सरकारले गाडीभाडा बढाउने सहमति जनाएपछि नेपाल राष्ट्रिय यातायात व्यवसायी महासंघले अग्रिम टिकट बुकिङ खुला गरेको हो।

बुकिङ खुला भएपछि राजधानीका टिकट बुकिङ काउन्टरहरूमा बिहानैदेखि घुइँचो लागेको छ।

यसअघि गत शुक्रबारदेखि नै टिकट बुकिङ खुला गर्ने भनिए पनि गाडीभाडा वृद्धि, रोकिएका खाता सञ्चालन गर्नुपर्ने माग राख्दै महासंघले टिकट बुकिङ रोकेको थियो।

सोमबारदेखि गाडीभाडा १० प्रतिशत बढाउने तथा रोक्का खाता फुकुवाको प्रक्रिया पनि अघि बढाउने सहमति जनाएपछि दसैंका लागि अग्रिम टिकट बुकिङ खुलाइएको महासंघका महासचिव सरोज सिटौलालले जानकारी दिए।

यातायात सिन्डिकेट अन्त्यको घोषणा गर्दै सरकारले यातायात समितिका बैंक खाता रोकेको थियो। खाता रोकिएकोमा व्यवसायीहररू रुष्ट हुँदै आएका छन्। खाता रोकिँदा आफ्ना कर्मचारीहररूले तलब खान नपाएको तथा यातायात दुर्घटना हुँदा मृत्यू हुने तथा घातेको उपचार पनि यातायात व्यवसायीले गराउन नसकेको यातायात व्यवसायीको भनाइ छ।

सरकारले यातायात सिन्डिकेट खारेज घोषणा गरे पनि व्यवहारमा भने सिन्डिकेट कायमै छ।

सरकारले यातायात व्यवसायीका सबै समिति खारेज भएको जनाएको थियो। तर, यातायात महासंघसँग नै वार्ता गरेर सरकारले भाडा बढाउने सहमति गरेको हो भने विभिन्न समितिका टिकट काउन्टरहरू पनि यथावत नै छन्।

पन्त परिवारलाई न्याय र मजबुत सुरक्षाको मागसहित भीमदत्त नगरवासीबाट शुरु भएको दबाबमूलक आन्दोलन मुलुकभर सल्कियो। एउटी छात्रामाथिको जघन्य अपराधपछि शव उखुबारीमा भेटिएको घटनाका दोषी पत्ता लगाउन राज्य संयन्त्रले सबै शक्ति लगाएको देखिन्छ। तर विडम्बना, कञ्चनपुरमा महिला तथा बालिकाहरुमाथिको बलात्कार प्रयासका घटनाहरु भने रोकिएका छैनन्।

निर्मला हत्याका वास्तविक अपराधीहरुलाई कानूनी दायरामा ल्याउनुपर्ने माग सडक र सदन उठिरहे पनि यहाँ आपराधिक गतिविधिमा कमी नआउँदा सुरक्षा चुनौती थपिएको छ।

गत असार ३२ गते कञ्चनपुरको कृष्णपुर नगरपालिकाका कविता विष्टलाई बलात्कारपछि हत्या गरी लालझाँडी जङ्गलमा शव फालिएको अवस्थामा भेटिएयता कञ्चनपुरमा मात्रै झण्डै एक दर्जन बलात्कारका घटनाहरु भएका छन्।

जिल्ला प्रहरी कार्यालय कञ्चनपुरले विष्ट हत्यामा संलग्न कष्णपुर नगरपालिकाकै मदन गिरी र भरत बोहरालाई पक्राउ गरी कारबाही अघि बढायो। दुवै अभियुक्त हाल पुर्पक्षका लागि कञ्चनपुर कारागारमा रहेका छन्। विष्ट हत्याको एकसातापछि साउन ६ गते पुनर्वास नगरपालिकाका १७ वर्षीया युवतीलाई सोही नगरपालिकाका २६ वर्षीय विकास बुढाले दोदा नदी छेउको उखुबारीसम्म पु¥याएर बलात्कार प्रयास गरेका थिए। ती युवती कराउँदै उखुबारीबाट भाग्न सफल भइन्। उक्त घटनाका आरोपित बुढा पुर्पक्षका लागि कारागार चलान गरिएका छन्।

त्यसैगरी, साउन १० गते शुक्लाफाँटा नगरपालिका–८ का बिन्तरामी चौधरीले स्थानीय वृद्धालाई मध्यरातमा बलात्कार गरे। आफन्तबाटै बलात्कारको शिकार बनेकी वृद्धाले जाहेरी दिएको आधारमा अभियुक्त चौधरी पनि हाल पुर्पक्षका लागि कारागारमा छन्।

