धनगढी उपमहानगरपालिकाका मेयर नृप बहादुर वडलाई पक्राउ गरिनुपर्ने भन्दै प्रदेश ७ का २० जना सांसदले जिल्ला प्रशासन कार्यालयमा उजुरी दिएका छन् । उनीहरुले बिहीबार जिल्ला प्रशासन कार्यालय कैलालीमा वडलाई कारबाही गर्न माग गर्दै संयुक्त उजुरी दिएका हुन् । बुधबार प्रदेशसभा अगाडि आन्दोलनलाई सम्बोधन गर्दै दिएको अभिव्यक्तिलाई लिएर मृद्धा दर्ता भएको हो ।

प्रदेशको राजधानी र नाम सिफारिस गर्न बनेको समितिले गोदावरीमा राजधानी बनाउन सिफारिस गरेपछि भएको विरोधमा प्रमुख वडले सांसदहरुलाई २४ घन्टामा धनगढी छोड्न निर्देशन दिनुभएको थियो । बुधबार भएको प्रदर्शनमा वडले धनगढीबाट राजधानी सारिए संसद भवनमा आगो लगाउने, सांसदले २४ घण्टाभित्र धनगढी छोडनुपर्ने र सांसदलाई नै जलाउने विवादास्पद अभिव्यक्ति दिनुभएको थियो ।

उनीहरुले मेयरको अभिव्यक्तिपछि आफूहरुको ज्यान जोखिममा परेको, अप्रिय घटना हुनसक्ने, शान्तिसुरक्षामा खलल पुग्ने भएकाले वडलाई तत्काल पक्राउ गरी कारबाही प्रक्रिया अगाडि बढाउन भन्दै माग गरेका छन् । कोही पनि व्यक्ति संविधानभन्दा माथि नहुने उनीहरुको भनाई छ । राजनैतिक विचार र असहमति राख्न सक्ने भए पनि संसद भवनमा नै आगो लगाउने जस्ता आपराधिक शब्द बोल्नुका साथै यो क्षेत्रमा दंगा फैलाउने खाले अभिव्यक्ति दिएकाले तत्काल कारबाहीको माग गरेको सांसदहरुले बताएका छन् ।

अर्घाखाँचीमा ट्याक्टर दुर्घटना हुँदा एकको मृत्यु भएको छ । भुमिकास्थान नगरपालिकामा लु ४ त १२२ नम्बरको ट्याक्टर दुर्घटना हुँदा एक जनाको ज्यान गएको हो । दुर्घटनाबाट भुमिकास्थान नगरपालिका वडा नं ४ धारापानी बस्ने २१ बर्षीय हुमा भुसालको मृत्यु भएको जिल्ला प्रहरी कार्यालयले जानकारी दिएको छ ।

खेत जोत्न जान लागेको ट्याक्टर ओरालो बाटोको भीत्तामा ठोक्किदा दुर्घटना भएको हो । ट्याक्टरमा चालक र भुसाल सँगै भएको र दुर्घटना पछि घाईते भएका भुसालको जिल्ला अस्पताल सन्धिखर्क र्पुयाउने क्रममा मृत्यु भएको प्रहरीले जनाएको छ । चालकलाई सामान्य चोटपटक लागेको र उनलाई प्रहरीले नियन्त्रणमा लिइ अनुसन्धान गरिरहेको धारापानी प्रहरी चौकीका ईन्चार्ज सूर्य बिकले बताए ।

जन ज्योति आधारभुत विद्यालय विरपुरमा अवाकसबाट सिद्धान्तको सिकाई वा प्रयोगद्धारा कक्षा सञ्चालन प्रभावकारि बन्दै गएको छ । यस विद्यालयमा अध्ययनरत कक्षा ३ देखि ५ सम्मका १ सय १ जना विद्यार्थिहरुका लागि अवाकसबाट सिद्धान्तको सिकाई वा प्रयोगद्धारा कक्षा सञ्चालन गरिएको विद्यालयले जनाएको छ । यस प्रकारको सिकाईबाट छात्र छात्राहरुले सहज रुपमा छिटो बुझ्न सक्ने शक्ति प्राप्त गरेको र गणितिय आधारभुत सिपहरु सजिलो तरिकाले सिक्न र बुझ्न सक्ने भएको जनज्योति आधारभुत विद्यालयका प्रधानाध्यापक रविलाल घिमिरेले बताएका छन् ।

त्यस्तै विद्यालयका ३ जना विज्ञान गणित कम्प्युटर पढाउँने शिक्षकहरुलई हप्ताको मंगलवर र वुधवार तालिम दिइएको छ । अवाकसबाट सिद्धान्तको सिकाई सम्बन्धि तालिमको सिकाई यहि भाद्र १५ देखि सुरु गरिएको वार्षिक रुपमा सञ्चालन हुने ३ वटा कोर्षको लागत रु १ हजार ६ सय लाग्छ । उक्त रकम विद्यालय व्यहोर्ने प्रधानाध्यापक घिमिरले बताए । छात्रछात्राहरले अवाकसको सिद्धान्तबाट बुझ्न सजिलो भएको बताएका छन् ।

यस सिकाईले गण्नितिय माध्यमलाई सिक्न र बुझ्न विद्यार्थिहरु बताउँछन् । सो कक्षा एभरेष्ट एजुकेशन एण्ड होलिडेज संस्था चार नम्बर जितपुरको प्राविधिक सहयोग, जनज्योति आधारभुत विद्यालय विरपुर र बूद्धभुमि नगरपालिकाको आर्थिक सहयोगमा सञ्चालन गरिएको विद्यालयले जनाएको छ ।

