छुट्टै सेप्m्टी ट्याकीं बनाउने प्रावधान रहेको छ । भवन बनाउने इष्टीमेटमा छुट्टै सेप्m्टी ट्याकीं बनाउने उल्लेख गरेता पनि सो अनुसार काम भएको छैन । तत्कालिन समयमा भवनको सेप्m्टी ट्याकीं बनाउदा ब्यवस्थापनकै समितिकै सहमतिमा डाक्टर बस्ने क्वाटरको सेप्m्टी ट्याकींमा पोष्ट माट्म भवनको पाइप मिसाइएको हाल अवकाश पाएका तत्कालिन इन्जीनियर अरुण कुमार केशरी बताए । उता तत्कालिन अस्पताल ब्यवस्थापनका गोपाल भट्टराईले इन्जीनियरसगं त्यस्तो कुनैसहमति नभएको बताए । इष्टीमेटमा भए अनुसारनै भवन बनाउने जिम्मा इन्जीनियरको भएको र सो समयमा समितिको तर्फबाट कोहीसगं कुनै पनि सहमति नभएको उनको भनाई छ । भवन बनेर सक्दासम्म ब्यवस्थापन समिति परिर्वतन भई हालका अध्यक्ष दल बहादुर थापा ईश्वर थापाले भवनको इष्टीमेट र नक्सा मागेपछि डिभिजन शाखा भवन हस्तान्त्रण गर्ने बिषयमा कुरा गर्न छाडेको अध्यक्ष थापाले बताए । अस्पतालका भवन भुकम्प प्रतिरोधक भएतापनि भवको कही चिरा पर्ने, पानी सोस्ने, पानी चुहिने सम्म भई सकेका छन । पोष्टमाट्म भवन बनी सकेको दुई बर्ष भई सक्दा पनि प्रयोगमा आएको छैन । भवन डिभिजन शाखा भैरहवा, ठेकेदार पक्ष र अस्पताल ब्यवस्थापन समिति पक्षबिच कुराकानी तथा तालमेल नमिल्दा भवन हस्तान्त्रण हुन नसकेको हो ।

कपिलवस्तुको बाणगंगामा पुराना कपडाबाट कपास बनाएर नयाँ सिरक डसना बन्ने भएपछि स्थानिय खुशी भएका छन । कपिलवस्तुको बाणगंगा नगरपालिका बुङचीमा पुराना कपडालाई प्रयोग गरेर नया कपडा बनाउन थालेपछि स्थाानिय खुशी भएका हुन । यहाँ पुराना काम नलाग्ने कपडालाइ पुन नयाँ बनाएर प्रयोगमा ल्याउन उद्योग सँचालनमा आएको हो । काम नलाग्ने पुराना कपडाबाट नयाँ कपास बनाउने उद्योग सिद्धिपुरमा कपिलवस्तु कपास उद्योगको नामबाट सञ्चालनमा रहेको छ । प्रयोग गरेर काम नलाग्ने अवस्थामा पुगेका पुराना कपडालाइ कार्डन मेसिनको सहयोगले नयाँ कपास बनाएर पुन नयाँ कपडा बनाउन सकिने सँचालक चन्द्रकान्त पोख्रेल(सिके) को भनाई रहेको छ । उक्त कपासवाट नयाँ सिरक,डसना,तकिया लगायतका नयाँ कपडा बनाउने गरिएको छ । उच्च प्रबिधीबाट पुराना कपडालाइ कपास उत्पादन गरि नयाँ कपडा बनाउँदा सस्तो र खेर गएका कपडा प्रयोगमा आएपछि सेवाग्राही समेत खुसी भएका छन ।
उद्योगले राम्रो बजार पाउनुका साथै ६ जनाले रोजगारी समेत पाएका छन । पुराना कपडा तह लगाउन सजिलो भएकाले खर्च जोगाउन चाहनेहरुको लर्को लाग्ने उनले बताए । कपडाहरु काटेपछि मेसिनमा पेलेर कपास उत्पादन गरिन्छ । एक किलो कपडा पेल्न उनले २० रुपैयाँ लिने गर्छन । ३० लाख लगानीबाट सुरु गरिएको उक्त उद्योगबाट प्रतिमहिना ५० हजार रुपैया आम्दानी हुने उद्योग सँचालक पोखरेलले जानकारी दिए । जसमा तिन जना युवाको सामुहिक लगानी रहेको छ । उद्योगका कारण बाणगंगा , बुद्धभुमि, कपिलवस्तु नगरपालिकाका स्थानियलाई फाइदा पुगेको छ ।