सोही दिन दिउँसो भीमदत्तनगरपालिका–१८ निम्बुखेडास्थित साथी रोशनी बमको घरमा गृहकार्य गर्न आएकी भीमदत्तनगरपालिका–२ खोल्टीका निर्मला पन्त अबेर साँझसम्म घर नफर्किएपछि आमा दुर्गादेवी पन्त छिमेकीसहित निर्मला खोज्न निस्किइन्।

प्रहरीसम्म खोजविनका लागि पुगेकी दुर्गादेवीको पुकार कहीँबाट सुनिएन। साउन ११ गते बिहान निर्मलाको शव उखुबारीमा भेटियो। उल्टाखामवासीले लामो समयदेखि गाउँमा अस्थायी प्रहरी बिट स्थापनाका लागि माग गर्दैआएका थिए। निर्मलाको शव परीक्षणका लागि महाकाली अञ्चल अस्पताल लैजाँदै गर्दा स्थानीयवासीले अवरोध पु¥याए। गाउँलेले निर्मलाका हत्यारामाथि कारबाहीको माग गर्नाका साथ सुरक्षाको प्रत्याभूत गराउन पनि अपिल गरे।

चौकी स्थापनाका लागि केन्द्रमा लिखित पत्र पठाउँछु भन्दै प्रहरी पन्छिन खोजेको निर्मलाका आमा दुर्गादेवीको भनाइ छ। ‘सुरक्षाका लागि पहिले पनि गाउँलेहरुले पहल गर्दै आएका थिए,” उनले भनिन् ‘निर्मलाको घटनामा पनि त्यो स्वर गुञ्जियो तर सुनिएको छैन।’ उक्त घटनालाई सामान्य रुपमा लिइँदा आन्दोलन भड्कियो। भीमदत्तनगरमा दिनहुँ प्रर्दशनहरु भए।

आन्दोलनले उग्र रुप लिँदा तत्कालीन प्रमुख जिल्ला अधिकारी कुमारबहादुर खड्का र प्रहरी उपरीक्षक डिल्लीराज विष्ट निलम्बनमा परे। निर्मला घटनाका तत्कालीन अनुसन्धान अधिकृत प्रहरी निरीक्षक एकिन्द्र खड्का र तत्कालीन प्रवक्ता एवं प्रहरी नायब उपरीक्षकसहित ६ जना प्रहरी कर्मचारी पनि ढिलो गरी निलम्बनमा परे।

जिल्लामा नयाँ नेतृत्व आयो। जिल्ला प्रशासनको जिम्मेवारी लिएर प्रमुख जिल्ला अधिकारी तारानाथ अधिकारी र प्रहरी प्रमुखको जिम्मेवारी लिएर प्रहरी उपरीक्षक कुबेर कडायत कञ्चनपुर आए। आन्दोलनले उग्र रुप लिन पुग्दा भीमदत्तनगरपालिका–१८ का सनी खुना शहीद बने।

गृह मन्त्रालयको उच्चस्तरीय छानबिन समिति, प्रहरीको केन्द्रीय कार्यालयबाट खटिएको प्रहरी नायब महानिरीक्षक धिरु बस्न्यात नेतृत्वको टोली, प्रहरीको केन्द्रीय अनुसन्धान ब्युरो (सिआइबी) का वरिष्ठ प्रहरी उपरीक्षक ठाकुरप्रसाद ज्ञवालीको टोलीले भिन्नभिन्न ढङ्गबाट अनुसन्धान गरिरहेका छन्।

घटनाको अनुसन्धान एवं समन्वयकर्ता भन्दै प्रहरी उपरीक्षक दुर्गा सिंह चन्दलाई प्रहरीको केन्द्रीय कार्यालयले कञ्चनपुर पठाएको छ भने जिल्ला प्रहरी कार्यालय कञ्चनपुरबाट प्रहरी नायब उपरीक्षक कृष्णराज ओझा अनुसन्धान अधिकृत भएर अनुसन्धान गरिरहेका छन्।

‘धेरै विज्ञसहितको टोलीहरुले अनेक कोणबाट निर्मला हत्या प्रकरणको सघन अनुसन्धान गर्दैछन्,’ जिप्रका कञ्चनपुरका प्रमुख प्रहरी उपरीक्षक कुबेर कडायतले भने।

आन्दोलन र अनुसन्धान भइरहँदा पनि बलात्कार 

निर्मला प्रकरणले कञ्चनपुर अशान्त भइरहँदा पनि कञ्चनपुरमा बलात्कारका घटनाहरु दोहोरिरहे। निषेधाज्ञा जारी गरिएकै बेला साउन १९ गते भीमदत्तनगरपालिका–१० का ४० वर्षीय लक्ष्मीराम कोलीले पाँच वर्षीया बालिकालाई घरमा एक्लै भएको मौका छोपेर बलात्कारको प्रयास गरे। बालिकामाथि बलात्कारको प्रयास गर्दै गर्दा गाउँलेले थाहा पाएपछि पक्राउ परेका कोली पनि कारबाहीको दायरामा रहेको जिप्रका कञ्चनपुरले जनाएको छ।