कपिलवस्तुको बुद्धभुमी नगरपालिका वडा नं ७ र ८ लाई एक समारोहका विच पुर्ण साक्षर वडा घोषणा गरिएको छ । साविकका हरिहरपुर र मानपुर गाविसहरुमा १५ देखी ६० वर्ष उमेर समुहका ९५ प्रतिशत भन्दा बढि नागरिकहरु साक्षर भएकोले वडालाई साक्षर घोषणा गरिएको हो । वडा नं ७ का वडा अध्यक्ष कपिलवदेव तिवारीले वडामा रहेका १ हजार ४ सय ९२ जना निरक्षर नागरिक मध्ये साक्षरता कक्षा संचालन गरेपछि १ हजार ४ सय ९२ जना साक्षर भएकोले वडालाई साक्षर घोषणा गरिएको बताए । त्यस्तै वडा नं ८ का अध्यक्ष राजेश्वर सिंहले जना ५ सय २ निरक्षर नागरिकको तथ्यांक आएकोमा साक्षर कक्षा संचालन गरेपछि जना ४ सय ८१ जना साक्षर भएकोले वडालाई साक्षर घोषणा गरिएको बताए ।

कार्यक्रममा वोल्दै बुद्धभुमी नगरपालिकाका नगर प्रमुख केशव कुमार श्रेष्ठले नगरपालिकाका १० वटै वडा साक्षर घोषणा भएको बताए । नगरपालिकालाई औपचारिक रुपमा यहि असोज २० गते साक्षर नगर घोषणा गरिने बताए । यो सगै नगरपालिकामा पुर्ण भर्ना र ४ वटा वडा वालविवाह मुत्त वडा भैसकेकोले विस्तारै अरु वडालाई घोषणा गरिने बताए र छिटौ वालमैत्री नगर घोषणा गर्नको लागी सूचकहरु पार गदै गएको बताए ।

नगर पालिकाले भौतिथ विकासका साथै सामाजिक विकास र परिवर्तनको लागी संग सगै लिएर जाने समेत उनले बताए । साक्षर कक्षा संचालनको लागी राजपुर सिएलसीले जिम्वेवारी लिई समुदायमा साक्षरताका कक्षाहरु सचालन गरेको थियो । नगरपालिकाका प्रमुख प्रशासकिय अधिकृत मेघनाथ पाध्याले नगरलाई विकास र सामाजिक र शैक्षिक परिवर्तन गर्नको लागी क्रमस साक्षर, पुर्ण भर्ना, खोप, वातावरणमैत्री तथा वालमैत्री नगर वनाउने बताए ।

कार्यक्रमा सामाजिक विकास अधिकृत हिमलाल विक, विद्यालय निरिक्षक खिमबहादुर जिसी, स्रोत व्यात्ति खेमराज पौडेल वडा अध्यक्ष नन्दलाल यादव, भेषराज खनाल, खुमान्नद न्यौपाने, त्रिलोकी खरविन्द, गोविन्द्र आर्चाय, सनसाइन सामाजि विकास केन्द्रका अध्यक्ष तुलसीराम यादव राजपुर सिएलसीकी शान्ती शाही, वडा सतिव नरहरी खनाल, नारायण खनाल शिक्षक गोकर्ण पोख्रेल लगायतले शुभकामना दिएका थिए ।

हिन्दु नेपालीहरुको महान् चाड पर्वमा नेपाल भारत सिमा क्षेत्र चाकरचौडा अलीगढ़वामा यात्रुहरुलाई पर्ने समस्यालाई मध्यनजर गरी आज नागरिक सहायता कक्ष सञ्चालन गरिएको छ । यात्रुहरुले यात्राका क्रममा कुनै समस्या भोग्न नपरोस् र समस्या भएमा समाधानका लागि सम्पर्क गर्न अनुरोध गर्दै सहायता कक्ष स्थापना गरिएको हो ।

विजयादशमी, दिपावली र छठ पर्वको शुभकामनासँगै यात्रा गर्दा यात्रुहरुमा पर्ने असुविधाहरु समाधान गर्नु नागरिक साहेता कक्षको मुख्य उदेश्य रहेको छ । लुटपाट, दोहोरो टिकट, सामान हराउने समस्या र स्टापहरुको व्यवहार चित्त नबुझ्दो भएमा तत्काल सहायता कक्षले सहयोग गर्ने छ । यात्राका क्रममा यस्ता कुनै समस्या परेमा सम्पर्क गर्न आग्रह गरिएको छ । इलाका प्रहरी कार्यालय पकडीका प्रमुख प्रहरी निरिक्षक सन्तोष कुमार पोखरेलले यात्राका क्रममा कुनैपनि अवाञ्छित गतिविधि भएको पाइएमा तत्काल सम्पर्क गर्न आग्रह गर्नुभएको छ । चाकरचौडाको सिमा क्षेत्र र बसपार्कमा विभिन्न स्थानमा नागरिक सहायता कक्ष सञ्चालन गरिएको पोखरेलले जानकारी दिनुभयो ।

कुनैपनि प्रकारको समस्या यात्रुहरुले देखेमा वा भोगेमा तत्काल जिल्ला प्रहरी कार्यलय कपिलवस्तुको कन्ट्रोल नम्बर १०० इलाका प्रहरी कार्यालय पकडी संचारको ९८५७०९०२७३ र कार्यलय प्रमुखको ९८५७०९०४३३ मा फोन गरेर सूचना दिन इलाका प्रहरी प्रमुख पोखरेलले आग्रह गरेका छन् । सूचना पाए लगतै त्यहाँ पुगेर तत्काल कारवाही हुने उहाँले जानकारी दिनुभएको छ । चालकलाई सचेतना मुलक पर्चा वितरण तथा चाडपर्वको समयमा सवारी दुर्घटना हुन सक्ने भएकाले चालकहरुलाई सचेत गराइएको छ ।