पछिल्लो समय बढदो लोडसेडिङ्ग हटाउने निर्णयलाई कार्यान्वयन गर्न कै लागी देशैभर बिद्युत चुहावट नियन्त्रण अभियानलाई प्रभावकारी रुपमा सञ्चालन गरिदै आएको छ । अभियानकै क्रममा कपिलवस्तु जिल्लामा रहेका नेपाल बिद्युत प्राधिकरणका बिभिन्न बितरण केन्द्रले चुहावट नियन्त्रण अभियान चलाएका तस्बिर सामाजिक सञ्जालमा दैनिक जसो भाईरल हुने गरेका छन । प्राधिकरणले अभियान प्रभावकारी बनाउकै लागी जिल्लास्तरमा कार्यदल समेत बनाएको छ । चुहावट नियन्त्रण अभियानमा नेपाल प्रहरी र शसस्त्र प्रहरी बलको सहयोग रहेको बिषय अभियान सँग जोडिएका तस्बिरले समेत प्रष्टयाउदै आएको छ । तर चुहावट नियन्त्रण अभियानका क्रममा नागरिकले गल्ती गरेर चुहावटको कारवाही खेप्न बिद्युत प्राधिकरणलाई सहयोग पुर्याउने गरेको शसस्त्र प्रहरी बलले आफैले हुकिङ्ग गरि बिद्युत उपभोग गर्दै आएको भेटिएको छ । तौलिहवा जितपुर सडकखण्ड स्थित शसस्त्र प्रहरी बल सिमा सुरक्षा कार्यालय अन्र्तगतको कपिलवस्तु नगरपालिका वडा नम्बर ६ थुम्हवामा रहेको शसस्त्र प्रहरीको अस्थाई चेक पोष्टमा बिद्युत पोलबाटै सोझै हुकिङ्ग गरि बिद्युत उपभोग गरिने गरिएको छ ।
केहि बर्ष यता अस्थाई बिट राखि चेक जाँच गर्दै आएको शसस्त्र प्रहरीले अहीले चेकजाँचका लागी अस्थाई चेकपोष्ट निर्माण गरेको हो । सोहि चेक पोष्टमा भित्र बिद्युतको वायरिङ्गको कार्य सम्पन्न भएको भए मटिर जडान तर्फ ध्यान नदिई पोलबाट हुकिङ्ग गरि बिद्युत उपभोग गर्दै आएको भेटिएको छ । अस्थाई पोष्ट निर्माण पछि कार्यालयले तत्काल मिटरको लागी आवेदन दिएर मिटर प्राप्त गर्न सक्ने भए पनि शस्सत्र प्रहरी मिटर जडान गर्ने भन्दा हुकिङ्ग गर्ने कार्यका लागी अग्रसर भएको भेटिएको हो । टुडेकर्मीले हुकिङ्गका बिषयमा समाचार संप्रेषणका लागी तस्बिर लिन गए लगत्तै शसस्त्रले हुकिङ्ग हटाउने योजना बनाएको खुल्न आएको छ । शस्सत्र प्रहरीको सो चेक पोष्टमा हुकिङ्ग गरिएको बिषयमा आफु नै अनभिज्ञ रहेको शस्सत्र प्रहरी बल सिमा सुरक्षा कार्यालय कपिलवस्तुका शसस्त्र प्रहरी उपरिक्षक दिपक अधिकारीले बताए । “चेक पोष्टमा हुकिङ्ग गरिएको बिषयमा म अनभिज्ञ छु । हुकिङ्ग गर्ने कार्य गलत हो । तत्कालै हुकिङ्ग हटाएर मिटर जडानको प्रक्रियामा जानका लागी निर्देशन दिन्छु । ” उपरिक्षक