त्यसैगरी, कञ्चनपुरको बेल्डाँडी गाउँपालिका–१ की १४ वर्षीया किशोरीलाई गाउँकै केही युवकले सामूहिक बलात्कारको प्रयास गरे। गाउँको नहर छेउमा मध्यरात स्थानीयवासी जनक खड्का र भानसिंह विष्टसहितको उक्त समूहले किशोरीलाई जबरजस्ती बलात्कार प्रयास गरेको थियो। उक्त घटनामा खड्का र विष्ट पक्राउ परेका छन् भने अन्य फरार रहेका छन्। उनीहरुको पहिचान खुलिसकेको प्रहरीले जनाएको छ।

गत भदौं २६ गते महाकाली नगरपालिकाका–४ का ४० वर्षीय आइते सुनारले सोही नगरपालिकाका १० वर्षीया बालिकालाई धानबारीमा लगेर जबरजस्ती करणी गर्न खोजेको प्रहरीको अभिलेख छ। यो घटनामाथि अनुसन्धान भइरहेको छ।

यहाँको वेदकोट नगरपालिका–१० मा पनि साउन महिनामै ५३ वर्षीय ध्वजराम कामीले झारफुक गर्ने बहानामा ५१ वर्षीया महिलाई बलात्कार प्रयास गरेको थियो। घटना लगत्तै पक्राउ परेका कामी पनि प्रहरी अनुसन्धानमा छन्। जिप्रका कञ्चनपुरका अनुसार पुनर्वास नगरपालिका–७ परासनका ३० वर्षीय नरेश राना पनि बलात्कार आरोपमा पक्राउ परेका छन्। भैंसी चराउन गएकी ३९ वर्षीया महिलालाई उखुबारीमा लगेर रानाले बलात्कार गर्न खोजेको प्रहरीको भनाइ छ।

त्यसैगरी, गत भदौको तेस्रो साता बेल्डाँडी गाउँपालिका–२ का ५७ वर्षीय राजेन्द्र विष्ट पनि ६ वर्षीया बालिकामाथि बलात्कार आरोपमा पक्राउ परेको जिप्रकाले जनाएको छ। अभियुक्त विष्टले नाबालकलाई ललाइफकाई जबरजस्ती करणी गर्न खोजेको बताइएको छ।

बलात्कार/जबरजस्ती करणीका घटनाहरु बढिरहेकै बेला गत बिहीबार कृष्णपुर नगरपालिकामा विद्यालयमै ७ वर्षीया बालिकालाई १० वर्षीय बालकले बलात्कार प्रयास गरे। बालक प्रहरी निगरानीमा रहेको जि प्रका कञ्चनपुरका प्रहरी नायब उपरीक्षक ओझाले जानकारी दिए।

कञ्चनपुरमा गत वर्ष बलात्कार र जबरजस्ती करणीका ३३ मुद्दा प्रहरीमा आएको तथ्याङ्कले देखाएको छ। आर्थिक वर्ष २०७४/७५ मा जबरजस्ती करणीमा १८ र जबरजस्ती करणी उद्योगमा १५ वटा मुद्दा दर्ता भएका थिए। ‘पहिले १६ वर्षभन्दामाथि उमेर समूहकालाई बलात्कार गरेका घटनाहरु बढी थिए,’ जिप्रका कञ्चनपुर स्रोतले भन्यो– ‘अहिले किशोरी र बालिकामाथि यसप्रकारका जघन्य अपराधहरु घट्दै गएको देखिन्छ।’

लागुपदार्थको दुव्र्यसन, कानूनबारेको अनभिज्ञता, अशिक्षा लगायतका कारण महिलामाथिका हिंसाका घटनाहरु बढिरहेको विज्ञहरु बताउँछन्।

नैतिक शिक्षा आवश्यक 

कञ्चनपुरका समाजसेवी लीलाध्वज बस्नेत जिल्लामा बलात्कारलगायत महिलामाथि भइरहेका हिंसाका घटनाप्रति चिन्ता व्यक्त गर्छन् र नैतिक शिक्षाको आवश्यकता औँल्याउँछन्।

“नैतिकवान्, आदर्शवान् र सचेत नागरिकका लागि घर र परिवारबाटै नैतिक शिक्षा बालबालिकालाई दिनु आवश्यक छ,” समाजसेवी बस्नेत भने, ‘राजनीतिज्ञदेखि सबै तह तप्काबाट पनि नैतिक शिक्षाका लागि जोडदार पहल हुन आवश्यक छ।’