विश्व पर्यटन दिवसको अवसरमा व्यापार संघ कपिलवस्तुको आयोजनामा रक्तदान कार्यक्रम सम्पन्न भएको छ । जिल्लाको चन्द्रौटामा भएको कार्यक्रममा १ सय जनाले रक्तदान गरेका छन् । विगतका वर्षहरु जस्तै रक्तदान जीवनदान भन्ने नारा सहित व्यापार संघ कपिलवस्तुले पर्यटन दिवसको अवसरमा सो आयोजना गर्ने गरेको संघका अध्यक्ष महादेव पोख्रेलले वताए ।
कार्यक्रममा प्रदेश सभा सदस्य अर्जुन केसीले एक थोपा रगतले गर्दा कसैको ज्यान वच्ने भएकोले रक्तदान कार्यक्रमको प्रसंशा गरे । पर्यटन दिवसको अवशर पारेर कार्यक्रम आयोजना गरेकोमा सांसद केसीले व्यापार संघलाई धन्यवाद दिए । कपिलवस्तु पर्यटनको खानी रहेको भन्दै पश्चिमि क्षेत्रमा रहेका पर्यटकिय स्थलहरुको उत्खनन् कार्य छिटै हुने भएको हुदाँ पर्यटकहरुको आगमनमा सम्भावना क्षेत्र रहेको वताए । पर्यटन क्षेत्रले समृद्धी तर्फ लैजाने भन्दै चन्द्रौटालाई पर्यटनको हव बनाउने उद्धघोष गरे ।

सोनवागढ,शिवगढी, रमुवादह क्षेत्र ऐतिहासीक क्षेत्र रहेकोले सवैले आ आफ्नो क्षेत्रवाट सहयोग गर्नुपर्ने वताए । शिवगढी जिल्लाकै एक धरोहर रहेकोले त्यहा पुराना संरचना देखा परेकाहुदा दशै पछि पुरातत्व विभागले उत्खन्न गरिने जनाए । पर्यटनवाट समृद्ध हुनेमा जोड दिदै प्रदेशका विभिन्न मन्त्रालयमा छलफल गरेको केसीले वताए ।

रक्तादान कार्यक्रममा वोल्दै शिवराज नगरपालिकाका नगरप्रमुख नेत्रराज अधिकारीले भने रक्तदानले गर्दा सवैमा भाइचारको सम्वन्ध स्थापित हुनेमा जोड दिए । विभिन्न वाहानामा विभेद भएको भन्दै रक्तदानले त्यसलाई निराकरण गर्ने जनाए । रगतको आवश्यकता परेको समयमा हिन्दु, मस्लीम, शत्रु, मित्र केहि नभनिने भएकोले रक्तदानले समाजमा सदभाव कायम हुने जिकिर गरे । रक्तदान गरेर पुण्य कमाएकाहरुलाई मेयर अधिकारीले धन्यवाद दिए । अधिकारीले शिवराज नगरपालिका भित्रका पर्यटकीय स्थलहरुको प्रचार प्रसार गरि विश्व सामु चिनाउनुपर्ने वताए । नगरपालिकाले यस वर्ष पर्यटकिय स्थलको वृतचित्र निमार्ण गरि प्रचार प्रसार गर्ने अधिकारीले वताए ।

मानव अधिकार प्रतिष्ठान कपिलवस्तुका सभापती विष्णुप्रसाद खतिवडाले व्यापार संघ कपिलवस्तुका व्यापारीकोहरु हक अधिकारको लागी काम गर्ने सस्था भएतापनि सामाजिक क्षेत्रमा ठुलो योगदान गरेको वताए । रगतको अभावका कारण कैँयौ मानिसहरुको ज्यान गएको भन्दै समाजिक सस्थाहरुले रक्तदान कार्यकम आयोजना गर्नुपर्ने धारणा राखे । औपचारीक कार्यक्रम समापन गर्दै व्यापर संघ कपिलवस्तुका अध्यक्ष महादेव पोख्रेलले पर्यटनको विकास विना कुनै पनि विकास नहुने वताए । पर्यटकीय स्थलको प्रवद्धन गर्ने उद्देश्यले नै पर्यटन दिवशको अवशरमा रक्तदान कार्यक्रम गरिएको अध्यक्षको पोख्रलेको भनाई छ ।

बाणगंगा नगरपालिकाको आयोजनामा नगरपालिकाले ओदारी बजारको अनुगमन गरेको छ । बाणगंगा नगरपालिका नगरपालिका वडा नः ११ मा रहेको ओदारी बजारमा सञ्चारमा रहेको ब्यवसायीक पसलहरुको नगरपालिकाको आयोजनामा बजार अनुगमन गरिएकोे हो । ओदारी बजारमा रहेका करिव एक सय बढि पसलहरु मध्य कुनै पनि मासुपसल ब्यवस्थित रुपमा सञ्चालन नगरेको पाउनुका साथै अधिकाशं पसलहरुमा मुल्यसुची नराखेको पाइएको बाणगंगा नगरपालिकाका कार्यकारी अधिकृत तुल्सीराम मरासिनीले जानकारी दिए । अब्यवस्थित रुपमा सञ्चालनमा रहेका मासु पसलमा खुल्ला ठाउमा मासु राखी बेच्न नपाइने, डिजिटल काटाको प्रयोग गर्नुपर्ने, अनीवार्य रुपमा मुल्यसुची राख्नु पर्ने सो क्रममा अनुगमन पछि निर्देशन दिइएको बाणगंगा नगरपालिकाका उपमेयर चक्र अर्यालले बताए । सात दिन भित्र पसल ब्यवस्थित गर्न नसके नगरपालिकाले पसलनै उठाउनेसम्मको कारबाही गर्ने उनले बताए । ओदारी बजार क्षेत्रभित्र रहेको ७ मासु पसलमा बिशेष निगरानी गर्नुका साथै अव नगरपालिका भित्र रहेको होटल, मिठाइ पसल र मासु पसलमा छड्के अनुगमन गर्ने तयारी रहेको बाणगंगा नगरपालिकाका मेयर मगंल प्रसाद थारुले जानकारी दिएका छन । चाडपर्व नजिकिएसगै उपभोतmा नठग्गीउन भन्नका लागी अनुगमन गरिएको उनले बताए ।