अधिकारीले भने । आम नागरिकलाई बर्षौ सम्म मिटर नदिने र आकस्मिक रुपमा प्रयोग गर्दा कारवाही गर्ने बिद्युत प्राधिकरणले सुरक्षा निकायले हुकिङ्ग गर्दा अनभिज्ञता व्यक्त गर्नु दोहोरो चरित्र भएको सेवाग्राहीको आरोप छ । “अरुले हुकिङ्ग र मिटर बाईपास गरी चुहावट गरे बिद्युत चुहावट नियन्त्रण ऐन २०५८ को बिद्युत चोरी नियन्त्रण नियमावली २०५९ अनुसार कारवाही हुने अनी सुरक्षा निकायलाई किन कारवाही नहुने ? ” एक सेवाग्राहीले प्रश्न गरे । शसस्त्र प्रहरीले बिद्युत हुकिङ्ग गरि चुहावट गरेको प्रकरणमा प्रतिक्रिया लिदा नेपाल बिद्युत प्राधिकरण तौलिहवा बितरण केन्द्रका निमित्त प्रमुख ईन्जिनियर अर्जुन पोख्रेलले अनभिज्ञता प्रकट गरे । सो पश्चात आफुहरुले मौखिक सुचनाका आधारमा शसस्त्र प्रहरीले बिद्युत हुकिङ्ग गरेका जानकारी पाउदाँ बिगतमा आफुहरुले बिद्युत हुकिङ्ग रोक्न भनेको भए पनि सो नगरिएको भए हटाउन लगाईने उनले प्रतिक्रिया दिए । 

फोटो क्याप्सन  शसस्त्र प्रहरी बल सिमा सुरक्षा कार्यालय कपिलवस्तुको कपिलवस्तु नगरपालिका ६ थुम्हवामा रहेको अस्थाई चेक पोष्टको भवनमा पोलबाट सोझै हुकिङ्ग गरि बिद्युत उपभोग गरिदै आएको छ ।

सडक दुर्घटना न्युनिकरणका लागी सबैले आफनो ठाउबाट सचेत भई लागे दुर्घटनामा कमी आउने एक कार्यक्रमका सरोकारवालाहरुले बताएका छन । रोट्र्याक्ट क्लव अफ कपिलवस्तु मिड टाउनले चार नः जितपुरमा राखेको ट्राफिक बेरीयल हस्तान्त्रण कार्यक्रममा बोल्ने वक्ताले   दुर्घटना न्युनिकरणका लागी सर्वप्रथम आफै सचेत हुनु पर्नेमा जोड दिएका थिए । बाणगंगा नगरपालिका वडा नः ४ का अध्यक्ष गणेश बहादुर क्षेत्री, ईलाका प्रहरी कार्यालय पिपराका प्रहरी निरिक्षक चन्द्र केसि, रोटरी क्लव अफ कपिलवस्तु मिड टाउनका अध्यक्ष बासुदेव घिमिरे लगायतले बोल्दै सामान्य साबधानि नअपनाउदा दुर्घटना बढि हुने गरेकोमा उनीहरुको जोड रहेको थियो । रोट्रेक्ट क्लव अफ कपिलवस्तु मिड टाउनले २ वटा बेरीयल ईलाका प्रहरी कार्यालय पिपरालाई दिएको हो । साथै सो अवसरमा रोटे«क्ट अफ कपिलवस्तु मिड टाउनका अध्यक्ष माधव पौडेल, रोट्रयाक्टर समिर सायर , गणेश कार्की लगायतले समेत आआफनो धारणा राखेका थिए । कार्यक्रममा ५० बढिको सहभागिता रहेको थियो । बेरीयल ग्रहण गर्दै प्रहरि निरिक्षक केसिले दुर्घटना कमी आउनुका साथै , सवारी साधन आवात जावातको रर्कड राख्न समेत सजिलो हुने बिश्वास व्याक्त गरेका थिए ।