युवा पुस्ता सामाजिक सञ्जाल र इन्टरनेटको दुरुपयोगले पनि युवा पुस्ता बिग्रिरहेको उनको आकलन छ। ‘बाल यौनका कुरा मिडियाबाट पनि अनावश्यक रुपमा उछालिँदा गलत सन्देश गइरहेको देख्दैछु,’ उनले भने।

माइती नेपाल कञ्चनपुरका संयोजक महेश्वरी भट्टले अझै गाउँबस्तीमा बलात्कारका घटनाहरु पैसामा मोलमोलाई गरेर मिलाउने गरिएको बताइन्।

‘ग्रामीणस्तरसम्म बलात्कारलगायतका अपराध गरे कानूनी रुपमा यस्तो कारबाही हुन्छ भनेर जनचेतना फैलाउनु प¥यो,’ संयोजक भट्टले भने ‘चेतनास्तर माथि उकास्ने खालका प्याकेज लागू गर्नुपर्ने देखिन्छ ।’ नैतिक शिक्षा दिन स्थानीय तह र प्रदेश सरकारले पनि नयाँ योजनाहरु ल्याउनुपर्ने उनको सुझाव छ।

वेदकोट नगरपालिकाका उपप्रमुख सुशीला सिंह बलात्कार, बालविवाह, महिलाविरुद्धका हिंसाका घटनाहरु हुन नदिन अभिभावकको निगरानी धेरै नै महत्वपूर्ण हुने बताउछिन्।

भीमदत्त नगरपालिका २ उल्टाखामकी पन्तको गत साउन १० गते बलात्कारपछि हत्या भएको थियो। उनको शव स्थानीयले ११ गते गाउँ नजिकैको उखुबारीमा उनको शव फेला पारेका थिए।

साथीको घरमा होमवर्क गर्न भनेर गएकी बालिकाको बलात्कारपछि हत्या भएको दुई महिना बितिसक्दा पनि प्रहरीले अपराधी पत्ता लगाउन सकेको छैन। निर्मलाको शव भेटिएको दिन साउन ११ देखिनै अनुसन्धानमा जुटेको कञ्चनपुर प्रहरीले अहिलेसम्म घटनामा संलग्न अपराधीबारे कुनै ठोस प्रमाण जुटाउन सकेको छैन।

‘अझैसम्म खासै ठोस प्रमाण फेला पर्न सकेन,’ कञ्चनपुरका प्रहरी प्रमुख प्रहरी उपरीक्षक कुबेर कडायतले भने, ‘गहन ढंगले अनुसन्धान भइरहेको छ, तर अपराधी को हुन भन्ने स्पष्ट भइसकेको छैन।’ उनले अनुसन्धानमा संलग्न टोलीले घटनाबारे विभिन्न माध्यमबाट प्राप्त हुने सूचनालाई पछ्याउँदै सूक्ष्म ढंगले अनुसन्धान गरिरहेको दाबी गरे।

अनुसन्धानमा कञ्चनपुर प्रहरीलाई प्रहरी प्रधान कार्यालयले बनाएको अनुसन्धान टोली पनि सघाइरहेको छ। गत भदौँ ३१ गते नेपाल प्रहरीले घटनाको विषयमा छानविन गर्न डीआइजी धिरु बस्नेतको संयोजकत्वमा समिति पुनगर्ठन गरि पुनः अनुसन्धानका लागि कञ्चनपुर पठाएको छ। तर, उक्त टोलीले पनि अहिलेसम्म ठोस प्रमाण जुटाउन सकेको छैन। यसरी हेर्दा प्रहरीको अनसन्धान अहिलेसम्म पनि अपराधीको छेउछाउ पुग्न सकेको देखिँदैन्। प्रहरीले अनुसन्धान गरिरहेको जनाए पनि अनुसन्धान कुहिरोको कागजस्तो आफैमा रुमलिइरहेको देखिन्छ।

सुरुमा घटनाको अनुसन्धानमा प्रहरीले गरेको गल्तीका कारण अनुसन्धान झन्झटिलो बनेको र रहस्यमयी जस्तो बन्न पुगेको पछिल्ला अनुसन्धान टोलीको निष्कर्ष छ। निर्मला हत्याकाण्डमा प्रहरी प्रशासन निकै आलोचित भयो। अनुसन्धानमा उच्च छवि बनाएको सिआइबी पनि घटनाको प्रमाण लुकाउनमा खोजेको आरोपमा फस्यो। प्रहरी इतिहास मै पहिलो पटक सिआईबी पनि अनुसन्धानमा चुकेको छ। यसले नेपाल प्रहरीको अनुसन्धान प्रक्रियामा नै प्रश्न चिन्ह लगाएको छ।