हरेक पसललाई नगरपालिकामा दर्ता गरी ब्यवसाय सञ्चालन गर्न, मुल्यसुची राख्न, ब्यवसायीक पसलको बोर्ड राख्न, डिजिटल काटाको प्रयोग गर्न, मिठाई पसल तथा होटेलहरुले छुट्टै कोठामा भान्साको प्रयोग गरी सफा राख्नु अनुरोध गरिएको बाणगंगा नगरपालिकाका प्रवतmा बिष्णु पौडेलले बताए । बिकासमा तिव्रता लिएको ओदारी बजारलाई ब्यवस्थित बनाउन वडाले बिशेष पहल गर्ने बताउदै स्वच्छ प्रतिस्पर्धा गरि ब्यवसाय गर्न वडा नः ११ का वडा अध्यक्ष सोमनाथ अर्यालले बताए । अनुगमनमा बाणगंगा प्रशासनका प्रमुख बिक्रम शर्मा, बाणगंगा नगरपालिका पशु सेवाका प्रमुख रुप नारायण श्रेष्ठ पत्रकार अशोक पौडेल लगायतको अनुगमन सहभागिता रहेको थियो ।

पाँच महिनाको अवधिमा साढे १४ सय बलात्कार तथा बलाकारजन्य घटना भएको पाइएको छ । बलात्कारपछि हत्या गरिएका निर्मला पन्तको हत्यारा पक्राउ नपरेको भन्दै सरकारको आलोचना भइरहेका बेला सरकारले नै बलात्कारका घटना बढेको तथ्यांक सार्वननिक गरेको हो ।महिला तथा सामाजिक समितिको बिहीबारको बैठकमा गृहसचिव प्रेमकुमार राईले बलत्कारका घटना बढेको स्वीकार गरे । उनले भने, ‘वैशाखदेखि भदौसम्मको अवधिमा ९०० बलात्कार र ५३६ जबरजस्ती करणी उद्योगका घटना भएका छन् ।’अघिल्ला वर्षहरुको तुलनामा १० प्रतिशत बलात्कार घटना बढेको उनले जानकारी दिए ।

महिला मन्त्रालयको अर्कै तथ्यांक 

समितिको बैठकमा महिला बालबालिका तथा जेष्ठ नागरिक मन्त्रालयले भने फरक तथ्यांक प्रस्तुत गरेको छ । मन्त्री थममाया थापा मगरले नेपाल प्रहरीबाट प्राप्त भन्दै प्रस्तुत गरेको तथ्यांकमा भने बलात्कार घटना केही कम देखाइएको छ । ७१० बलात्कार र ३९१ जबरजस्ती करणी उद्योगका घटना भएको उनले बताइन् ।

रुपन्देहीको तिलोत्तमा नगरपालिका स्थित संकरनगर चोकमा ट्रकले मोटरसाइकललाई ठक्कर दिदा मोटरसाइकलमा सवार बर्ष २० कि बुटवल उपमहानगरपालिका-११ कालिकानगर बस्ने अनु श्रेस्ठको मृत्यु भएको छ भने मोटरसाइकल चालक पुष्कर शाहि गम्भिर घाइते भएका छन |घाइते शाहिको लुम्बिनी अन्चल अस्पतालमा उपचार भैरहेको प्रहरिको भनाइ छ ।

पोखरा २२, पुम्दीभुम्दीकी १० वर्षीया बालिका श्रेया सुनारको बलात्कारको प्रयासमा हत्या भएको खुलेको छ । जिल्ला प्रहरी कार्यालय कास्कीले बुधबार पत्रकार सम्मेलन गरी बालिका हत्या गर्ने २७ वर्षीय कुसुम पौडललाई सार्वजनिक गर्दै पौडेलले बलात्कारको प्रयास गर्दा बालिकाको ज्यान गएको जानकारी दिएको हो । अघिल्लो दिनदेखि नै साथीहरुसँग मिलेर जाँडरक्सी खाएर बसेका कुसुमले मंगलबार साँझ साढे ५ बजेतिर बिस्कुट किन्न पसल गएकी श्रेयालाई चकलेट खाउ भनी ५ रुपैयाँ दिएको र फेरि अलि तल पुगेपछि १० रुपैयाँ दिन्छु भनि बोलाएर जबर्जस्तीको प्रयास गरेका थिए ।

जबजस्ती गर्न खोज्दा बालिकाले प्रतिकार गर्दै चिच्याउन थालेपछि झाडीमा धकेलेर दुवै हातले घाँटी थिचेको पौडेलले बयान दिएको प्रहरीले जनाएको छ ।  बालिका बेहोस भएपछि ढुंगाले अनुहार र टाउकोमा हानेर हत्या गरेको पनि प्रहरी अनुसन्धानबाट खुलेको छ । कास्की प्रहरीले घटनाको २४ घण्टाभित्रै सोमबार राति साढे ८ बजेतिर पौडेललाई पक्राउ गरेको थियो । पक्राउ परेका उनलाई कानुन अनुसार कार्बाही हुने कास्की प्रहरी प्रमुख एसपी ओम रानाले बताउनुभयो । सोमबार साँझ ६ बजे घरदेखि ५ मिनेटको दूरीमा पर्ने पसलमा ५ रुपैयाँ बोकेर बिस्कुट लिन गएकी श्रेया मंगलबार बिहान ८ बजे घर र पसलबीचको कोदीको झाडीमा मृत भेटिएकी थिईन् । बालिकाको शव रगताम्मे अवस्थामा भेटिएपछि प्रहरीले हत्याराको खोजी गर्न तालिम प्राप्त कुकुर परिचालन गरेकोमा कुकुर शव भेटिएको एक सय मिटर पर पुगेर अल्मलिएको थियो ।

त्यसैले प्रहरीले छिमेकी नै संलग्न भएको निचोडमा पुगेर खोजी तीव्र पारेको थियो । घटनास्थलबाट श्रेयाको मामाघर २ मिनेट जति र अभियुक्त पौडेलको घर ५ मिनेट दुरीमा पर्दछ । मामाघर नै बसेर स्थानीय लीला आधारभूत माविमा ३ कक्षामा पढ्ने श्रेया मंगलबार स्कुलबाट आएपछि हजुरआमासँग ५ रुपैयाँ मागेर पसल गएकी थिईन् । टिभी हेरेर बस भनेर मामा र हजुरआमा घाँस काट्न गएपछि पसल हिँडेकी श्रेया घाँस काटेर घर आउँदा नदेखेपछि हजुरआमा, मामा लगायत छिमेकीले खोजी गरेका थिए ।