कपिलवस्तुको मायादेवि गाउपालिकामा मच्छेड धपाउन बालेको धुपबाट घरमा आगलागी हुदा कपिलवस्तुमा लाखौको क्षति भएको छ । मायादेवि गाउपालिका वडा नः १ बरैया बस्ने झकरी यादव, चन्द्रीका यादव र छविलाल यादवको घरमा आगलागी भएको हो । खरले छाएको गोठमा मच्छेड धपाउन बालेको आगोबाट आगलागी हुदा २ वटा भैसी, एउटा पाडा घाइते हुनुका साथै र एक लाख पचास हजार बढिको क्षती भएको छ ।

कपिलवस्तु जिल्लाबाट बाके जिल्लामा सरुवा भै जान थालेका प्रमुख जिल्ला अधिकारी मदन भुजेललाई तौलिहवा उद्योग बाणिज्य संघले एक कार्यक्रममा बिच बिदाई गरेको छ । संघको आयोजनामा तौलिहवामा प्रजिअ भुजेललाई बिदाई गरिएको हो । सो अवसरमा बोल्दै प्रजिअ भुजेलले आफनो ११ महिने कार्यकालमा उद्योगी व्यवसायीलाई निर्धक्क व्यवसाय गर्ने बातावरण बनाउन सफल भएको बताए । आगामी दिनमा उद्योगी व्यवसायीको अधिकारका लागी संघले थप क्रियाशिलताका साथ कार्य सम्पादन गर्नु पर्ने तथा सामाजिक सरोकारका बिषयमा अगुवाई गर्न आवश्यक रहेको सुझाव दिएका थिए । सो अवसरमा संघका अध्यक्ष गयादिन कुर्मीले प्रजिअ भुजेलको कार्यकालमा उद्योगी व्यवसायीले पुर्ण रुपमा सुरक्षाको प्रत्याभुती गरेको र व्यवसायमैत्री बातावरण निर्माण भएको बताए । आफुहरु व्यवसायीक हितमा क्रियाशिल रहेको स्पष्ट पार्दै स्थानिय प्रशासनले व्यवसायीलाई सहज रुपमा कार्य गर्ने बातावरण दिनु प्रशंसनिय रहेको बताए । प्रशासन र संघ बिचको राम्रो सम्बन्धले व्यवसायीको अधिकार संरक्षणमा सहयोग पुर्याएको संघकी महिला सदस्य सबिता श्रेष्ठले बताईन ।

कपिलवस्तुको बाणगंगा नदिमा नदि जन्य पदार्थको उत्खननले बर्खामा कृषकले समस्या भोग्न बाध्य भएका छन । नदिमा नदि जन्य पदार्थको उत्खननले गहिरो भउपछि कृषकले बर्षेनि बाध सार्न बाध्य भएका हुन । बाणगंगा नदि अन्र्तगत कोपवा, अमौली, भक्लापुर, बैदौली क्षेत्रका कृषकले बर्षेनि बर्खामा झारा लगाएर बाध सार्ने गरेका छन । सो क्षेत्रका गाउलेलाई धानमा पानी लगाउन बाणगंगा नदिमा निर्भर पर्नु पर्ने बाध्यता रहेको छ । बाणगंगा नदि बर्षेनि गहिरिदै गएकाले पानी ठुलो बाडि नआउदासम्म बाणगंगा पल तलका गाउमा नजादा समस्या भएको कोपवाका कृषक राम लखन थारुले बताए ।
बिगका बर्षमा गाउमा पानी लैजान बाणगंगा पुलभन्दा करिव १ किलोमिटर तल बाध लगाएका कृषक हाल आएर बाणगंगा पुलमुनि बाध लगाई सिचाई सुविधा भोग्न बाध्य भएका हुन । गाउमा हाक लगाई झाराका लागी कृषकलाई बोलाएपछि बढघरको नेतृत्वमा काम हुने गाउलले बताए । नदिजन्य पदार्थ निकासि हुदा नदि गहिरिने र ठुलो बर्षा नभएसम्म पुल तलका गाउमा पानी नजाने भएकाले बाध बनाएर एकतर्फी नदिबाट पानी पु¥याउन झारा लगाउने गरिएको छ । उनीहरुले जगंलबाट झाला काटेर एकतर्फीबाट बाध बनाउने र त्यस माथि ढुङ्गगा राखेर बलियो बनाउने गरेको स्थानिय युवा मोहन बेल्बासेले बताए । उता ठुलो पानी आउदा पनि झारा लगाएर बनाएको बाध बगाएर लैजाने गरेको छ ।