प्रहरीले नै प्रमाण नष्ट बनाएको भन्ने आरोप लागेसँगै प्रहरीले तत्कालिन एसपी डिल्लीराज बिष्ट, सिआइबीका डिएसपी अंगुर जिसी, डिएसपी ज्ञानबहादुर सेठी, दुई जना प्रहरी निरीक्षक र एक जना असईलाई निलम्बन गरेको थियो। निर्मला हत्याका वास्तविक दोषी पहिचान हुन नसक्दा प्रहरीप्रतिको जनताको विश्वास घट्दै गएको छ।

छोरीको न्यायका लागि जिल्लामा मात्रै नभएर काठमाडौँसम्म पुगेका निर्मलाका आमाबाबु सरकारको रवैया र प्रहरी तथा अनुसन्धान टोलीको अनुसन्धानको गति हेर्दा न्याय पाउँने आशा मर्दै गएको बताउँछन्।

स्थानीय सरस्वती माध्यमिक विद्यालयमा कक्षा ९ मा पढ्ने पन्तको बलात्कारपछि हत्याको विरोधमा देशैभर उनको पक्षमा न्याय माग्दै कञ्चनपुरसहित देशैभर प्रदर्शन भइरहेको छ। हत्याको विरोधमा महेन्द्रनगरबाट शुरु भएको प्रदर्शन देशभरि नै फैलिएको हो। मुख्य अभियुक्त भनेर मानिसिक अवस्था ठीक नभएका स्थानीय दिलीपसिंह बिष्टलाई सार्वजनिक गरेपछि महेन्द्रनगरमा भइरहेको आन्दोलनले उग्ररुप लियो।

स्थानीयको आन्दोलन चर्किएपछि प्रहरीले आन्दोलन दबाउनका लागि लाठी र अश्रुग्यासमात्रै प्रहार गरेन गोलीसमेत चलायो। प्रहरीको गोली लागि दुई दर्जन आन्दोलनकारी घाइते भए भने स्थानीय युवा सन्नी खुनाले ज्यान नै गुमाउनु प¥यो ।

घटना घटेको दुर्ई महिनाको अवधिमा कञ्चनपुर लगायत देशैभरि बिभिन्न घटना भए।

निर्मला हत्यापछिका घटनाक्रम यहाँ प्रस्तुत गरिएको छः

यस्तो निर्मला हत्याकाण्डपछिका ६० दिनको घटनाक्रम

साउन १०
— बिहान १० बजे गृहकार्य गर्छु भनि साथी रोशनी बमको घर गएकी र त्यहीबाट बेपत्ता भएकी।
— निर्मलाकी आमा दुर्गादेवीद्वारा प्रहरीमा छोरी हराएको जानकारी।

साउन ११
— निर्मलाको शव भीमदत्त नगरपालिका १९ स्थित उखुबारीमा भेटिएको।

साउन १२
— हत्याको बिरोधमा महेन्द्रनगरमा प्रदर्शन शुरुः वास्तविक हत्यारालाई कानुनी दायरामा ल्याउन माग गर्दै दिनदिनै प्रदर्शन।

साउन १४
— निर्मला पन्तको अन्त्यष्टि।

भदौ ४

— मुख्य अभियुक्त भनेर मानसिक सन्तुलन गुमाएका ४१ वर्षीय दिलीपसिंह बिष्ट पक्राउ।
— न्याय माग्दै जिल्ला प्रहरी कार्यालयमा धर्ना।

भदौँ ६
—महेन्द्रनगरमा भएको प्रदर्शनमा प्रहरी र प्रदर्शनकारीबीच झडप हुँदा दुई दर्जन घाइते।
— प्रहरीद्वारा १० सेल अश्रुग्यास प्रहार।

भदौ ७
—आन्दोलनका क्रममा दुई प्रहरी र ६ आन्दोलनकारी घाइते। प्रहरीद्वारा आन्दोलनकारीमाथि गोली र अश्रुग्यास प्रहार।
— कारागार व्यवस्थापन विभागका महानिर्देशक हरिप्रसाद मैनालीको संयोजकत्वमा पाँच सदस्यीय छानबिन समिति गठन।
— सिडियो कुमार खड्का र एसपी डिल्लीराज बिष्टलाई विभागमा फिर्ता बोलाई उनीहरुको स्थानमा क्रमशः तीर्थ अधिकारी र कुवेर कडायत खटाइए।

— आन्दोलनका क्रममा घाइते भएका सम्पूर्णको खर्च सरकारले ब्योहोर्ने घोषणा।

भदौ ८
— गृह मन्त्रालयले बनाएको छानबिन टोली महेन्द्रनगर पुगी काम शुरु।
— प्रमुख जिल्ला अधिकारी तारानाथ अधिकारी कञ्चनपुरमा हाजिर।
— आन्दोलनका क्रममा प्रहरीले चलाएको गोली लागि सन्नी खुनाको मृत्यु।
— महेन्द्रनगर आसपासका क्षेत्रमा कफ्र्यु लगाउन शुरु।
— घाइते आन्दोलनकारीलाई भेट्न गृहमन्त्री रामबहादुर थापा त्रिवि शिक्षण अस्पतालमा।