झाडीमा माथिको कपडा घाँटीसम्म सोहोरिएको, तल घुँडामुनि सुरुवाल झरेको अर्धनग्न अवस्थामा भेटिएकी श्रेयाको बलात्कारपछि नै हत्या भएको भन्दै स्थानीयले मंगलबार नै प्रहरीसमक्ष दोषीलाई कार्बाही गर्नुपर्ने तथा घटनामा संलग्नलाई ढाकछोप नगर्न अनुरोध गरेका थिए । कञ्चनपुरको जस्तो घटना दोहोरिने भन्दै शव पोखरा झार्न नदिएका स्थानीयले चिनेकै चिकित्सक समावेश गरी स्थानीयको रोहवरमा पोष्टमार्टम हुनुपर्ने शर्तमा पोखरा स्वास्थ्य विज्ञान प्रतिष्ठानमा शव ल्याउन दिएका थिए । चिकित्सकले बलात्कार भएको घटनास्थलमै स्थानीयलाई बताएका थिए । पोष्टमार्टम रिर्पोट भने आउन बाँकी नै छ । श्रेयाकी आमा बेली विक बिरामी छन् । लामो समय अस्पताल बसेकी बेली पूर्ण रुपमा स्वस्थ्य नहुँदै फेरि अर्को बज्रपात बेहोर्नु परेको छ ।

श्रेयाका आमाछोरीलाई छोडेर कान्छी श्रीमती भित्र्याएका श्रेयाका बाबुले उनीहरुलाई वास्ता गर्न छोडेको धेरै भइसकेको छ । श्रीमानको हेपाई सहन नसकेर बेलीले छोरी श्रेयालाई साथमै लिएर माइत बस्दै आएकी थिइन् । यसैबीच श्रेया सुनारको बलात्कारपछि हत्या भएको भन्दै स्थानीयले बृहत जुलुससहित विरोध जनाएका छन् । पुम्दीभुम्दीको कोदीबाट निस्किएको जुलुुुस जिल्ला प्रहरी कार्यालय कास्की आइपुगेको थियो । उनीहरुले हत्यारालाई कारबाहीको माग गरेका छन् भने महिला हिंसा अन्त्यका लागि दवावमुलक नाराबाजी गरेका छन् । साथै हत्यारा उम्कन नदिन स्थानीय बासिन्दाले दबाब समूह पनि गठन गरेका छन् । अपराधीलाई कानुनी कठघरामा ल्याउन दबाब दिन बालिकाका ठुलोबुबा मिनबहादुर बिकको संयोजकत्वमा २१ सदस्यीय शान्तिपूर्ण दबाब समूह गठन गरिएको हो । समूहमा स्थानीय आमा समूह, क्लब, टोलसुधार समितिका प्रतिनिधि रहेका छन् ।

प्रदेश नम्बर ५ लाई नै खुला दिशामुक्त बनाउने अभियानमा कपिलवस्तु बाधक बनेको छ । प्रदेश नम्बर ५ का १२ जिल्ला मध्ये कपिलवस्तु सरसफाईको दृष्टिले सबै भन्दा पछि रहेको तथ्यांकले देखाएको छ । एक दशक देखि जिल्लामा खुला दिशामुक्त बनाउने अभियान जारी छ । तर त्यसले अझै सम्म सार्थकता पाउन भने सकेको छैन ।
पछिल्लो पटक फेरी जिल्लालाई खुला दिशाुमक्त घोषणाका लागि मिति सरेको छ ।

जिल्लालाई खुला दिशामुक्त घोषणा गर्न गरिएको मिति सरेको स¥यैछ । समयमा काम पुरा हुन नसकेपछि ६ औं पटक मिति सारिएको छ । ०७१ देखि ०७४ चैत्र सम्म घोषणा गर्ने भन्दै सरोकारवालाले ५ पटक प्रतिबद्धता गरेका थिए । पटक पटक मिति सार्दै प्रतिबद्धता गर्दापनि जिल्ला खुला दिशामुक्त हुने अवस्था देखिएको छैन् । पछिल्लो पटक गत साता तौलिहवामा खुला दिशामुक्त घोषणा गर्न आयोजित सुक्ष्म कार्ययोजना तयारी कार्यशाला गोष्ठीमा सरोकारवालाले जिल्लालाई मंसिर मसान्त भित्र खुला दिशामुक्त गर्ने प्रतिबद्धता गरेका छन् । कार्यक्रममा सहभाग स्थानीय निकायका प्रमुख र उप प्रमुखहरुले मंसिर भिध जसरी पनि जिल्लालाई खुला दिशामुक्त बनाउने प्रतिबद्धता जनाएका हुन ।