कपिलवस्तुको चार नः जितपुरमा ढल निकासिको नालीबाट पानी नबग्दा यहाँका स्थानियले दुख भोग्न बाध्य भएका छन । ढल बनी सकेको र माथीबाट ढक्कन मात्र लगाउन बाकी रहदा अहिलनै पानी जमेर ढलको दुर्घन्धले यहाँँका स्थानिय दुख भोग्न बाध्य भएका छन । तौलीहवा जितपुर सडक खण्ड अन्र्तगत चार नः जितपुरमा बनाइएको ढल निकासिको नालीमा फोहार सहित पानी जम्दा जितपुर बजार दिनहु दुषित हुदै गएको छ । ठेकेदारले नाली बनाउदा स्लोप राम्रोसगं नबनाउदा यस्तो भएको चार नः जितपुरका ब्यवसायी गोपाल ज्ञवालीले बताए । राम्रो स्लोप बनेको भए ढलको पानी बग्दै जानेमा ठेकेदारको लापरवाहीले पानी नबग्ने र त्यही जम्ने हुदा दुषित हुनुका साथै लामखुट्टेका लगायतका अन्य किरा तथा किटाडुबाट रोग लाग्न सक्ने समेत डर रहेको उनले बताए ।
ढल निकासिको दुर्घन्धले तौलीहवा चार नः जितपुरको बाटो भएर यात्रा गर्ने यात्रुले मुख थुन्नु पर्ने अवस्था आउन थालेको र त्यस क्षेत्रमा रहेका ब्यवसायी पसलका सञ्चालक र आउने ग्राहक मुख थुन्दै बस्नु परेको जितपुरका अर्का ब्यवसायी दिनेश कुमार मरासिनिले बताए । जसका कारण बिभिन्न किसिमका रोग लाग्न सक्ने भन्दै चिन्ता समेत बढदै गएको उनको भनाई छ । ढल निकासिको समस्याका बारेमा हालसम्म थाहा नभएको र अव तत्काल ठेकेदारलाई परिपत्र गरि के कस्तो भएको हो सडक डिभिजनसगं सहकार्य गरि समस्या समाधानका लागी नगरपालिकाले पनि पहल गर्ने बाणगंगा नगरपालिकाकाल मेयर मगंल प्रसाद थारुले बताए । काम पुरा नहुदै यस्तो समस्या देखिनु दुुखत रहेको बताउदै समस्या समाधान हुनेमा बिश्वस्त रहन उनले आश्वासन समेत दिएका छन । उता स्लोप बिग्रीएको भए तत्काल आवश्यक ठाउमा पिच गरी समस्या समाधान हुने डिभिजन सडक कार्यालय शिवपुर कपिलवस्तुका प्रमुख रमेश पौडेलले बताए । सर्वसाधारणले ढलमा फोहोर मिसाउदा पनि पानी जम्ने लगायतका समस्या आउन सक्ने बताउदै सबै कुरा हेरेर समस्या समाधान गर्न डिभिजनले ठेकेदारलाई निर्देशन दिने प्रमुख पौडेलले बताए । जसका लागी आफुले उतm क्षेत्र तत्काल निरिक्षण गर्ने उनको भनाइ छ । बज्र गुरु विभा एम्के जेविकाले उतm कामको ठेक्का पाएको सोका इञ्जीनियर गणेश सापकोटाले निमार्ण कार्य बाकीनै रहेकोले त्यस्ता ठाउमा फेरी पिच गरिने बताए । साथै उनले स्थानिय ब्यवसायी तथा घरवालाहरुले फोहोर भाल्ने गरेकाले पनि यस्तो भएको हुन सक्ने उनको भनाई छ ।