भदौ ९
— सोधपुछका लागि निर्मलाकी साथी रोशनी बम र उनकी दिदी बबिता बम प्रहरी नियन्त्रणमा।
— सन्नी खुनाको अन्त्यष्टि।
— निर्मला पन्त र सन्नी खुनाको परिवारलाई राहतस्वरुप १०÷१० लाख दिने सरकारको घोषणा ।
— प्रहरीले चलाएको गोली लागेर घाइते भएका सुरेश प्रकाश चटौत र उमेश देउवालाई कोहलपुर रेफर।
— न्यायका लागि काठमाडाँैमा प्रदर्शन।
— एसपी डिल्लीराज बिष्ट निलम्वित।
— डिएसपी ज्ञानबहादुर सेटी र प्रहरी उपरिक्षक एकेन्द्र खड्का प्रहरी मुख्यालयमा फिर्ता।

भदौ १०
— बिहान १० बजेदेखि महेन्द्रनगरमा कफ्र्यु जारी।

भदौ ११
— बेलुका ६ बजेदेखि बिहान ५ बजेसम्म फेरी कफ्र्यु जारी।
— सम्पादकहरुसँगको भेटमा प्रधानमन्त्रीको अपराधी पत्ता लगाउने प्रतिवद्धता।
— ‘निर्मलाका निम्ति न्याय’का लागि काठमाडौँको माइतीघरमा लाइभ कार्टुन र पेन्टिङ प्रदर्शनी।

भदौँ १२
— डिएसपी कृष्णराज ओझाको नेतृत्व छानबिन समिति गठन ।
— महेन्द्रनगरमा पुनः कर्फ्यु आदेस जारी ।
— दिलिपसिंह विष्टलाई स्वास्थ्य परीक्षणका लागि काठमाडाँै लगियो।

भदौ १५
— निर्मलाका सहपाठीद्वारा वास्तविक हतयाराको पहिचानको माग गर्दै प्रधानमन्त्रीलाई खुला पत्र।
— खानेपानी मन्त्री बिना मगरद्वारा निर्मला र आन्दोलनमा मृत्यु भएका सन्नीका घर–परिवारसँग भेट।

भदौ २१
— प्रहरी महानिरीक्षक सर्वेन्द्र खनाल निर्मलाको घरमा।
— अनुसन्धानमा व्यापक त्रुटी भएको मानव अधिकार आयोगको निष्कर्ष।
— प्रधानमन्त्री केपी शर्मा ओलीले नेपाल टेलिभिजनसँगको अन्तर्वार्ताका क्रममा निर्मलाको शव पोष्टमार्टमपछि अन्तिम दाहसंस्कारका लागि घाट लैजाने क्रममा भीमदत्त नगरपालिकाका मेयर सुरेन्द्र विष्टको घरको आँगनमा राखिएको, उच्चस्तरीय छानविन समितिलाई अनुसन्धानमा बाधा पुर्याएको लगायतका झुटो कुराहरु बोलेको भन्दै सर्वत्र बिरोध।

भदौ २२
— महानिरीक्षक खनालद्वारा घटनाको अनुसन्धान प्रक्रियामा प्रहरीको कमजोरी भएको स्वीकार।

भदौ २४
— दिलिपसिंह विष्टलाई ४ दिन थुनामा राख्न म्याद थप।

भदौ २५
— हरिप्रसाल मैनाली नेतृत्वको उच्च स्तरीय छानविन टोलीका सदस्य वीरेन्द्रबहादुर केसीले सुरक्षाको कारण देखाउँदै समितिबाट राजीनामा।

भदौ २६
— दिलिपसिंह बिष्टको डिएनए म्याच नखाएपछि रिहाइ
— बम दिदिबहिनी पनि साधारण तारिखमा छुटे।

भदौ २७
— निर्मलाका आमाबुबा न्यायको लागि काठमाडौँ गए।
— उच्चस्तरीय छानबिन समितिबाट राजीनामा दिएका केसी पुनः समिति मै फिर्ता ।
— झुटो’अनुसन्धान गर्ने प्रहरी अधिकारीलाई कारबाहीको तयारी।
— न्यायको माग गर्दै महेन्द्रनगरमा आमा समूह फेरि आन्दोलित, कालो साडी लगाएर कालो तीज ।
भदौँ २८
— निर्मलाका आमाबुबा र अधिकारकर्मीको पत्रकार सम्मेलन।
— नेपाली कांग्रेसद्धारा वास्तविक हत्यारा पक्राउको माग गर्दै संसद बैठक अवरुद्ध।
— निलम्बित एसपी डिल्लीराज विष्टसहित उनका छोरा किरण तथा भीमदत्त नगरपालिकाका नगरप्रमुख सुरेन्द्र विष्टका भतिज आयुष विष्टको डीएनए परीक्षण सुरु।
— न्याय माग्दै थाली, चम्चा, मोटर साइकल, अटो र साइकलको हर्न बजाएर महेन्द्रनगरमा प्रदर्शन।