‘३ महिना पनि समय छैन्’ जिल्ला समन्वय समितिका प्रमख तथा जिल्ला खानेपानी तथा सरसफाई स्वच्ता समन्वय समितिका अध्यक्ष नारायण खनालले भने, ‘शौचालयमा कमजोर पुर्वाधार रहेको कपिलवस्तु र कृष्णनगर नगरपालिकाको काम प्रभावकारी नहुदा फेरी पनि समस्या आउन सक्छ ।’ विषयमा संवेदनशिल नहुदा उक्त नगरपालिकाका जिम्मेवार व्यक्तीहरु बैठक, गोष्ठी र भेलामै आउदैनन्, त्यसकारण पनि समस्या भईरहेको छ उनले भने । जब सम्म उक्त नगरपालिकाले चासो दिदैनन्, तब सम्म जिल्लालाई खुला दिशामुक्त घोषणा गर्न निक्कै गाहैं छ उनले भने । सुरुमा सन् ०७१ सालमा सन् २०१५ भित्रै खुला दिशामुक्त बनाउने घोषणा गरिएको थियो । त्यसपछि सन् २०१६ भित्र, नभए पछि सन् २०१७ भित्र घोषणा गर्ने प्रतिबद्धता भएको थियो । त्यसपछि ०७४ चैत्र मसान्त भित्र र त्यो पनि हुन नसकेपछि ०७५ असार मसान्त भित्र घोषणा गर्ने योजना थियो । राष्ट्रिय खानेपानी तथा सरसफाई समन्वय समितिका सचिव दबेन्द्र कुमार झाले जिल्लालाई खुला दिशामुक्त बनाउने अभिभारा सबै सराकारवलाको रहेको बताए । उनले सबैले मिलेर जिल्लालाई चाडोभन्दा चाडो खुला दिशामुक्त बनाउनु पर्ने बताए । प्रमुख जिल्ला अधिकारि अर्जुन प्रसाद पोख्रेलले सुक्ष्म योजना बनाई अघि बढे जिल्ला खुला दिशामुक्त हुने बताए ।

यहाका १० स्थानीय तह मध्ये वाणगंगा र बुद्धभूमि नगरपालिका तथा विजयनगर गाउपालिका मात्र खुला दिशामुक्त बनेका छन् । ७ स्थानीय तह खुलादिशा मुक्त घोषणा हुन सकेका छैनन् । जिल्लाका ९२ हजार ७ सय ३३ घरधुरी मध्ये ९३ दशमलव १५ घरधुरीमा मात्र शौचालय बनेका छन् । ६ हजार ३ सय ६७ घर शौचालय विहिन छन् । कपिलवस्तु नगरपालिकाको वार्ड नं. १, २ र ३ खुलादिशा मुक्त हुन सकेका छैनन् । त्यस्तै वार्ड नं. ४, ५, ६ र ७ पनि हुन सकेका छैनन् ।महाराजगंज नगरपालिका वार्ड नं. २, ३ र ८ पनि हुन सकेका छैनन् । शिवराज नगरपालिका वार्ड नं. ६, ७ र ८ पनि भएका छैनन् । कृष्णनगर नगरपालिका वार्ड नं. १, २, ३ र ४ भएका छैनन् । त्यस्तै वार्ड नं. ७, ८, ९, १० र १२ पनि हुन सकेका छैनन् । यशोधरा गाउपालिका वार्ड नं. १ र ५ तथा मायादेवी गाउपालिका वार्ड नं. १ र ८ भएका छैनन् । शुद्धोदन गाउपालिका वार्ड नं. ३, ४ र ६ पनि भएका छैनन् ।

सबैभन्दा कमजोर अवस्था कृष्णनगर नगरपालिको छ । त्यहाका ९ वटा वार्ड अझै खुला दिशामुक्त हुन सकेको छैनन् । कपिलवस्तु नगरपालिकाकाका ७ वटा, महाराजगंज नगरपालिकाका ३ वटा र शिवराज नगरपालिकाको ३ वटा वार्ड खुला दिशामुक्त घोषणा भएका छैनन् । यस्तै यशोधरा र मायादेवीको २÷२ वटा वार्ड, मायादेवीको ३ वटा र शुद्धोदन गाउपालिकाका ३ वटा वार्ड खुला दिशामुक्त भएका छैनन् । सघन अभियान चलाएपनि पुर्व प्रतिबद्धता अनुसार जिल्ला खुला दिशामुक्त हुन नसक्दा समस्या भएको खानेपानी तथा सरसफाई डिभिजन कार्यालय निमित्त प्रमुख युद्धप्रसाद गुप्ताले बताए । महाराजगंज नगरपालिकाका प्रमुख प्रशासकीय अधिकृत डोलकराज ढकालले नगरपालिकालाई १ महिना भित्र खुला दिशामुक्त बनाउने गरि काम गरिरहेको बताए ।

कपिलवस्तुको बुद्धभुमी नगरपालिका– १० स्थित पिपरा हवामा जडान गरिएको आर्टिजन बोरिङले गर्दा पानीको मुहान सुकेर नलमा पानी आउन छाडेको बिषयमा ३ गाउका ५० बढी जनताहरु बुधवार प्रशासन कार्यालयमा डेलीगेस गएका छन । उनीहरुले सो आर्टिजन बोरिङले गर्दा दउपुरा, लाहरौला र पिपरहवामा रहेको नलहरु सुकेर पानी नआएको भन्दै पमुख जिल्ला अधिकारि अर्जुन प्रसाद पोख्रेललाई ज्ञापन पत्र समेत बुझाएका छन् ।

पिराहवामा रहेका केही ब्यक्तिको निहित स्वार्थ र सोनु ईटा भट्टा उद्योगलाई मात्र फाईदा पुग्ने गरी जडान गरिएको आर्टिजन बोरिङले गाउमा खानेपानीको हाहाकार भएको ८० बर्षे फुचन्द केवटले बताए ।

पोख्रेलले ज्ञापन पत्र बुझ्दै समस्या समाधानका लागि पहल गर्ने बताए । दाङमा रहेको भुमीगत सिंचाईले सो बोरिङ २ बर्ष अघि जडान गरेको थियो । त्यहा प्राबिधिकहरुलाई त्यस बारे जानकारी गराउने र समस्याको समाधान गरिने पोख्रेलले बताए । ४ सय मिटरमा तलका पानी तान्ने गरी बोरिङ जाडन गरिउको थियो । तर ढेड सय देखि चार सय मिटर भित्रको लेयरमा जाली लागईएकोले यस्तो समस्या आएको गाउँलेहरुले बताएका छन् ।

आउने शनिवार असोज १३ गते २० औ बिश्व मुटु रोग दिवसका अवसरमा कपिलवस्तुको तौलिहवामा सय बढी युवाहरुको सहभागीतमा साईकल र्याली निकालिने भएको छ । बेनी फेन्डस क्लव, पेडल क्लव र साईकल राईडर्सका कपिलवस्तुको संयुक्त आयोजनमा मुटुको रोग सहीत जिल्लाको पर्यटकीय विकासका लागि साईलक ¥याली निकालिने भएको हो ।