भदौ २९
— सदनमा सांसदद्वारा सरकारको आलोचना।
— निर्मला हत्याकाण्डको अनुसन्धान अन्तिम चरणमा रहेको गृहमन्त्री थापाद्वारा सदनलाई जानकारी।

भदौ ३०
—डिएसपी ज्ञानबहादुर सेटी, अंगुर जिसी, प्रहरी निरीक्षक जगदीश भट्ट, एकेन्द्र खड्का,र प्रहरी सहायक निरीक्षक रमासिंह धामी निलम्वन।
— निर्मलाका निम्ति न्याय माग्दै देशैभर प्रदर्शन।
— नेवि संघद्वारा महेन्द्रनगरमा प्रदर्शन र कञ्चनपुर बन्द।

भदौ ३१

— डीआइजी धिरु बस्नेतको संयोजकत्वमा शक्तिशाली छानबिन समिति गठन।
— निर्मलाका लागि न्याय माग्दै झलारी, धनगढीसहित बैतडीमा पनि प्रर्दशन।
— झलारीमा देउडा खेल खेल्दै वास्तविक हत्यारा सार्वजनिकको माग।

असोज १
— निर्मलाका आमाबुबाद्वारा प्रधानमन्त्रीसँग भेट ।
— हत्याराले कुनै पनि हालतमा उन्मुक्ति नपाउने प्रधानमन्त्रीको आश्वासन।

असोज २
— पीडित तथा स्थानीयसँग समन्वय गरि अनुसन्धान प्रभावकारी बनाउनको लागि प्रहरी मुख्यालयले एसपी दुर्गा सिंह (चन्द) लाई महेन्द्रनगर खटायो।
— निर्मलाका आमाबुवा काठमाडाँैबाट कञ्चनपुर फिर्ता।
— नेपाली काँग्रेस कञ्चनपुरद्वारा निर्मलाको हत्यारालाई छिटो कानुनी कारबाहीको दायरामा ल्याउनु पर्ने मागका साथ प्रधानमन्त्रीलाई ज्ञापन पत्र।

असोज ३
— संविधान दिवसका अवसरमा देशभर बिभिन्न कार्यक्रम गरिए पनि कञ्चनपुरमा भने निर्मलाको न्यायको लागि बिभिन्न छलफल, सडक नाटक गरिए।

असोज ७
— नेपाल महिला संघद्धारा कञ्चनपुर लगायत ७७ वटै जिल्लामा प्रदर्शन तथा प्रधानमन्त्रीलाई ज्ञापन पत्र।

आफूले वारेस बनेर जिम्मा लिएको मुद्दा हारेपछि उनले अाइतबार साँझ इजलास अधिकृत रोशन बस्नेतमाथि आक्रमण गर्दै अदालतमा तोडफोड गरेका हुन्। घटना लगत्तै प्रहरीले उनलाई पक्राउ गरेको छ।

उच्च अदालत पाटनका रजिष्ट्रार बाबुराम दाहालका अनुसार नुरप्रसादले ललितपुरकी विन्दु घतानीकाे घरजग्गासम्बन्धी मुद्दा जिम्मा लिँदै अाएका थिए। ललितपुर जिल्ला अदालतबाट मुद्दा हारेपछि उनी उच्च अदालत पाटन अाएका थिए। तर उक्त मुद्दामा न्यायाधीशद्वय रमेश खरेल र शेखरप्रसाद पौडेलको इजलाशले जिल्लाकै फैसला सदर गरिदिएपछि उनी आक्रमणमा उत्रिएका हुन्।

‘मुद्दा हारेपछि नुरप्रसादले हिजो साँझ पौने ५ बजेतिर इजलास अधिकृतमाथि कुर्सी प्रहार गरेका हुन्, उनले छलेपछि कुर्सी झ्यालमा ठोक्किएर सिसा फुटेका छन्,’ रजिष्ट्रार दाहालले नेपालखबरसँग भने, ‘मेरो टार्गेट न्यायाधीशमाथि नै थियो तर, उनीहरूलाई नभेटेकाले इजलास अधिकृतलाई नै हानेको हुँ भन्दै थियो।’

उनकाे आक्रमणबाट इजलास अधिकृत रोशन बस्नेतको हातमा सानो चोट लागेको छ। यदि कुर्सीले लागेको भए बस्नेत गम्भीर घाइते हुने अवस्था रहेको रजिष्ट्रार दाहालले बताए। संयोगवश उनले कुर्सी छल्न भ्याएकाले ठूलो दुर्घटना हुनबबाट बचेको हाे।