बेनी फेन्ड्स क्लवका आदिल खाले मुटु रोगका लागि साईलक यात्रा र बुद्धस्थलहरुको प्रचारप्रसारका लागि २० किलो मिटरको साईकल ¥याली निकालिने बताए । उनले यो अभियानमा सरिक हुन सबैलाई आग्रह समेत गरे । साईलक राईडर्स दिनेश हमालले मुटु रोगबाट बच्न दिनहु साईकल यात्रा गर्नु पर्ने बताए ।

मुटुको रोगको बृहद प्रचारप्रसार र बुद्धस्थलको पर्यटकीय विकासका लागि अभियान थालिने बताए । अभियानको सुरुवात शनिवार बिहान कपिलवस्तु क्याम्पसबाट गरिनेछ । बुद्धपदम उमाबिको प्राङगढमा यात्राको समापन हुनेछ । अभियानमा गौतम बुद्ध हाटेल, नित्यान्द ज्वेलर्स, अजित ज्वेलर्स गौतम बुद्ध हाटेल, बेस्ट प्वाइन्ट बोडिङ स्कुल लगातयका संस्थाहरुले सहयोग गरेका छन् ।

असोज १० ,
नवराज बेल्वासे
अर्घाखाँचीमा बसाइसराइ को शुल्क रु दुई हजार,
अाधुनिक समय सगैँ सेवा सुविधा लिन खोज्ने मान्छेहरुको अाजभोली एउटा चलननै भएको छ । पहाडी क्षेत्रबाट बसाई सरी तराईँ क्षेत्रमा अाउने प्रचलन पनि बढी सकेको छ । पहाडी क्षेत्रको दुर्गाम क्षेत्रबाट पहाडी क्षेत्रकै अल्ली विकसित ठाउँमा अाउने प्रचलन पनि बढ्दै गएको छ । एक ठाउँबाट अर्का ठाउँमा जदा बसाई सराई प्रमाण पत्र लिने गरीन्छ ।

तर भने त्यहीँ बसाई सराई गर्दा सरकारको नियम अनुसार केही शुल्क भने सेवा सुविधधा बापत तिनुपर्न हुन्छ । स्थानिय सरकार सञ्चालन कार्यविधि २०७४ अनुसार बसाई सराईको रु १०० लिने प्रवधान गरेता पनि सितगंगा नगरपालिका वडा नम्बर ४ ले बसाई सराईको २००० सम्म लिने गरेको पाईएको छ ।
यश सम्बन्धि हामी वाणगंगा नगरपालिका ९ का अध्यक्ष धुव्र बेल्वासे कुरा गयौँ उहाँ भन्नू हुन्छ –

करको चर्चा साच्चै बाणगंगा नगरपालिका न.पा.मा रू.१०० ।- हुने बसाई सराई शुल्क छिमेकी न.पा.सितगंगामा रू २०००।- यस्तो भए पछि जनताले कस्तो अनुभुति गर्लान ! नगर सभा बस्ने नगर सभा सद ज्यू सभामा निदाए जस्तो लाग्यो । जनताका जनप्रतिनिधि को काम पहाड तोडेर बाटा बनाउने मात्र हैन जनतालाई  समृद्धि तिर लैजान कर बढाउनु राम्रो हैन करको दायारा बढाउनु हो। सबैलाई करको दायरामा ल्यादा उत्तम होला ।

यो नियम बिपरित हो यसमा सम्बन्धि निकायले समयमा ध्यान नदिने सितगंगा नगरपालिकाले नगरबासीलाई करको भार बोकाउने कार्यले गर्दा जनता पिडित हुने बताउनु भयो ।

कपिलवस्तु बिजयनगर गाउँपालिकामा जन प्रतिनिधि माथी कार्यालय परिसरमा नै हातपात भएको छ ।गाउपालिका कार्यालय परिसर मै वडा न ४ का वडा अध्यक्ष तिलक कंडेल माथी हात पात भएको हो ।

आर्थिक लेनदेनको विवाद लाई गाउँपालिकाको न्यायिक समितिमा निवेदन परेपछि गाउँपालिकाले निवेदक सोहि गाउँपालिका वडा नं. ६ तेज प्रसाद पौडेल र वडा नं.  ४ का अध्यक्ष कडेंललाई छलफलका लागि आइतबार बोलाएको थियो । छलफलका लागि न्यायिक समितिले बोलाए पनि न्यायिक समितिको छलफल शुरु हुनु भन्दा अगाडी नै विवादले उग्ररुप लिएको र पौडेलले अध्यक्ष कडेंललाई हातपात गरेको गाउँपालिकाले जनाएको छ ।

यता वडा अध्यक्षले कडेंले पौडेललाई आफुले कुनै पनि रकम दिन बाकि नरहेको बताए छन । उ संग विगत लामो समय देखि विवाद भइरहेको हुदाँ पुरानो रिसइबीका कारण मेरो विरुद्ध न्यायपालिकामा उजुरी परेको र सोही दिन छलफल नहुदै प्रतिशोधको भावनाले पौडेलले आफुमाथी हातपात गरेको कडेलले बताए ।

हातपात गर्ने पौडेलले पछि गाउँपालिका प्रतिनिधी र कर्मचारी विच सोही दिन नै अध्यक्ष कंडेल सग माफी मागेको भए पनि कडेलले मंगलबार इलाका प्रहरी कार्यालय कृष्णनगरमा पौडेल विरुद्ध उजुरी दिए पछि घटना बाहिरिएको हो । ०७२÷०७३ मा लोक मार्ग स्तर उन्नती गर्दा सडकमा मिस्कट दिएका पौडेलले सोही काम वापतको बाकी रकम ४५ हजार पटक—पटक माग्दा पनि अध्यक्ष कडेले नदिए पछि न्यायिक समितिमा निवेदन दिनु परेको उनले बताए । छलफल शुरु हुनु भन्दा अगाडी नै आवेसमा आएर मैले गल्ती गरेको हुँ तर त्यसको लागि मैले सोही दिन माफी पनि मागि सकेको छु । हातपातको घटना भएको ३ दिन पछि फेरी अध्यक्ष कडेलले उजुरी दिएको पौडेलले बताए ।