साथै नुरप्रसादले अदालतका कम्प्युटर, दराजलगायतका सामान पनि तोडफोड गरेका छन्। ‘ऊ जहिले ठूला कुरा मात्र गरिरहन्थ्यो,’ दाहालले भने, ‘सायद उसले जिम्मा लिएको मुद्दामा केही आश्वासन दिएकाे हुँदो हो, त्यो पूरा नभएपछि आक्रमणमा उत्रियो।’

घटनालगत्तै नुरप्रसादसहित मुद्दाकी वादी विन्दु घतानीलाई पनि प्रहरीले पक्राउ गरेकाे छ। अहिले उनीहरु जावलाखेल प्रहरीकाे नियन्त्रणमा छन्।

माअाेवादी विद्राेहका बेला मारिएका गाेरखा फुजेलका कृष्णप्रसाद अधिकारीका हत्यारालाई कारबाही माग गर्दै अामा गंगामाया अनशनरत छिन् भने बुवा नन्दप्रसादको अनशनकै क्रममा मृत्यु भइसकेको छ।

राष्ट्रसंघ महासभामा भेट हुनेबाहेक भियतनामका प्रधानमन्त्री हुन सेन, क्यानाडाका प्रधानमन्त्री जस्टिन थ्रडेउ, बेलायतकी प्रधानमन्त्री थेरेसा मे र स्वीट्जरल्याण्डका राष्ट्रपति अलेन बर्सेटसँग भेटवार्ता गर्नेछन्।

त्यसबाहेक ओलीले संयुक्त राष्ट्रसंघको महासभा उद्घाटनकै दिन बुधबार (९ असोज) मा राष्ट्रसंघका महासचिव न्टोनियो गुटेरेस र अमेरिकी राष्ट्रपति डोनाल्ड ट्रम्पसँग भेट गर्नेछन्।

महासचिव गुटरेससँग महासभाकै क्रममा ११ असोजमा भेटघाट हुन लागेको हो भने राष्ट्रपति ट्रम्पसँग भोलि साँझ उनले आयोजना गर्ने रात्रिभोजका क्रममा भेट हुन लागेको हो।

नेपाली प्रतिनिधि मण्डलमा प्रधानमन्त्री पत्नी राधिका शाक्य, परराष्ट्रमन्त्री प्रदीप ज्ञवाली, प्रधानमन्त्रीका प्रमुख सल्लाहकार बिष्णु रिमाल, परराष्ट्र सचिव शंकरदास बैरागी र नेपाल सरकारका अन्य बरिष्ठ अधिकारी छन्। लगायत छन्।

न्यूयोर्कस्थित नेपालको राष्ट्रसंघीय स्थायी नियोगले जनाए अनुसार, न्यूयोर्क पुगेको प्रतिनिधि मण्डललाई वासिङटन डिसीस्थित नेपाली राजदूत डा अर्जुन कार्की र न्यूयोर्कस्थित नेपाली नियोग उपप्रमुख निर्मलराज काफ्लेले स्वागत गरेका थिए।

भोलि (९ असोज) देखि सुरु हुने संयुक्त राष्ट्रसंघको महासभामा प्रधानमन्त्री ओलीले ११ असोजमा नेपालको तर्फबाट सम्बोधन गर्ने कार्यक्रम छ।

भोलि नै प्रधानमन्त्री ओली स्व नेल्सन मण्डेलाको १०० औँ जन्मदिनको स्मृतिमा हुने कार्यक्रममा सहभागी हुनेछन्। त्यहाँ उनले सम्बोधन गर्ने कार्यक्रमपनि छ। भोलि बेलुकी अमेरिकी राष्ट्रपति डोनाल्ड ट्रम्पले दिने रात्रिभोजमा पनि ओली सहभागी हुनेछन्।

सिँह दरवारस्थित उर्जा मन्त्रालयमा पत्रकार सम्मेलन आयोजना गर्दै उर्जामन्त्री बर्षमान पुनले यो कुरा बताएका हुन्।

पुष्पकमल दाहाल (प्रचण्ड) को प्रधानमन्त्रीत्वकालको अन्तिमताका यो योजना गेजुवालाई दिने सम्झौता भएको थियो।

तर, प्रचण्डपछि प्रधानमन्त्री बनेका शेरबहादुर देउवा नेतृत्वको सरकारले सो सम्झौता खारेज गर्दै आफै बनाउने निर्णय गरेको थियो।

देउवा पछि बनेको नेकपा नेतृत्वको सरकारले पनि यो परियोजना आफै बनाउने निर्णय गरेपछि चिनिया पक्षले असन्तुष्टि जनाएको थियो।

त्यसपछि सरकारले बुढी गण्डकी परियोजना निर्माणको जिम्मा चिनिया गेजुवा कम्पनीलाई नै दिने निर्णय गरेको हो।