पुरानो लेनदेनको विवाद न्यायिक समितिमा उजुरी परे पछि छलफलको लागि गाउँपालिकामा बोलाइएको र छलफल शुरु नहुँदै अक्रोसित भइ अध्यक्ष माथी पौडेलले गाउँपालिका परिसरमा नै हातपात गरेको प्रमुख प्रशासकिय अधिकृत रविन्द्र प्रसाद चौधरीले बताए । सार्वजनिक पद धारण गरेको व्यक्तिलाई यसरी कार्यालय परिसरमा नै आएर हातपात गर्नु गलत भएको हुदाँ गाउँपालिकाले निज पौडेललाई कारबाहिको लागि सिफारिस गरेको विजयनगर गाउँपालिका अध्यक्ष गोपाल थापाले बताए । पुरानो आर्थिक लेनदेनको विवादले आवेशमा भएको यस किसिमको घटना भएको इलाका प्रहरी कार्यालय कृष्णनगरका प्रहरी निरिक्षक सूर्य बोगटीले बताए । सार्वजनिक पद धारण गरेको व्यक्तिलाई हातपात गरेको हुनाले गाउँपालिकाको सिफारीसमा सार्वजनिक शान्ति विरुद्ध अन्र्तगतको उजुरी परेको बोगटीले जानकारी दिए ।

तस्बिर : सनिउल्ला धोबी,कपिलवस्तु

यो दृश्य कपिलवस्तुको महाराजगंज नगरपालिका वडा नं ११ बलरमवापुरको हो । यहा वडा अध्यक्ष जगदिश प्रसाद तिवारी, वडा सदस्य बनशप्ती कोरी, रामपत यादव, राधेश्याम कुर्मी र चनतारा लोहरले साउण्ड लिएर सचेतना फैलाउने कार्य गर्दै हुनुहुन्छ । वडाबाट दिइने सेवा सुविधा नागरिकले सहि तवरले उपयोग गर्न पाउन भन्दै माइक लिएर घरदैलो कार्यक्रम नै गरिदै आएको छ । घरदैलो कार्यक्रमले यहाबाट प्रवाह हुने सेवा सुविधा नागरिकहरुलाई प्रत्यक्ष जानकारी गराउनका लागि गरीएको बलरमवापुरका वडा अध्यक्ष जगदिश प्रसाद तिवारीले जानकारी दिनुभयो ।वडा कार्यालयबाट प्रवाह हुने सेवा सुविधाका बारेमा अझै पनि नागरिकहरु अनविज्ञ रहेको भन्दै यो घरदैलो अभियान चलाइएको वडा सदस्य बनशप्ती कोरीले बताउनु भयो ।

यहाका नागरिक बर्षो सम्म जन्मदर्ता नागरिकता नबनाउने, राजस्व नबुझाउने भएकोले वडा नं ११ का विभिन्न गाउमा गाएर साउण्ड सिस्टमबाट जानकारी गराउदै सचेतना फैलाइएको छ । वडाबाट प्रवाह हुने सेवा सुविधा नागरिकहरुले जानकारी गराउदा कार्यालयमा नागरिकहरुको चाप बढने विश्वासका साथ यो कार्य गरीएको कार्यालय सहायक नरसिंह कहारले जानकारी दिनु भयो ।
वडाले सञ्चालन गरेको यस्तो किसिमको अभियानले आफुहरुलाई धेरै जानकारी भएको स्थानियले बताएका छन । पहिले पहिले छुटै कानुन थियो अहिले विस बर्ष पछी स्थानिय तहको निर्वाचन भयो केही प्रक्रिया परिवर्तन भएको छ । वडाले सञ्चालन गरेको यो अभियानले हामीलाई धेरै फाइद भएको स्थानिय कमलावती कहारले बताउनु भयो ।

स्थानीय तहको शासन सञ्चालन सम्बन्धीमा जारी गरेको आदेशअनुसार वडाले विकास निर्माणका काम सञ्चालनदेखि विभिन्न ३७ किसिमका सिफारिस गर्नेछन् । हाल वडा कार्यालयबाट नाता प्रमाणित, नागरिकता र प्रतिलिपी सिफारिस, घर बहाल कर शिफारिस, मोहि लगत कत्ता शिफारिस, घर जग्गा कर, जन्ममिति प्रमाणित, व्यापार व्यवसाय खोलेको बन्द गरेको, मिलापत्र, विवाहित अविवाहित लगायत ३७ वटा सिफारिस दिने नियम रहेको छ ।

नेपाल नेत्र ज्याेति संघ कपिलवस्तुकाे अधिवेशनमा समाजसेवी युवा राजेश ज्ञवालीले अध्यक्ष पदमा उम्मेदवारी  दिने घाेषणा गर्नु भएकाे छ । असोज १९ र २० गते ताैलिहवामा हुन गइरहेको संघको अधिबेशनमा वर्तमान कार्यवाहक अध्यक्ष ज्ञवालीले उम्मेदवारी दिने घोषणा गर्नु भएकाे हाे ।

ज्ञवाली अाफुले विगत १५ बर्ष देखि संघको विभिन्न पदमा बसी काम गर्दे आइरहेको बताउनुभयो । ज्ञवाली युवा नेता तथा समाज सेवीको रुपमा परिचत रहनु भएकाे छ । अाफु संघकाे कार्यवाहक अध्यक्ष समेत भइसकेका कारण यस पटक संघकाे अवस्था सुधारका लागि अाफ्नाे उम्मेदवारी रहने बताउनु भयाे । संघकाे अध्यक्ष पदका लागि रमेश शर्मा र राम दयाल ठाकुरकाे पनि नाम चर्चामा रहेकाे छ ।